رحيق الحب

انت مين فيهم!!!!!!!!!

2011-09-08T16:30:00.000-07:00

فيه حاجات كتير بتحصل من حوالينا بس يا ترى الناس ملاحظاها وولا مش واخدة بالها ولا عارفه ومش مباليه ممكن نتخيل اننا واقفين على قرس تويست وبيلف بينا تلقائى عند كل محطة شوية هنتفرج على حاجات عجيبه اكيد مش كل حاجة من حوالينا بقت وحشة لأ اكيد فيه الطيب وفيه الوحش ودية سنه الحياة بس فعلا بقعد افكر كتير احنا بقينا فين دلوقت وبعد اكتر من 6 شهور من الثورة

.

.

.

.

تعالو نشوف

كنت زمان ومن وقت قريب يعنى قبل وقت اندلاع شعله الغضب الخاصه بالثورة كنت بتكلم بينى وبين نفسى وبقول ممكن الواحد يعاصر احداث تاريخيه كدة جليله زى ثورة يوليو 1952 او ما شابه بقى ذلك ورديت على نفسى وقلت معتقدش الامور عادية بتمر من حوالينا ويبقى الحال على ما هو عليه والناس راضيه وساكته وتمام يا ريس وعادى الناس محتقنه بس التغيير بطئ جداااااااااااااااااااا يكاد يكون اقل من سرعه السلحفاه وخلاص سكت وكنت لسه قبلها برضو بفترة وجيزة كنت بتكلم مع والدى على مشاكل فى العمل وان ازاى هنعلى صوتنا مدام كل حاجة بايظة فى البلد ومفيش تغيير تفتكروا بقى قطاع زى مصرف عملنا هيتغير لمجرد حفنه ناس او لمجرد حد هيقول يا جماعه بصوا شوية للناس اللى تحت وشوفوا الدنيا ماشيه ازاى عندهم قبل ما تطلعوا حاجات خياليه وخلاص من غير تفكير ...............وبعدين لقينا الامور بتطور بسرعه اوى شعله غضضب قوية بقت ثورة والناس ابتدت تتشجع وترفع صوتها وبقى يقولك ارفع صوتك فوق انت مصرى

فى الاول كنت باصه لكل الناس اللى قاعدة فى التحرير انهم بيعطلوا مصالح الناس وفيه ناس مضرورة بجد والناس مش لاقيه تاكل وحرام وكدة بس فى الاخر لما اتضحت الامور شوية بشوية وحسيت ان الناس اللى فوق بتمثل واللى فيه طبع عمره ما هيتغير على مشارف التسعين فرحت جدا من جوايا بس اكتر حاجة كانت مؤلمه بالنسبه ليا فعلا عنصر الامان قلت معلش فترة وهتعدى بس اجدادنا لما بيحكو عن الثورات السابقه مكنش فيها لا اراقه دماء والامور استقرت بسرعه وكانت ثورات نظيفه واصبح اجيال قديمه وحديثه اول مرة يعاصروا ويمروا بحدث مثل ما واجهناه واصبحنا نواجه امور حديثة العهد لكل الناس واصبح لسان حال الناس يقول عمرنا ما شفنا كدة ده حتى ايام الحرب مكنتش الناس ولا الدنيا كدة

والناس دية تحتها مليون الف خط خدتنا الشهامه وقتها وابتدت تنزل اعلانات كتير ودعوة للتغير وصور لشباب بينضفوا الميدان وحكايات ايام الثورة بس يا ترى ايه اللى المنتشر فى وسطينا دلوقت

تعالو نشوف

الناس كانت اعصابها تعبانه اوى بعد اندلاع جمعه الغضب واللى سهران بيحرس بيته وعياله وشيل خنجر ولا سلاح ايا كان نوعه على حسب مقدرته فا بقى عندهم احساس ان اللى مكنتش بقدر اشيله زمان بشيله اهو ولو حد جه حسيت انه بيهاجمنى على هغزه واخلص منه وممكن يكون عمر ما كان الشخص ده يتخيل انه يكون فى موقف كدة بس اهو بقى شاف اليوم ده المهم فا اصبح بقى فيه سلوك عدوانى وخصوصا بقى لما يكون مع الطبقه الدنيا والناس البسيطةاللى مش بتميز ممكن لو حد كويس خلاص شوية وهيرجع لقواعده سالما لكن المشكلة الاكبر فى ثقافه الناس اللى تحت الناس بقت مياله لشغل البلطجه وحست انه هوا ده اللى ماشى فى البلد
سواقين تاكسيات او ميكروباصات وبالذات الاخير ده حدث ولا حرج بتحس وانت راكب انك كانك هتلبس فى حد معدى او هتخبط عربيه وهتعمل حادثه بيسوقوا بسرعه رهيبه طيب اعمل اعتبار لكبار سن راكبين وياك ناس شباب خايفه ......مفيش هوا كدة وده ليه بقى عشان بسرعه اقلب الناس اللى معايا والف لفه تانية وفرصه ولا فيه شرطة ولا مرور ولا دياولو وكله قشطة وكمان عشان الاحق على الاسعار المجنونه اللى على طول فى ارتفاع اللى مهما الناس ضحكووا عليهم بزيادة غلابه مش فاهمين انه كدة كدة هتنقص معاهم ويمكن يبعوا هدومهم عليها عشان يعرفوا يعيشوا ........حاجة غلب صح

كنت راكبه مترو برضو من فترة وبقول من فترة لأنى مبقتش اركبه اوى زى الاول بقيت اكسل اطلع السلم وانزل السلم وزحمه وكدة ومكان مغلق حابه اكتر ان اركب حاجة ابص على مناظر طبيعيه منى للسما او للناس الدنيا برا فيها ايه بمعنى اصح المهم رجال راكبين فى عربيه سيدات وبيحكوا ناس متعرفش بعضها بس اندمجوا فى الحوار بنقولهم لو سمحتوا دية عربيه سيدات واحدة منقبه قالتى يا سيتى وانتى مضايقه ليه يا شيخه...........يا شيخه هوا مش فيه نظام ولا لمجرد انها كانت مركزة وياهم فى الحوار ومستمتعه جيد جدا ليهم وبعدين للاسف الناس مش بتقرا من برا شوف احنا عاملين النظام من امتى الا الناس تقول ايه اصل مخدش بالى او يقاوحوا بقى اذا كانت دية طول اليوم او لأ وفيه ناس تبقى عارفه انها عربيه سيدات ومع ذلك يشوفوا رجالة راكبه يقولك اشمعنى انا يلا فرصه انها رايقه.........حاجة تحزن يا شعب متحضر يااللى بدعنا الحضارة والعراقه منذ الاف سنين وبنينا الهرم وغير وغيره

فى الاشغال الشكوى بقت جماعيه مع اختلاف القطاعات شئ غريب ان الناس كلها بتشتكى من كيمه الشغل اللى زادات مرة واحدة وكمان اللى زاد الطي بله زمايلك فى الشغل وتصرفاتهم وتعاملهم ....نظام هوا كدة ولو كان عجبك وبقت الناس مش عايزة تشتغل فئه منهم او واحد يبقى شايف نفسه يااااااااااااه ياما مكنش شغال ولما بقى يشتغل لازم امه لا اله الا الله كلها تعرف انه شايل الطين مع اننا كنا بنشتغل الشغل ده عادى واكتر منه وكنا ساكتين بنؤدى عملنا فى صمت ومبقاش فيه روح حب ومحبه زى نظام يا تحبشنى يا احبشك طبعا شئ مؤلم جدااااااااااااااا لأننا بنقعد فى الشغل وقت اكتر مع بنقعدة فى بيتنا طيب ليه كدة وليه يكون فيه مشاكل مع اننا ممكن نسوى كل حاجة براحه وبهدوء لو فيه شوية تعاون شوية بس خلاص بقى الكيل طفح زى ما بيقولوا والناس قرفانه ومحدش ليه نفس لحاجة

ابسط شئ انك لما تكون راكب مواصله او ماشى فى الشارع وحد خبطك بيقولك سورى وبتتقبل ده وخلاص خلص الحوار لكن فيه ناس عجيبه بتخبط ولا فيه سورى واذا كان عجبك بقى وعلى الله تتكلم

كنت راكبه المترو النهارده ست بتتناقش ان فيه كنبه لكبار السن وزوى الاحتياجات وان اصلا مينفعش حد شباب يقعد عليها وانه ميصحشيكون فيه حد كبير واقف وشاب قاعد كل ده كلام جميل جدااااااااا ومتفقه معاه وان الواحد يتخيل انه لما بيجى يركب مثلا مواصلات مع والده او والدته وزحمه او مفيش مكان بيكون نفسه يقوم اى حد عشان اللى معاه يقعد ويا سلام لو حد اتفضل وقام الواحد بيقول فى سره الحمد لله الدنسا لسه بخير وان الخير اللى بيعمله مش بيروح عشان اكيد لما بتكون ف ى موقف مثيل وراكب مواصله وحد كبير قدامك عايز يقعد بتقعده حتى لو مجاش مكان نزولك بتقول فى سرك الحمد لله الذى هدانا لهذا وما كنا لنهتدى لولا ان هدانا الله وده خير من عند ربنا واللى عند ربنا عمره ما بيروح بس الفكرة كلها ان فيه ناس متوسطة العمر مثلا او مشارف الخمسين مثلا او اكبر منهم بيتكلم على ان الشباب ده لازم يستحمل اى حاجة ايوة يقف ايوة يروح ويجى مهو الشاب ده بشر ممكن يكون فعلا تعبان او مريض البنت اللى واقفة قالت للست انا لما بيكون قدامى حد يقوم اقفله بس برضو ربنا وحده هوا اللى العالم سواء انا او غيرى ممكن يكون فيه ايه الناس فاكرة ان الصحه بقت زى زمان المؤشرات بتقل وده شئ طبيعى مبقاش فيه بركه فى الطعام زى زمان
الاكل مرشوش وملوث وكل شوية يقولك اوعى تاكل لحمه اصلها مدوده الفرخ اصلها عندها انفلونزا طماطم فيها معرفش ايه ناس تيجى تاكل فاكهه تتعب كل ده تفتكروا هيؤدى لايه صحه حديد تمام حتى فى الفلاحين مبقاش انتاج الموارد الذاتيه زى الاول عشان تجيب زبدة بلدى توصى قبلها بزمن طويل عشان اصلا شغلانه وتتعمل وبالطلب
ولا الفطير والعيش كل ده خلاص بحس انه بينزل فى مؤشر اندثار لأنهم اغلب الناس اللى فى القرى اتعلموا والناس الكبيرة خلاص حسن الختام وبقى فيه قله او ندره فى اجيال تانية تتعلم او عايزة كدة وغير كدة كمان مش ملاحظين ارتفاع نسبه الامراض الخطيرة واصابه شباب كتير ربنا يحمينا ويحفظ الجميع كل ده ولسه تفكيرنا زى ما هو مش بيتحرك

ضرب بالجزم فى قاعه المحكمه دية بقى بجد القشه التى قسمت ظهر البعير قاعه المحكمه اللى اصلا فيها هيبه للناس من جوا وفريق المستشارين والقضاه ازاى بقينا فوضوين للدرجة اننا نرفع جزم على بعض فى ساحه عريقه ومقدسه تحكم بالعدل بين الناس وفين القاضى وفين باقى الناس شئ غريب جدااااااااااااااااااا

الصور اللى بتتنشر للرئيس المتنحى اللى ربنا وحده اللى عالم ان كل شئ حصل ده بنجاح من ربنا عز وجل فعلا لولا كدة كنا الله اعلم هنكون زى سوريا ولا ليبيا بس عشان مصر محروسه ومحفوظة بامر الله لأنها ذكرت فى الكتب المقدسه فا ربنا هدى تفكير الرئيس انه يتنحى قبل اندلاع قنبله الله اعلم هتودينا لفين المهم مش حاجة ظريفه اننا نصطاد فى الميه العكره مهما كان راجل كبير فى السن عمل اللى عمله عمل مصايب سوده على دماغه ودماغنا بس ربنا اللى يحاسبه مش احنا كفايه اللى حصل ليه اللى مكنش حد يتوقعه لكن اننا بقى ناخدله صور وكدة بجد شئ مؤلم جدااااااااااااا انا فى آخر مرة اخدوا ليه صورة واضحه الكاميرا كانت مقربه ليه اووووووووووى بجد جسمى اقشعر سبحان المعز المذل فعلا كفايه العبرة اللى هما فيها دلوقت وسبحان الله يعز من يشاء ويذل من يشء وبعدين لما نهيص فى الهيصه بزيادة ممكن ربنا يقولنا لأ كدة طيب خدوا بقى واحنا مش اد كدة

قالو...الثورة قامت والدنيا هتتغير بس للاسف بشوف كل حاجة بتتغير للاسوأ حتى طباع الناس العملا بقت اسوأ من الاول محدش عايز يلتزم بنظام كل واحد عايز يمشى كدة من غير دور او يجى ويمشى بسرعه بغض النظر عن غير المنتظر وبقت الردود سخيفه لما بيطلب حاجة مش متاحه او مش فى الامكان شئ غريب جداااااااااااااااااااااااااااااااا الناس عايزة كل حاجة كدة فى لمح البصر

هدمنا كل حاجة حلوة واخدنا عاطل فى باطل وقلنا لأ دية بتاعتهم يبقى هنأمر بهدم الاصنام وكاننا فى عصر الجاهليه وللاسف كل حاجة حلوة بتروح ليه مش عارفه

جيل المستقبل مؤسسه عريقه انا اخدت فيها بعد التخرج وليا اصحاب كتير اخدوا فيها متتصوروش الكورس ده بيفرق مع البنى آدم ده ازاى وفى نفس الوقت باسعار ملائمه مع كل الناس كان فيه مختلف الطبقات والجميل انه كله لازم يتعاون مع كله بغض النظر انت مين ومهيئ ليك ناس مستوى عال فى العلم وبيعلمك ازاى تجتهد وتتعامل فى فريق فعلا حجر الاساس على اول الطريق للاسف فوجئت ان زميلتى بتتصل كانت دفعتى اللى اتخرجنا منها واشتغلت هيا هناك ادارى للاسف قالتلى مشيت مشونا كلنا وقفلوها خلاص عشان عليها مشاكل وعشان تابعه لجمال مبارك وللاسف مش بتسفيد من اى اخطاء ماضيه لما بناخد كل حاجة كدة وبنلوش احنا اللى بنتعب بعد كدة

......

بس زى ما احنا اللى عملنا الثورة او الشباب يعنى وخلوا اعداد رهيبه تنضم ليهم ويضحوا بحياتهم فى سبيل ان البلد تتغير بس محدش بيكمل ليه الجمله للاخر التغيير لازم يبدأ بيك انت احنا كل واحد يراعى ربنا فى عمله وفى تعامله مع الناس للاسف نسبه الغباء زادت اكتر بقت الناس صعب عليها او تعذر عليها الفهم زى ما تكون خلاص تعبت طلاسم على دماغها محدش عايز يفكر فى شئ طب ليه

احنا عايزين نكون متفاءلين اكتر نكون فكر جديد فعلا بقالنا كتير على اوضاع مش مستقرة وكل شوية بحال ومعرضين للخطر فى كل لحظة ساعه يهوشوا بيه زى حكاية ضرب الحدود وشوية يسكتوا وما خفى كان اعظم فيه امور مش باينه للسطح بس لازم ندعى ربنا كلنا ونقول يارب ونبدأ صح بقى عشان نعرف نعيش ونكمل احسن ما كنا منخليش فرص لاصحاب النفوس الضعيفه او نضحك الناس علينا ويقولوا علينا ناس همج طلع فى دماغهم يعملوا ثورة ونفس الناس دية او جزء منهم بيعمل اشياء مش منطقية بالمرة طب لييييييييييييييييييييييييييييييييييييييييه؟؟؟؟؟؟؟؟؟؟؟؟؟؟؟؟

لسه بقول بكرة احسن على الرغم كل حاجة حواليا شايفاها مش مشجعه حتى المستثمرين خايفين على استثمارتهم جوا مصر اللى كانت ضرب المثل فى الامن والامان وما الامن والكسينه الا من عند الله سبحانه وتعالى

والرضى لمن يرضى لما نكون بنفس راضيه ونفس حلوة نقول يارب اصلح حالنا وعلى شأننا ونرضى برزقنا وربنا يرحمنا من جشع الناس واستغلالها بس عموما هعمل اللى عليا والباقى على ربنا وانتو كمان لو كل واحد بدأ بنفسه خلاص انتهى الوضع وانتهى الكلام مع ان الكلام عمره ما بينتهى

ومازال للحديث بقيه

دعوة للتأمل

2011-01-24T10:47:00.000-08:00

سلامو عليكم

دعوة للتامل

يا ريت اى انسان يمر من هنا يدعو نفسه انه يغمض عنيه ولو لثوانى بسيطه يتامل ما حولة لعله يفهم شيئا او يغير شئيا قادر عليه واذا لم يقدر فليبدأ بنفسه اولا

من ايام ليست بقليله كنت اشاهد مسرحيه الهمجى لا اعرف ماذا يدعونى انى ابحث عن القديم عن كل ما هو قديم افلام ....مسرحيات ....كتب ربما شئ ما يشدنى انى اشعر بحنين بالغ اليها اشعر بلمسه فنيه حقيقة افتقدها الان ومضمون يجعلنى افكر فيه وابحث فيه مع نفسى لافهم وجهه نظر المؤلف

المهم

لعلكم شاهتم المسرحيه الاف المرات وكم اضحكتنا وجعلتنا ننحنى احتراما وتقدير لكلا من المؤلف لينين الرملى والممثل والمخرج محمد صبحى لكنى شعرت بمشعر غريب وانا اشاهدها

اولا المسرحيه تبدأ ببدأ حياة الانسان فى البدايه وحياة الانسان البدائى وكيفما كانت اعاشته جعلنى افكر في هذا الامر

اولا :لأننى تخيلت الانسان البدائى فى اول عهدة بالحياة وانه كان انسان همجى بالطبع لا يعرف كيف يسلك سلوكا او يتعامل مع من مثله هوا ما يفكر فيه انه يسعى للبقاء يحارب حيوانات متوحشة تهاجمه لكى يبقى

وهوا ما دعانى الى ان الانسن فى بادئ عهده قد يكون مختلف مع اناس مثله ولكنهم يتحدوا فى النهاية لوجه ذلك المفترس لأن البقاء الاقوى وهم يريدون متاع الحياة ...نعم انا انسان همجى اضرب من اريد اعتدى او افوز بنساء من اريد ولكننى فى النهاية انا واخى الانسان نتحد فى وجه من يعتدى علينا

وهوا ما دعانى الى تطور الزمان

لماذا الهدف والرساله اختلفت????????????????????

الانسان الان يحارب مثله لكى يفوز باى شئ المفهوم اختلف

بدل ان نتحد فى وجه من يكون غريب عنا اصبحنا نعتدى على انفسنا ونخسر انفسنا فى سبيل اى شئ للبقاء فى الحياة يا له من شئ هزلى

ثانيا:ناحية دينيه

فكرت فى رحمه الله بالانسان انه ارسل رسله على البشريه لكى نتعلم كيف نتعامل مع ذوينا وكيف نعبد الله على اختلاف الاديان وكان آخر الرسل محمد عليه افضل الصلاوات واتم السلام

يدعونى هذا الى ان احمد لله فى كل ثانيه تمر بى برحمه الله بنا وهديته البالغه الى البشريه التى يجب ان نفكر فيها واننا ولله الحمد انتزعنا من طور الهمجيه الى الاخلاق والمكارم الحميدة كما قال الرسول عليه افضل الصلاوات وهو نفس نهج باقى الرسل

سبحانك ربى اللهم لك الحمد والشكر كما ينبغى لجلال وجهك وعظيم سلطانك

ثالثا:مبادئ جميله عرضها علينا الفنانين لينين الرملى واداء الفنان العظيم محمد صبحى فى هيئه كوميدية ساخرة هادفة وهى مبادئ العامه فى حياة اى انسان

الكذب

الفتنه

الغضب

الحسد

وغيرها وترديد صورة الملائكه بتذكير الانسان ان لايفعل ذلك

والسؤال من منا لا يفعل كل هذة الخصال فى آن واحد فى يوم واحد وقد يكون بصورة غير ارادية لردود افعال عقلك الباطن لذلك علينا ايضا ان نتأمل اين نحن نقف؟

وماذا نفعل؟

رابعا:انا مين

انت الانسان مخلوق من طين لكن جميل

اودنى امارة اودنى مرايه اشوف فيها حقيقتى

انت الامارة وانت الدليل

ادونى مرايه اشوف فيها حقيقتى مشفتش فيها غير قبحى ودمامتى

انت المرايه وانت الدليل

لحد امتى هفضل اتعذب واناضل

حد طايل

حوار دائر ما بين نفس الانسان وصوت الملائكه من حولك وهوا يمثل الانا الاعلى التى بداخلك اى صوت ضميرك الحى الذى يكمن داخل نفسك

واخيرا اصوات الملائكه تردد ويرد معها صوت الانسان

لن تمتهن الا اذا تلهفت

ولن تحتقر الا اذا توسلت

ولن تموت الا اذا ابنطحت ارضا وزحفت

لن تموت

انتهى

تاريخ كتابه هذة الخاطرة كان بتاريخ 24-1-2011 ولكنى لم استكملها فى حنيها

لاسباب ما وقتها

لكنى انوه انها ليست كل شئ فمازال للحديث بقيه

يحيا الهلال مع الصليب

2011-01-02T13:39:00.000-08:00

بسم الله الرحمن الرحيم

آمَنَ الرَّسُولُ بِمَا أُنزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا
غُفْرَانَكَ رَبَّنَا وَإِلَيْكَ الْمَصِيرُ
صدق الله العظيم

كلام ربنا مفيش احسن منه عشان نبدأ بيه كلامنا وسبحان الذى هدانا لهذا وما كنا لنهتدى لولا ان هدانا الله

النهارده تانى يوم فى السنه الجديدة وتحت الجديدة دية مليون الف خط كنا كلنا بنحلم وفرحانين مليانين طموح واحلام وافكار سنه عدت من عمرنا فينا اللى قدر يعمل فيها حاجة وفيه اللى ملحقش وبنفس راضيه وبحب ورضا قلنا الحمد لله لسه العمر قدامنا والتفائل مالينا مش هنعمل ذنوب هنعمل خير هنسيب بصمه فى الناس اللى حوالينا هنكون ايجابين نتمنى تكون علاقتنا احسن واحسن ويا ربنا عشان يكون راضى عننا ويسترنا دايما حاجات كتيييييييييييييييييييرة اوووووووووووووووووووووووووى مبسوطين لما نكون كلنا روح واحدة روح ايخاء مسلم ويا مسيحى كلنا سوا بنحتفل بعيد راس السنه الجديدة احلام جديدة بتهفو علينا نتمنى تحقيقها وقعدنا مستنين بفارغ الصبر الدقيقه اللى هتنقلنا من عام لآخر سبحان الله
وجه اليوم اللى بنسناه بس واضح ان دايما ليس كل ما يتمناه المرء يدركه
بعد ان كانت اجراس الكنيسه تعزف انغام وترانيم دينيه بنفس صافيه مطمئنه تبارك السنه الميلادية الجديدة وسط اجواء مفرحه ينزل ستار من الغمامه والحزن يطفو فوق قلوب البشر ليسو ااخواننا المسيحين وحدهم بل ونحن ايضا
نعم شعرت باحباط شديد وبحزن غائر فى القلب السنا كلنا بشر نشعر ببعضنا البعض وما تحتقره النفس لذاتنا نحتقره لغيرنا
اليس هذا حقا

كنت امبارح متلخبطه اوووووووووووووى كل ترتيباتى اتبدلت خالص كنت ناوية البس حاجة جديدة ونيو لوك ونروح اول يوم الشغل بنفس مفتوحه للعمل بس ازاى وفيه ناس مجروحين وياريت كدة وبس بل نظرات اتهام فظيعه وكلام افظع ومظاهرات واحتجاجات تدمى القلب حقا
امبارح بعد منتصف الليل كان فيه مظاهرات فى الشارع بتقول بالروح بالدم نفديك يا صليب وصلنا للمرحلة ددية
دخلنا العام الجديد وبدايته فتنه....فتنه فى غايه القسوة وما ابشعها ان تفرق بين اخوة فى الله
ربنا اوصانا اننا نؤمن بكل رسله نحترمهم والرسول قال لكم دينكم ولى دين وهوا ده الدين الحق مش قتل روح بشريه ربنا اللى خالقها
مش تعذيب ضحايا واراقه دماء اطفال ابرياء
يبقى اكيد اللى عمل كدة اكيد مش مصرى او مش مسلم ولا يدين باى مله لأنه لا يفهم دين الله عن حق ولا يفهم معنى التسامح والاخاء
يا ترى رسالتنا اننا نقتل فى بعض ونرد اساءة باساءة لأ مش هو ده مبدأ القوة بل على العكس تماما لو قلنا ان ده رد على احداث العمرانيه يبقى غلط وغلط بشع وجائر كمان
كنت زمان بسمع حكايات جميله وروح حلوة بجد ياااااااااااااااااااااااااه فين الزمن ده يعود بينا تانى
زمان كانوا بيحكولى ان باحدى مركز من مراكز الصعيد حيث يقطن جدى الاكبر وهوا جد امى كانوا يعيشون جنبا الى جنب مسلمين ومسيحين
كان مرة زمان فيه جارة لجدى بيتها كان صغير شوية وكان نفسها تعمل فرح او قداس كبير لبنتها وبيتها مش هيساعى الناس اللى نفسهم تعزمهم استئذنت جدى انها تعمل مراسم الفرح والقداس ومراسم الفرح الخاصه بهم فى بيت جدى لأنه اكبر شوية وجدى رحب بالموضوع جداااااااااااااااااااااااااااا مع العلم ان جدى كان متدين جداااااااااااا وكان من عضو او مشارك من ضمن الطرق الدينينه وقتها
سبحان الله
كان زمان المسلم والمسيحى بيشاركوا فى كل حاجة وبيشاركوا بعض فى السراء والضراء ايه اللى حصل بقى دلوقت
ليه العنف والضجيج؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وليه منرجعشزى زمان؟؟؟؟؟؟؟؟؟؟؟؟؟؟؟؟؟؟؟
ليه عايزين نخلى الناس بره تضحك علينا ونكون مقتسمين داخل بلدنا او تكون الاحداث دية عرضه ان الناس تسيب البلد وتهج

فى حرب اكتوبر ربنا اكرمنا بالنصر عارفين ليه عشان كان المسيحى والمسلك يد واحدة وساعه النصر هما الاتنين قالو الله اكبر مختلفوش
وفى ثورة 1919 قلنا يحيا الهلال مع الصليب
وفعلا دلوقت بنقول باعلى صوتنا يحيا الهلال مع الصليب

الاحســـــاس نعمـــــه

2010-11-10T12:03:00.000-08:00

ممممممممم لا اعرف من اين ابدأ

ولكنها عده مواقف علقت بداخل ذهنى وفى وجدانى

الاول:شئ مؤسف ان تؤدى عملك وان تشعر انك مقهور بداخله لمجرد انك تشعر بالتعب لا تستطيع ان تأخذ قسطا وافرا من الراحه الكافيه لبدنك وذهنك لانك استنفذت رصيد اجازاتك المهنيه .فكل يوم تصحو على انك تفعل نفس الشئ..... شئ ممل وانك تحتاج للراحه بالفعل ولكنك تذهب رغما عنك شئ مؤسف وليس بالضرورة ان يكون بداخلك تعب عضوى قد يكون نفسى او داخلى تحتاج ان تستريح قليللا وفى هدوء على سريرك لا يزعجك صوت منبه فى الصباح تصحو متثاقلا عليه لتغلقه ليعود من جديد بعد دقائق قليله تضطر آسفا وقتها ان تزيح الغطاء وتقوم لترى الشئ الذى تفعله لكى تستعد للذهاب الى عملك

ولكنى بالفعل كدت انهار احتاج اجازة بالفعل العمل يزداد ضغط عمل متزايد ممل وماذا بعد الى ان فوجئت اننى ذاهبه الى تدريب

ياااااااااااااااااااااااه

يا لها من فرصه ذهبيه استريح فيها من جو العمل والتقى باناس جديدة والتقى بخبرات جديدة يا اهلا بها والمشوار هاهههههههههههههههههههههههههههههههههههه قالوا لى فى البدايه انه فى المهندسين قلت فى سرى يوووووووووووووووه منطقة سيئه المواصلات فيها للغايه ومزدحمه ولكن استرجعوا كلامهم وقالوا لى يبدأ انهم استمعوا اليكى ستذهبى الى مكانك كل مرة فى مدينه نصر

هييييييييييييييييييييييييييييييييييييييييييييييييييييييييييييييييييييييه

الحمد لله شعرت بالغبطه لمجرد انه مكانى المألوف المعتاده عليه كل مرة واشعر فيه بالراحه

فى اول يوم فى الذهاب لم اشعر بمعاناه والحمد لله كان يوم اجازة ولكن فى العوده شعرنا بالمأساه لا توجد مواصلات المواصلات العادية كلها مزدحمه على آآآآآآآآآآآآآخرها مأساه بحق الكلمه

لم نجد مخرج انا وزملائى الا ان نستلقى تاكسى الى رمسيس

فى ثانى يوم وهكذا دواليك

مأساه بكل معنى الكلمه المواصلات مزدحمه جدا شئ غير آدمى ان يتزاحموا البشر على المينى باص او الاتوبيس ويكونوا هكذا فى الهواء مضحين بانفسهم واعمارهم والمضحك ان كان هناك شيخ كبير بعكاز يريد ان يركب وكيف واين لا اعرف منتهى السخريه ومنتهى الامتهان للانسان والبشر

لم اجد الا ان استلقى تاكسى وكانت الطامه الكبرى

ازدحام غير عادى

الشئ الوحيد الذى شعرت بفرحه بداخلى هو عند مرورى فوق كوبرى رايت عمارة من الطرازات القديمه فد تكون يونانيه ربما ولكن وجدت شئ جمالى مهووووووووووول بالنسبه لى اطمح اليه عن نفسى

رسم على الفرانده الخارجية فى اعلى السقف على الجانبين لطفل بجناحين يااااااااااااالله كانه يشبه الملاك تحوفة وقمه الجمال كطراز معمارى وفنى

لذلك فاحساسك بالجمال فى حد ذاته نعمه

الثانى: اسرعت فى خطايا فمع ازدحام الشوارع والطرق وعبثا اذا حاول السائق ان يهرب من ازدحام الشوارع الريئسه فلا محاله اذا فكرنا ان نستلقى شوارع جانبيه لا محاله المهم قاربت على مكانى تدريبى لاجد شخص كبير اب يمسك بيد ابنه الصغير كان يؤدى خدمه فى مؤسسه ما والطفل الصغير قد يكون عمره 3 سنوات تقريبا يمسك عمله فى يديه ويعطيها للعسكرى الماثل امام الباب

يالله

تبطأت فى خطايا للاحظ الطفل الصغير وجدته سعيد ويرقص مرحا وتعلو وجهه ابتسامه غائرة ضحكت وابتسمت بداخلى ما اجمل ان نغرز فى ابنائنا الحب والحنان والتعاون مع الاخرين

لذلك فاحساسك بالغير فهو نعمه

فى كل يوم استلقى فيه مترو الانفاق كالمعتاد ازدحام فى عربه السيدات لا بئس اعتدت هذا الزحام وهوا فى ازدحامه اهون الف مرة من زحام العربات المختلطه

المهم انظر امامى اجد طالبات الجامعات ويالهم من طالبات

اضحك بداخلى اشعر اننى لم اكن بنت او فتاه عادية او زمننا انتهى

الموقف الاول:فتاتان يتحدثون فى امر ما وبالطبع بصوت عالى مسموع سوف تأتى المحطه المرجوه الا نستعد ولكن لا محاله التحدث و"الرغى على ودنه" كما يقال يا فتاتى هل سوف تنزلى المحطه القادمه

ترد نعم وتستكمل الحديث والحوار وكان لم يكن

الا تنظرى امامك السيدات وهل هم واقفين متسمرين "نازلين ولا لأ الله اعلم" اسال الفتاه مرة اخرى "آسفه طبعا قطعت عليهم الحوار الميمون اللى مش قادرين يستنوا لحد ما ينزلوا ويكملوه"

المهم يستقظوا سهوا ويأتوا على انفسهم ويسالوا الماثلين امامهم

منتهى السخريه والهراء وللاسف يتكرر نفس الموقف مع فتيات كثيرات

"احساس غريب ان اللى قدامك تنح"

لذلك فاحساسك ان لا تكون مثقل على غيرك فهو نعمه

الثالث: انتظر زوجى بكل شغف وحب ولهفه وحنين وكل شئ لكى القاه هنا على شاشه لا تستطيع ان تنقل بكل ما بداخلك من مشاعر واحاسيس ولكنها تؤدى دورا ليس بالبسيط اجد زوجى انه لايستطيع الدخول هنا على النت لأنه متعب

يالله كدت اكسر الموبايل اريد ان اذهب اليه فى بلاده الان

اشعر بالذنب تجاهه

اريد ان ارعاه بنفسى

اشياء كثيره تدور بداخلى احاول ان اتصل به لا يرد

اننى اعرفه انه متعب حقا لا يستطيع ان يرد على لا يريد ان يسمعنى صوته وهوا متعب

عذاااااااااااااااااااااااااااااااب

شعرت باكتئاب فظيع

اكثر مما اشعر به بداخل نفسى

لا استطيع تناول طعام ولا اريد ان اتحدث مع احد اشعر بملل ورتابه

كدت ابكى اريد ان ابكى

وجدت افضل شئ الذهاب للنوم

و فى اليوم الثانى طمأننى عليه حمدا لله على كل شئ

شعرت انه افضل عما سبق وان لم يكن مازل ليس على ما يرام كما يجب

لذلك فاحساسك بجزء منك بعيد عنك فهو نعمه

اللهم اعطنا نعمه الاحساس بك يا الله وبعظمتك وابداعك وعظيم سلطانك

واعطنا ان نشعر بمخلوقاتك بعضنا البعض

حتى نتكامل ونتعايش

وحتى نكون محبين فيك يا الله

ابداااا............. لم يغب

2010-11-01T14:05:00.000-07:00

هى:يقولون عنك انك غائب فى بلاد بعيييييده

هو: واتصدقينهم يا عمرى

هى: مممممم لا اعرف ولكنك بالفعل عنا غائب

هو: الا ترينى انا هنا

هى: حقا... اين؟؟؟؟؟

هنا انظرى ستجدينى اجلس بين راحه كفيك

هى : ها

هو: نعم انظرى جيدا ستجديننى اجلس بين راحه كفيك ادون صفحات حبى عليها اتغلغل بداخل جسدك اجرى فى نهر دمك حتى اصل الى قلبك العطوف اجلس القرفصاء فيه اروى ظمأى فيه ثم اخرج منه واجرى فى نهر دمائك مرة اخرى حتى اصل الى يدك الاخرى واخرج منها لاجلس بين راحه يديك مرة اخرى.

هى: ياااااااااه بالفعل اشعر انك بداخلى تتوغل فى ولكن....مم

هو :امازلتى تقولين لكن؟؟

هى :لا انك بالفعل داخل قلبى اشعر بنبضاتك والامك وفرحك وشجونك

هو: نعم لأننى داخل جسدك وانتى ايضا داخل جسدى كلانا تتداخل خيوط نسيجنا فى داخل اجسامنا

هى: محقا انت يا حبيبى دعنى وهراء الناس من حولنا

هو: نعم انا هنا انظرى الى لا استطيع ان اتركك فانا بجانبك والبلاد البعيدة مهما كانت فا هنا بجانبك

هى: نعم يا حبيبى

هو: رفقا اتركينى كى استكمل ما كنت اكتبه على راحه يديك

هى: امازلت تكتب!!!!

هو: نعم ولا انتهى منه ابدا فحبنا يجرى فى دمائنا لا ينتهى سريانه ولا تدفقه

هى :كما تشاء يا حبيبى سانظر اليك كى امتع نظرى واغلق جفونى لكى احفظك بين عيونى

هو: بورك لى فيكى يا رفيقه العمر

اغلقت جفونها وهى تطرح راحه كفيها جنبا الى جنب كى تحافظ على حبيبها وظلت تهدهده وتطرق عليه كانها تطبطب عليه وظلت تحدثه .......نعم انى اراك..... نعم انى اسمعك.......

نعم انى احبك

انـتهـــــت

avatar 2010

2010-10-06T10:54:00.000-07:00

هل شعرت يوما انك داخل اله الزمن التى تشبه تلك التى كانت فى افاتارا

نعم انا عشت داخلها

عشت تلك التجربه

كنت امكث داخلها لا اريد الخروج منها

التقى فيها بمن احب امكث بجانبه

نمزح سويا نتكلم سويا نتشارك همومنا

انظر اليه لكى انسى تعبى ومشقة جسدى

كنت انظر للدنيا والعالم بمنظور مختلف فمعى من احب فمما اخاف

انطلق بحريه

اضحك ........امرح............افكر قليلا

الى ان جاء اليوم الذى انتهت فيه مده الاله الزمنيه

خرجت منها وانا فى انزعاج

توتر.....خوف.....هلع

هلا هو حبيبى يذهب عنى بعيدا

اودعه وانا ارفض من داخلى ابتعاده

انفاسى تباعدت رويدا رويدا ارفض الحياة

الى ان جاءوا باوكسجين يداوى مثل تلك الحالات

فرجعت الى سابق عهدى ....اصارع الحياة وحدى

العن فى سرى ظروف الحياة الصعبه

لكنى عندى امل انى ادخل فى اله الزمن والحب من جديد لكى استطيع ممارسه الحياة مرة اخرى

................................................................

انتظرك وكلى لهفه وامل وحب

انا مين

2010-07-17T15:47:00.000-07:00

يا ترى انا مين او انا فين
محتاجه مساعدة
حاسه انى مستغربه نفسى ومستغربه الناس اللى حواليا
مودى سئ اوى مش عايزة احكى ولا اتكلم عايزة افضل ساكته ومكتومه بجوايا
حاسه انى مجروحه من اعز شخص ليا

انا هتابع الاحداث من بعيد

وهشوف النتيجه ايه فى الاخر

اول مرة احس بنفسى انى ضعيفه

انا محتاجه ابعد بعيد عن الناس شوية

عشان محتاجه للراحه يا ريت تدعولى

انى استريح واريح الناس اللى حواليا

متعرفش ليه

2010-07-15T12:27:00.000-07:00

يارب قوينى على نفسى

2010-07-15T11:52:00.000-07:00

نفسى اتكلم وافضفض بس عارفه انى لو اتكلمت ممكن حد قريب منى هيزعل من كلامى بس احساس غصب عنى ساعات بحس ان الظروف ضدى او احساس الفرحه لا يدوم معايا بيدوب بسرعه بحمد ربنا وبقول الحمد لله بس مش عارفه حاسه ان حياتى ترتيبها غلط حياة كدة مش مستقرة مش عارفه هوا انا يا ترى اللى عملت فى نفسى كدة ولا هوا ربنا مكتوب عليا كدة عادى يعنى لا اعترض على حكمه بس الانسان بشر

ساعات بحس وبسال نفسى يا ترى اشمعنى انا اللى كدة بس بستغفر ربنا واقول ياااااااااااه احسن من غيرنا بكتييييييييييييييير فيه غيرنا ظروفهم اصعب

كنت طول عمرى بحلم بحياة هادية بعيدة عن المشاكل ليها جو معين اكون مميزة فى شكل بيتى فى حياتى مش بحب الملل عشان بزهق بسرعه بحب التجديد نوعا ما بس مش فى كل الحاجات ودايما كنت بتخيل الراجل اللى ارتبط بيه مش اى حد والحمد لله

بس دايما لازم كل حاجة تبقى ملخبطه ومهما ترتب نفسك على حاجة تلاقى حاجات تانية خالص ممكن تبقى مش عايزها بس مجبر عليها لأنها الظروف كدة

ممكن ميكونش حد فاهم حاجة مش مهم

انا عايزة اتكلم اخرج اللى جوايا لأن ساعات بحس انى كبرت اووووووووووى ومهمومه اوى من جوايا بفكر كتير مش بعرف انام كويس بليل مش باكل بنفس ولا كويس زى الاول حاسه انى فى حاله هذيان

بحلم بحاجات كتييييييييييير اوووووووووووى احققها بس بقول يا ترى هشوفها تتحق يا ترى

بقول لنفسى الله اعلم او يمكن مكتوب عليا حاجة معينه اشوفها وبس

دايما كنت بقول لاصحابى فيه شخص مكتوب عليه ومكتوب علينا كلنا اننا لازم نتحمل اقدارنا فى صمت

ونقول الحمد لله

ساعات لما تلاقى كل الناس مركزة وياك او شايفاك حاجة واو

وانت من جواك ولا شايف كدة ولا يحزنون

بس مجرد بتحب الناس بحب فى ربنا

تتمنى الخير للناس كلها متبقاش لوحدك مبسوط لأ تبقى كل الناس مبسوطه

ساعات اصحابى بيقولولى معادله صعبه

بس مش بعيدة على ربنا

المهم

انى بدأت اخاف

اخاف من نفسى واحيانا بدأت اخاف من الناس

مش عارفه انا بخرف بس المجمل انى مش عاجبنى نفسى

وبقول يا رب ساعدنى انى اساعد نفسى وقوينى عليها

هذه.........وهذه

2010-05-29T03:09:00.000-07:00

مازال

يساورنى الخجل كلما تطلعت الى بنظراتك

بابتسامتك

اشعر وكانها ابتسامه ملائكيه لا استطيع ان انظر اليها طويلا

تريد ان تلامسنى

لامسنى فملامستك فيها شفاء للجسد

الان استعيد ذاكرتى

الا تستعيدها معى

تذكر يوم زفافنا فى اول يوم نلتقى فيه سويا

قبل ان تلتقى اجسادنا تلاقت قلوبنا

تلاقت شفاهنا

وحينما اردت ان تهم بى

قلت لك انتظر قليللا

الا تريد ان اساعدك فى اختيار ما ترتديه الان فى اول يوم لنا نلتقى فيه

وكان لى ما اشاء

تركتنى بعيدا نوعا ما مندهشا تصبو الى بلهفه طفل برئ تنتظر ما سافعله

كنت تتطلع الى تراقبنى فى صمت

والرغبه تعلو بداخلك

فى حين قمت انا باستخراج سترتك

ووضعت بطياتها وردتين

واحدة "بيضاء" والاخرى" حمراء

وتطلعت اليك لارى ابتسامه تعلو شفتيك

واتجهت الى لتقبلنى

قلت لك الا تريد ان تعرف لماذا قلت لك انتظر

واؤمت براسك لتعرف

قلت لك الورده البيضاء دلاله على صفاء حياتنا والبدايه التى نصبو اليها

والورده الحمراء دلاله على ان عنفوان حياتنا وملؤها بالحراره والقوة والحب

ياالله كلما تذكرت رد فعلك وقتها تسرى فى جسدى قشعريره

اختلطت المشاعر كلها فى آن واحد لتظهر على وجهك البرئ

واخذتنى بين احضانك بقوة لترفعنى الى اعلى واخذت تضحك بصوت عالى

وشعرت كاننى الف العالم كله باسره الان

لأنك قلت باعلى صوتك

احبك يا حبيبتى الى الابد

شكرا سياده الوزير

2010-04-03T10:57:00.000-07:00

النهارده عيد ميلادى

2010-01-29T00:14:00.000-08:00

السلام عليكم يا اهل النت والتكنولوجيا

عايزة اقول حاجات كتييييييييييييييييييييييييييرة اوى بقى النهارده

النهارده عيد ميلادددددددددددى

بقى عندى 25 سنه ياااااااااااااااااااااااااااااه مش عارفه اوصف الاحساس اد ايه كل ما حد من اخواتى ما يسالنى ارد وانا فرحانه اووووووووووى بقى عندك كام سنه يا كتكوته اقول بقى عندى 25 سنه احساس كطفله صغيرة فرحانه انها بتكبر وان الناس حواليها

بجد كان يوم جميييييييييييل اووووووووووى امبارح بجد وفرحانه اكتر باخواتى فى ربنا كلهم كل الناس مش عايزة اذكر اسامى عشان منساش حد

بس زمايلى اللى معايا فى الشغل بقولهم بجد مش عارفه اقولكم ايه غير ان ربنا يخليكو ليا وميحرمنيش منكو ابداااااااااااا

انا حاسه انى فى وسطكو ليا كيان وقيمه بيكو انتو وبجد شكرا لكل حاجة حلوة عملتوها عشانى

سمر ومعالى ورويدا وعلى راسهم طبعا الحاجة يسريه واستاذ ياسر

اما بقى بالنسبه للناس التانية مهما طال الزمن بينا ربنا يديم علينا الحب والود والاخوة فى ربنا لازم كل مرة كدة تلتزموا فى ذات التوقيت بليل وتتحفونى بالرسايل الجامدة بتاعتكو وكل سنه واحنا دايما اصحاب واخوات

اما بقى طبعا على راس المائدة كلها بابا وماما واخواتى الاعزاء بقولهم ربنا يخليكو ليا يا رب فرحانه بيكو زى ما انتو فرحانين بيا

وحاجة مخصوصه بقى على جنب لخطيبى العزيز

بقوله ربنا يخليك ليا يا رب وميفرقناش عن بعضنا ابدا ومعلش بقى نمت اثناء الماتش وقعدت تتصل بليل وانا كنت نايمه اوت منى معلش بقى بس تتعوض النهارده ولا ايه يا حبيبى الجميل

بحبك فى ربنا وبحب كل الناس فى ربنا

احبببببببببببببببببببببببببببببببببببببببببببببببببببببببببببببببببببببببببببببكم جمعيا مهما طال بى العمر

بالالوان الطبيعيه

2010-01-14T15:41:00.000-08:00

سلامو عليكم

وحشتوووووووووووووووووووووووووووووووونى جداااااااااااااااااااااااا

وواحشنى جو المدونه جدااااااااااااااااااااااااا

المهم

فيه موضوعات كتيييييييييييييره عايزة اتكلم فيها وياكم بس هبدأ باللى بد وقفت قدامه كتيير اوووووووى حاجة بجد فعلا تستحق

كنا من فترة مش قريبه قررنا نخرج بعد يوم عمل شاق ومتعب نجدد بيه الحياة بس معرفناش نروح فين صديقتنا اقترحت اننا نروح بالالون الطبيعيه مفهمتش فى الاول ايه ده لأنى مش متابعه لا جرايد ولا تليفزيون لضيق الوقت وبعدين عرفت بعد كدة انه فيلم طب ممين ابطاله محدش عارف مجموعه من الشباب حسيت انه موضوع مبهم ولقينا انه معروض فى سينمات بعيده عن المكان اللى احنا فيه وسبحان الله رحنا مكان بالصدفه لقينا اعلان الفيلم موجود فى المول اللى رحناه وسالنا عليه لقينا ان لسه الوقت قدامنا المهم الاعلان نفسه شدنى اوى مجموعه شباب وداهنين بقهم بالاحمر

المهم بدأنا الفيلم مش عارفه كنت طول الوقت بفكر هوا يقصد ايه باسم الفيلم وبعدين لما الفيلم ابتدا الموسيقى بتاعته حسيت انه عايز يقولنا يا ريت كل حاجة تكون بتلقائيه وكانت هيا دية فعلا الرساله بس باكثر وتعمق

الاول مجموعه الشباب ابدعوا وفعلا بجد حسيت انهم مش بيمثلوا يمكن عشان حسين انه بيأدوا دور وقضيه بيعشيوها وبنعيشها دلوقت

الفيلم بيحكى عن شاب فى الثانويه العامه وبيجتهد وبيذاكر عشان نفسه يكون فنان هوا شايف نفسه كدة ووالدته نفسها يطلع دكتور زيها زى باقى اولياء الامور فى مجتمعنا المهم الولد نفذ رغبته ودخل الكليه

طبعا كان فيه شوية من كوميديا ساخرة باداء الفنانه انتصار فى اداء الام وانها حتى رافضه ان ابنها يكون فنان عشان الفن حرام وطبعا الاحباء الجيران وشوشوا فى ودنها بحبه كلام لطمت على الخدين بس الولد صمم على رغبته وراح الكليه

جو غريب وناس اغرب جميل ان الانسان يكون فنان لأننا بفطرتنا ربنا خالق فينا ناحيه جماليه عشان نقدر نعيش فى ملك ربنا ونتامل فى ابداع ربنا المحيط بينا بس الناحيه الفنيه دية بتختلف من شخص للتانى وفيه شخص بيكبتها وفيه شخص بيطلقها للعنان

المهم ان الولد اصطدم لأن لقى الدكاتره بيدرسوا الفن على اساس العرى ازاى ارسم شخص عريان وعشان ننجح لازم نتعرى فا طبعا كل واحد قلع ورسم اللى قدامه

طبعا شئ يدعو للرثاء الفن شئ جمالى وهبه من عند ربنا ازاى احوله لجريمه بشعه يعنى هوا كل العرى يبقى فن اكيد لأ

والولد زيه زى شباب جيله متخبط حس بالذنب وكل شوية بيكلم ربنا مش عارف ايه الصح من الغلط ينفذ رغبه امه ولا هوايته اللى جواه وحاول من تانى وساب الكليه حول لكليه عمليه زى والدته ما عايزه حاول فعلا بجد بس مش قادر بيلاقى نفسه وهوا بينه وبين نفسه فى لحظات وحدانيه بيرسم حاجة لا اراديه

ورجع تانى للكليه مقدرش يقاوم بس على شرط انه مش هيعمل حاجة غلط طب ازاى والدكتور مشترط انهم لازم يرسموا حد عريان وتبدأ لحظات التخبط فى الشباب سن حرج اووووووووووى بجد

الولد كان ليه احساس فنان بجد ونفسه ينفذ حاجة بجد بس اللى حواليه مش مساعدينه وزميلته اللى بيحبها اهلها اول ما شافوا الاسكتش بتاعها كانوا هيمنوعوها من المرواح للكليه او انها تحول اى قسم تانى خالص بعيد عن الحاجت دية

اصعب شئ ان الانسان يكون فى صراع نفسى بين داخله والواقع اللى بيعيش فيه

فى مرة قرروا انهم يذهبوا فى رحله فى المركب الولد شاف نافوره فى وسط النيل حب انه يقف عليها ويوصلها ويتامل الكون من حواليه ووصل ليها فعلا بس كان الشئ المؤسف انه زمايله سابوه ومشيوا

الموقف ده خلانى افكر انه زيه بالظبط اللى احنا بنعيشه لما الواحد بيكون شايف او حاسس بحاجة ممكن اللى حواليه حاسين انه شئ غريب او مش عادى بيعتبروك مجنون او احمق فا بالتالى بيسبوك ويمشوا ولا الزمن بيلف لفته بتلاقيهم وياك شئ غريب فعلا بس دية سنه الحياة المهم نرجع لموضوعنا

الولد استمر على مبادئه وفى حبه لزميلته بس طبعا كتر المعاصى والمجون ممكن بيحول الانسان من 0 الى 360 درجه مرة واحدة انقلاب شباب وكل اللى عايزين يعملوا بيعملوا فنانين بيرسموا بيتعروا بيحبوا بيمارسوا بيعاشروا كل شئ مباح ياااااااااه صعب جداااااااا الاحساس ده انك بتعمل كل حاجة وبعدين بتتحول من النقيض الى النقيض وبتبعد عن كل اللى حواليك حتى اللى بتحبه تخبط داخلى بدرجة فظيعه

المهم فى النهايه عشان مش عايزة احرق الفيلم الولد طبعا واجه تخبطات كتيرة لحد ما خلص الخمس سنوات بتاعه الكليه لكن فى الاخر صمم على مبادئه بغض النظر انه ده هيخسره حاجات كتير ومستقبل هوا يستحقه بس المهم انه مبادئه متمسك بيها

والناس من حواليه رجعوا ليه تانى والدته والبنت اللى بيحبها وبتحبه بصدق

على الرغم ان اللى بيمثل فيه مجموعه شباب متعرفهمش لكن اثروا فيا جدااااااااااا واتأثرت بالفيلم لدرجه خلتنى ابكى بشده

اولا: لما بيكون الانسان مش عارف هوا مين او هيعمل ايه بيلجأ لربنا وبيتكلم وياه بصراحه ووضوح او عايز يكلم ربنا او يصارحه فى حاجة بتكون من جواه مش هيعرف يتكلم وياها مع بشر زى ما الولد كان بيعمل فى الفيلم بالظبط

ثانيا الفن شئ جمالى عمر ما كان الفن مقياسه بالعرى زمان فى افلام الابيض والاسود لو تفتكروا لما بيكون فيه مثلا مغنى زى فريد او عبد الوهاب بيأدى الاغنيه بتاعته فى الفيلم وفيه اسكتش وفريق وياه ما هما كانوا لابسين ومش لابسين بس عمر فيه حد علق على ده معتقدش عشان التركيز على الفنان نفسه وحسه واحساسك بيه كان صوت عبد الوهاب او فريد او عبدالحليم بياخدك بعيد جداااااااااااا محدش كان بيلتفت فى الناس اللى بيرقصوا وراهم دول لابسين ايه

الفن شئ محترم حاجة لازمه فى حياتنا لكن للاسف التيار عكس كدة وعايزين الناس تفكر فى غير كدة ونعلم الشباب او منعلمهمش زى ما الفيلم عملوا بدعوى انهم بنوا نفسهم بنفسهم فلفسه ساذجه وبايخه

الحب لازم يكون موجوده فى حياتنا ونمارسه بحب واحترام لكن لما بيزيد وبنفقد السيطرة عليه بيكون شئ صعب جداااااااااااااااااا زى بالظبط احساس البنت انها بتمارس حاجة ربنا هيعاقبها عليها مع انها متاكدة من حبيبها واتخطبوا لبعضهم وكل شئ تمامبس الضمير الحى اللى بيكون جوا الانسان هوا اللى بيخليه يفكر لأن هوا الرادع عن ملذتنا

ثالثا الاول لما الولد ركب ويا اصحابه المركب وقالهم عايز اطلع فوق عند النافوه عشان نفسى ابص المنظر من فوق سابوه ومشيوا وسخروا منه فى آخر الفيلم عملوا نفس الرحله وطلب نفس الطلب بس المرة دية اتحايلوا عليه عشان يفضلوا مستنينه ومش عايزين يسيبوه ويمشيوا يمكن عشان ابتدوا يفهموا الحياة صح او يفهموا صاحبهم هوا صح

رابعا صعب جدا ان الانسان من جواه بيعيش كل الوان الحياة ولما بيلاقى نفسه مرة واحدة بقى فى مسئوليه بجد ومسئول زى الولد اللى بيحب البنات جداااا وفضل يحب فى بنت وبيعيش وياها لحد ما انجب ولد هوا من جواه مش عايز مسئوليه ووجع دماغ بس لما قعد وفكر وياه نفسه حس ان لسه حاسه الانسان جواه وان اللى هيتولد ده ابنه من صلبه بغض النظر بقى ان ده جواز عرفى ولا زفت ولا علاقه وخلاص بس للاسف الاحساس جه متاخر اووووووى لأن الام بعد ما ولدت وشاف المولود وفرح بيه سافرت بيه وهاجرت بيه بره لالمانيا

يااااااااااااااااه طب مكنش من الاول ليه ولا الشيطان كان هوا المتحكم من الاول فى الحياه

خامسا حاجة احنا بنعيشها دلوقت او بمعنى اصح بتعيشها اغلب البنات البنت بتلبس اللى بتلبسه وبتعمل اللى عايزاه انا طبعا بقصد فئه معينه وبعدين من كتر التخبط والضغوط والنفسيه وكلام مشايخ يمين وشمال وشرق وغرب لقت نفسها انها بتعمل حاجة حرام واللى بتدرسه حرام فى حرام فا بتعمل ايه انتقبت وبعدت عن القسم اللى فيه وحولت حتى لو ده مش بتحبه بس هتجاهد وبعدين فضلت شوية على كدة وبعدين رجعت اسخم من الاول لأنها هيا مش عارفه هيا عايزة ايه بالظبط احساس صعب جدااااااااا محتاجين نقف قدامه كتيييير اوووووووى

سادسا الموديل اللى كان فنان زمان وفشل اثناء الدارسه وخسر نفسه دية رساله ان اللى هيستسلم هيخسر نفسه زى الراجل ده الشخصيه اللى مثلها الفنان القدير سعيد صالح دور صغير وبسيط اه بس بجد فيه معانى كتييييييره

سابعا ابحث عن نفسك ومتتخلاش عن احلامك ولا طموحاتك بس بالطريق الدوغرى الصح لا مش دوغرى وصح يبقى بلاش منه زى بالظبط الولد اللى فضل خمس سنين مرماطون للدكاترة والمعيدين عشان يضمن انه يكون المعيد وفى الاخر مبقاش معيد بقى حاجة تانية فى حين ان الشاب التانى بطل الفيلم تخلى عن انه يكون معيد مش مهم المهم انه يوصل رساله لاساتذته من خلال فنه وهوا المطلوب اثباته

ثامنا دكتور الجامعه اللى بيستبيح لنفسه ان الطلبه تشتغل عنده ويشغلهم مقابل اجر زهيد بالمقارنه باللى بياخده عشان يرسموا لوحات وينسخ عليها اسمه ياااه جره قلم انهت كل شئ

والمعيده التى لا تفقه اى شئ فى الفن غير انها بانوثتها وصلت الى ما كانت تصبو اليه.

بجدبجد محتاجين تكاتف ووقفه جامدة عشان احنا الشباب وعشان الشباب اللى جاى كفاية تحطيم اكتر من كدة وكفايه انحطاط فى المستوى الاخلاقى كل واحد بيدور على مصلحته والبقاء للاقوى وكل واحد وواسطته بس فى النهايه ربنا فوق الكل موجود

اللى محتاج حاجة او حاسس بازمه يرفع راسه لفوق ويقول يارب واتكلم براحتك عشان ربنا سامعنا وشايفنا وحاسس بينا

وخلى كل حاجة فى حياتنا

بالالوان الطبيعيه عشان نعيشها صح

يا ريت تتفرجوا على الفيلم ومش لازم سينما غاليه ولا يحزنون شوفوا سينما معقوله فى اقرب حاجة لسكنكوا وابقوا قولوا ايه رايكم

معلش طولت عليكم

بس للحديث

......

.....

بقي

الحب لحن جميل

2009-06-19T15:36:00.000-07:00

الحياة جواها فوايد وتعاليم

2009-04-25T10:12:00.000-07:00

سلامو عليكم

بيقولوا فى حكمه العقلاء الدنيا مدرسه والمدرسه بتاعتها واسعه اووووووووووووى نتعلم منها كل شئ واى شئ

تعرفوا من كام يوم كنت واقفة على محطه الاتوبيس كنت مستنيه مواصله تنقلنى للمكان اللى عايزة اروحه فا لقيت من

قدامى اتوبيس عدى وموقفش فى المحطه يمكن هدى بعد المحطه بشوية وطبعا الواقف المسلوخ فى الشمس مش هيقول يلا مش مشكلة لأ طبعا هيجيب ديل الجلبيه فى سنانه ويجرى عليه وده اللى حصل بجد الراجل صعب عليا

اووووووووووى

وبعدين قعدت افكر شوية وقلت ايه نط فى دماغى موضوع قديم كنت بتناقش فيه ويا زمايلى ايام شغلى القديم وبما اننا

كنا من هوايات الجرى ورا الاتوبيس والماسكه فى العمود لحسن نطير وخلافه بقى ايام كانت كفاح وجميلة بصحيح المهم

كنت دايما من انصار ان ركوب المواصلات العامه فيها فلسفه جامدة اووووووووى

اول حاجة من الناحيه الاجتماعيه انك بتحس بالناس اللى حواليك وبتشعر بيهم وبتلاقى مواقف كتير بتقابلك وممكن كمان

من حديث ناس انت راكب وياهم تستفيد منه او يخفف عنك هم لأن همهم اعظم من همك فبالتلى هتفكر فى الحوار

وهتعرف ان ربنا رؤوف بيك وان الحمد لله انت احسن من غيرك برضو

تانى حاجة انه بيعلمنا الصبر لما بنيجى نركب الاتوبيس زحمه شوية الزحمه المقبولة اننا واقفين مرتاحين بتشوف الدنيا

وبعدين بتبقى واقف محتمل لحد مااااااااااااا ايه تلاقى حد ييقوم بقى ويكون شهم او الاتوبيس او المينى باص او المترو

يروق وتلاقى مكان وتقعد وبالتالى انك محصلتش على الحاجة بسهولة

تالت حاجة انه بيخليك تتامل فى وجوه البشر اللى حواليك وتلاقى الانيق والغلبان والفقير واللى بيدعى الفقر واللى

بيشحت كل واحد لو قعدت تتامل فيه شويه هتفهم الدنيا اللى حواليك والناس وفعلا الناس بقت غريبه اووووووووووى

ده ناهيك عن البنات وكلامهم وبقوا بيفكروا ازاى وبقول البنات عشان انا فى المترو مش بركب غير فى عربيه السيدات

اما الاتوبيس وكدة وخلافه البنات فيه بتتلم شوية او يمكن بيكون فيه مرقعه بس على خفيف

رابعا ممكن حد يطلب منك المساعدة انك تشيل وياه حاجة تقيله او تعديه سلم او خلافه وساعتها بتاخد ثواب عظيم

خامسا بقى لقيت ان كمان لما بتيجى تركب الاتوبيس وتجرى وراه اديك عملت رياضه ولا بقى تقولى تروح لجيم وتدفع

آد كدة ولا يحزنون رياضه ببلاش اهو رياضه الناس الغلابه الشقيانه اللى كل يوم متبهدله فى المواصلات

سادسا انك متحسش انك مرتاح على طول وبتشارك الناس مش عشان ربنا كرمك وتقدر تركب عربيه او غيره مواصله

مريحه تنسى بقى لأ انت بتشارك الناس وعشان تحس ان الحياة فيها كدة وكدة

آخر حاجة والحاجة اللى مفروض تتم وللاسف اختفت دلوقت لما تلاقى حد كبير اكبر منك او تعبان والدنيا زحمه وعايز

يقعد بتقوم سواء بقى امرأة او راجل عجوز او سيدة حامل او حامله لطفل وهكذا

وده بيخلى فيه تراحم بين الناس وبعضها

وللاسف الناس دلوقت بقت بتطنش والاطفال آباهم وامهاتهم بيعلموهم دلوقت التلامه ويقعدوا براحتهم على الكنبه ولا

الكرسى ومش مشكلة اللى واقف يولع ولو كان عاجبه

معلش يمكن يكون الكلام غريب بس هوا ده العادى بتاعى

هاههههههههههههههههههه

ما احنا اتفقنا خدوا الحكمه من افواه المجانين

........................................

امبارح كنت راكبه المترو كنت رايحه اجيب الحاجات وكدة عشان بنحضر لمفاجأة اميرة اللذيذة فى عيد ميلادها مش هنقول الكام عشان منحرجهاش بس

انا وايمان وندا كنا عاملين تخطيط والحمد لله تم بحمد الله والكل انبسط وقضينا وقت جميييييييييييل اوووووووووووووووى

وانا راكبه وواقفه بستعد لنزول المحطه اللى جاية لقيت راجل عجوز بس انتيكه اوووووى لقيته واقف باصص فى الساعه وزى ما يكون تعبيره مندهش اوووووووووووى

وبعدين سالنى هيا الساعه تلاته ولا اربعه

قولتلو اربعه

قالى ليه

ونظام بسرعه بقى الباب كان هيقفل وكنت حاسه انه هيجراله حاجة

هيغروها اربعه ليه

قولتو عشان حضرتك الساعه اتغيرت امبارح التوقيت الصيفى بقى

بصراحه بقى الموضوع ملخبط اووووووووووى

وبقت الناس مش فاهمه حاجة

انا عن نفسى مكنتش اعرف ان الساعه اتغيرت الا تانى يوم لما بابا وماما قالولى ومكنتش مصدقاهم والساعات حواليا بنفس التوقيت القديم

الله مش كانت آخر خميس فى ابريل نقدم الساعه وآخر خميس فى سبتمبر ناخرها

بس الظاهر لما السنه اللى فاتت جه رمضان فى سبتمبر وقالوا نرجع التوقيت الشتوى عشان رفقه بالصائمين وكدة وكمان كان التاخير قبل الميعاد المعتاد ليه فا بالتالى اترتب عليه انهم يقدموا كمان اليوم اللى نقدم فيه الساعه

بس هوا سؤال بيطرح نفسه هوا احنا ليه بنقدمها ولا بناخرها ليه منثبتش على توقيت واحد حتى يكون اريح للناس بدل ما بيحصل لخبطه

هما ليه بقى قدموا الساعه

ها

ليييييييييييييييييييييييييييييييييييييه

هاهههههههههههههههههههههههههههههههههههههه

نترك الاجابه للساده الافاضل

اللى هيدلو برايهم

ونترككم الان ولنعود بعد الفاصل

ما احلى الجنون فيه

2009-03-15T11:24:00.000-07:00

مساء الخير عليكم جمعيا

انا عارفه انى بقيت رخمه وبتاخر كتير بس اعمل ايه دايما اركب توتوك يوصلنى لحد هنا وافضل زى التايه جوايا حاجات اعملها واقولها لكن مش عارفه اقول حاجة جوايا حاجات كتيييييييييييييير اووووووووووى بكون عايزة احكى عنها بس ياما بكون كسلانه او مرهقه او لاسباب نفسيه تانية المهم انى من كام يوم بالتحديد يوم الاربع اليوم كان بدايته عادى بس انتهى فى الاخر بتهييس جامد اووووووى عارفين لما يكون الواحد بيحس بحاله من الجنون بيضحك اوووووووى وبيهييس بقى بقيت اهيس مع العملا واضحك وبعمل حاجات غريبه واصحابى معايا بيضحكوا معايا

هاههههههههههههههههههههه حاله بعيشها كدة ويا نفسى امتى بالتحديد بتيجى الله اعلم بس لازم تيجى عشان احس انى بعمل حاجة نفسى اعملها وان جيتو للحق انا اصلا مجنونه بيكون نفسى اعمل حاجات مجنونه كتييييييير اووووووووى بس بحجم نفسى وساعات مش بقدر فا بتلسع بحب اعيش الحياة كدة عادى بتلقائيه ومرح زى ما خلقنا ربنا

المهم ندا صاحبتى اتصلت بيا وقالتلى نتقابل وكدة انا وانتى وايمان وبما ان مواعيدى فى الشغل دلوقت صعبه وبقينا عبيد فى الشغل هاههههههههههه بقيت طبيعى جدا مش بعرف اعمل اى حاجة بعد مواعيد الشغل اللى مبقاش فيها ليها مواعيد حسيت انى محتاجة اشوفهم مع اننا لسه شايفاهم قريب يعنى لكن مش عارفه حسيت ان الخروجة مكنتش متظبطه اوى وراجعين بيوتنا عادى مش عارفه ليه واللى كان مضايق واللى كان سرحان واللى واللى فا حسيت انهم واحشنى اوووووووى طب والشغل بصراحه قولت لندا انى مش اكيد هقدر آجى بس لو عرفت هتصل بيكى واقولك عشان تستنونى عشان هتاخر عليكو شوية مش هعرف اتقابل فى نفس ميعادكو بس بعد ما قفلت خلاص ركبت فى دماغى انى هشوفهم ويولع بقى الشغل على التحديث على اى حاجة المهم اننا نستنشق هواء نقى نشوف مناظر طبيعية اشوف بنآدمين اشوف اخواتى فى الله كدة يعنى

المهم اخدت العزم وعلى تمام الساعه خلاص لميت حاجتى واتوكلت على الله اللى قلقنى بس موضوع المينى باص اللى على طول بنطلطع كتير عقبال ما يجى المهم الحمد لله ركبت وطمنتهم انى فى السكه وشفتهم وقعدنا ويا بعض ومستمرين فى نظام التهييس

بس كان يوم تحووووووووووووفة وايمان حبيبتى غنت وعرفتنا على بنت عسولة اسمها مصريه رقيقه اووووووى وصوتها جميييييييييييل يااااااااااااااااه انا عارفه المواهب دية مش بتعبى شريط ليه ولا لازم يصدعونا ويسودوا عيشتنا بببحبك يا حمار .........هاههههههههههههه يلا الغرض قعدت احكيلهم عملت ايه ويا العملا والمواقف المضحكه اللى حصلت وقعدنا نضحك ويا بعضنا وكدةبس لفت نظرى حاجة جميله اوووووووووى كان فيه قطه جت وقعدت على الكنبه اللى احنا قاعدين عليها كانت بتعمل حركات غريبه اوووووى وحتى التنفس بيتاعها غريب مقدرتش امسك نفسى قلت لازم اصورها واصورها فيديو كمان بس للاسف اللقطه اللى بكون عايزاها بتبقى عدتنى

القطه نايمه فى سكون بس مفتحه عنيها وبتحاول ترفع راسها لفوق وبتنفس وبتبص على الناس يااااااااه اتهيئلى انها كانها بتقول عايزة استنشق هواء نضيف بقى وكان لسان حالها بيقول وهيا بتبص للناس مستغرباها ايه كل الناس دية ومالهم عاملين كدة ليه وايه اللبس الغريب ده يعنى اتخيلت كدة

وبعدين فضلت عنيها تنعس حبه بحبه لحد ما غمضتت ياااااااااااااااااااه كاااااااااااااااانت صورة بديعه بجد الواحد يقول فى سره لمخلوقات ربنا دية لما يشوف ويتابع حركاتها يا سبحان الله

وكان الطير فعلا يسبح بحمد ربنا ودية حقيقه وانا شوفتها بعنيا مرة كنت نازلة فى صلاه عيد وشفت القطه واقفة على عتبه الباب بتاع العمارة وبتسمع الاذان وودنها بتهتز وواقفة فى سكون عجيب بجد استغربت اوووووى ساعتها ياااااااااااااااااااااااااااه آآآآآآآآآآآآآيه من الجمال

بجد بجد اللى بيتامل فى مخلوفات الطبيعه بيحس بآد ايه جمال عظمه خالقنا وحكمته وسبحانه

المهم محسناش بالوقت هووووووووب كلنا نطينا بس كان نفسى نعدى على معرض كدة لمحته بره وانا داخله بس قلت بعدين بقى ابقى اعرف ايه دهلما اقابل اخواتى فى الله

المهم وقفنا واتفرجنا كان معرض لبنت فنانه بتعمل مشغولات اكسسوار حاجات هيا بتعملها وحاجات بتسوقها بس بجد عجبنى جدااااا وعجبنا كلنا وخصوصا انه اسعاره رخيصه وزوقه حلو اوووووووووى تبقى مش عارف تجيب ايه ولا ايه وانا عموما بحب الاكسسوار بحس انه بيضفى نوع من البهجه والتجديد وبما انى كنت فى نفس الحاله اياها فا جبت شوية كنت مبسوطه بقى وكمان بحب اشجع اوى اصحاب المواهب فا جبت حاجة البنت عملاها رقيقه اوووووى زيها وحاجات تانية هيا بتسوقها وكمان عجبنى مبدئ البنت اووووووى وعلى فكرة المعرض مستمر فى الساقيه لحد يوم 19 للى يحب يروح ياخد فكرة حتى

المهم وانا مروحه خلاص حددت انا هلبس الوان ايه وانا ريحه الشغل بكرة وهلبس عليه العقد الجديد اللى لسه جايباه وانطلقنا جرى على بيتنا وانبسطنا اووووووووى لدرجة انى كنت بضحك وانا فى المترو من جوا ومقدرتش امسك نفسى الا لما نزلت رحت مكلمه ايمان وعمالة احكيلها على حاجات بعلق عليها وكدة وانا مسخسخه هو خلاص بقى الحاله جت

المهم صليت وكويت هدومى جيت عند الايشارب بقى طب ايه بقى وبعدين الافضل احطه على شماعه بقى احسن عشان ميتكسرش لو علقته فى الشماعه اللى ورا الباب هيتكسر بلاش المهم قعدت ادور على شماعه والدنيا ليل وبابا وماما نامو مفيش فى دولابنا فا قلت ادعبس بشويش فى اوضه بابا وماما طلعت بشماعه كدة ولما خرجت وبعد ما علقت الهدوم عليها كنت معتقدة انها تنفع ومستكمله عادى التعليق وهيا اصلا من فوق الدايرة بتاعتها نصها مكسور يعنى مش هتعرف تتعلق طب اعمل ايه اعمل ايه وكسلت بقى اجيب واحدة تانية خلاص ركبت معايا انى هعلقها على دية قلت ادور على حته قماشه شريطه اربطها فى الشماعه واعلقها على ورا الباب وبعدين قلت طب ما اربط الحزام واعلقها هاهههههههههههههههههههههه وفعلا قد كان عملت كدة وانا طايرة من الانبساط واخدت دش عشان العملية تكمل وصليت لربنا وحمدته وشكرته ودعيت لاخواتى وشوف بقى يا اخى التهييس كنت هكتب لندا رساله بليل قبل ما انام وبعدين خلاص عنيا بتقفل قلت زمانها هيا كمان نامت المهم بعد ما نمت صحيت على رسالتها الساعه 3 الصبح هاههههههههههههههههههه مش بقولكو شله مجانين احنا وانا كمان رحت رده عليها

وقلت ياااااااااه ده اللى بقكر فيه نفس اللى بتفكر فيه هاهههههههههههههههههههههههههههههه ربنا ما يحرمنا من الجنان والحب ابدا

بس للاسف بقى الموضوع مش على طول بقى يبقى كدة وتكمل الدنيا وتبقى سعادة على طول

تانى يوم صحيت حاسه بحاجه حاسه ان فيه حاجة غريبه كانى كنت امبارح انسانه ولمما صحيت الصبح كنت انسانه تانية قلت خير وحاسه ان فيه حاجة غريبه وقد كان وصلت للشغل

واتصدمت بحاله الزوبعه العظمى كان المدير كان فى حاله هياج اول مرة نشوفها كلنا يلا منه لله بقى اللى كان السبب فى كدة وراسه والف سيف اننا هننزل شغل جمعه وسبت وموت بقى فى الشغل وبتاع وفيها حبس للى مش هينزل هاهههههههههههههههههههه وانا عمالة اقول فى سرى يا دهوتى لأن موعدا ناس على رحله يوم الجمعه طب ايه

مش عارفه جالى حاله كدة من السكون والقلق والتكفير والاكتئاب عشان برضو يوم الاجازة ده الوحد بيستناه بفارغ الصبر عشان يتحرر ويعمل اللى هوا عايزه لأن بتخنق لما بلاقى حد بيسلب حريتى على غير رغبتى او ارادتى بتعب نفسيا اوووووى اه بتعود وكدة بس كل حاجة ليها حدود ايام الشغل هنسهر وكدة ماشى لكن فى يوم الاجازة كمان صعب اوى كدة العملية ده غير انى فعلا محتاجه لتغيير جو

المهم الحمد لله ربنا سهلها من عنده وطلعت الرحله ويا اخواتى فى ربنا وكان وقت ممتع جدااااااااااااااااااااااااااااا اكتر من المرة اللى فاتت وحسيت انى انبسطت اوى وانبسطنا كلنا سوا وكان نفسى نبقى هناك ياااااااااااه منظر الورد والميه والخضرة والسما يااااااااااااااااااااااااه جمييييييييييييييييييييييييييييييييييييييل والحمد لله وشى معرفتش نفسى فى المرايه عفريته عشان قعدنا فى الشمس وتانى يوم نزلت الشغل بروح تانية متجددة وسهرت فى الشغل بس كالعادة بقى كعادة الدنيا يعنى يوم حلو ويوم مر

حاسه بروح هدوء كدة سكون مش عارفه مقدرش اقول عليها اكتئاب بس لما تكون حاسس انك شغال فى ساقيه بتتضايق وكمان لما تحاول تنشل نفسك من حاجة تقع فى حاجة تانية ملهاش نهاية بقى هتعمل ايه هتضايق

وكمان بحس الدينا مش مستاهله لحظه الم او حزن او نكد

حلوة الحياة لما نعيشها كدة زى ما هيا على راى محمد منير

هاههههههههههههههههههههههههههههه

بس النهارده كان يوم يدعو فعلا للسكينه

رئيسه القسم عندى طلبت منى كشف حساب لواحد مات ببص للاسم انا عرافه الشخص صاحب الحساب ده اتاثرت اووووووى بموته وافتكرته لما كان بيجى ويسال على حسابه والمعاش دخل ولا لأ وافتكرت اول لقاء بينا لما جه الصبح بدرى اووووى وطلب كشف حساب عشان يورى مراته وولاده انه ده اللى قبضه وان معاشه زاد بملغ كذا بس مش اكتر الكلام ده وقت الزيادات ولخبطه الناس وقعد يحكيلى انهم بيتهجموا عليه وبيضربوه وكدة وقعد يعيط ويترجانى انى اكتبله ورقه او اجيبله ورقه من البنك

بس بجد اول مرة كان قدامى وهوا بيحكى ولسه بقى ساعه صبح مقدرتش امسك نفسى دموعى نزلت قدامه وهوا قعد يعتذر انه نكد عليا وكدة يلا هنعمل ايه بقى هيا الحياة كدة برضو

المهم السؤال اللى جه ف بالى يا ترى عم فريد مات موته ربنا ولا من كتر الضغوط عليه من مراته وولاده مات مثلا متاثر ولا ايه بالظبط

بس على كل الاحوال ربنا رحمه

واتمنى انه ربنا يجعل مثواه الجنه جزاء صبره على الظروف اللى كان فيها ويهدى اهله ويصبرهم لو هما زعلانين عليه

مش عارفه ليه غصب عنى ساعات بقف عند حاجات غريبه او عجيبه واقف عندها افكر فيها وممكن اتاثر بيها واقعد اتعب نفسى فيها وفى الاخر بقول خلاص

لله الامر من قبل ومن بعد وربنا يصلح حالنا اجمعين

عادى بقى مهو الجنان جنان برضو

هاههههههههههههههههههههههههههههههههههههههههههههه

والجنان نعمه على فكرة ربنا ما يحرمكو منها ابداااااااااااااااااا

عارفين ليه عشان تبقى منطلق وتبقى على طبيعتك ووقت ما انت عايز تعمل حاجة اعملها ومحدش هيلومك عشان هيقولوا عليك

اممممممما مجنون صحيح

يا مجنون

هاههههههههههههههههههههههههههههههههههههههههههههههههههههههههههههههههههههههههههه

والمجانين فى نعبم يا جماعه

عيش مجنون ترى الوجود جميلا

دية حكمه العقلاء.........اقصد المجانين

يلا سلاموز والى اللقاء قريبا عشان لسه الكلام مخلصش

هيا الحياة كدة

2009-01-25T14:11:00.000-08:00

سلامو عليكم

بقالى كتير مكبتبش حاجة هنا

مش عارفه ليه

يمكن عشان الوقت يمكن عشان ذهنى مش صافى ................ يمكن.....جايز كل شئ بقى جايز دلوقت

كنت زمان باجى وافضفض هنا حتى لما بشوف مواقف اثرت فيا بكتبها هنا اخرجها هنا عشان دية مساحتى الخاصه اعبر فيها كيفما اشاء وكيفما اريد

وبعدين بدأ الموضوع يقل شوية بشوية لما اتغيرت ظروف شغلى ووقتى انشغل اكتر وومساحه الوقت فيه بدأت تقل

حتى انشطتى الاجتماعية بدأت تقل شوية بشوية لحد ما تكاد تكون تنعدم

وللاسف كل ده بيسيب تأثير جوايا وبيتحوش شوية بشوية لحد ما تحصل حاجة الواحد يبص على اللى بيحصل هوا فيه ايه او ايه اللى حصل

حتى اغلب الناس المعتاد فى اول السنه الجديدة بينزلوا بوست

وكل واحد بيكتب تمنياته ايه وبيحاول يكون متفاءل لو تعبان من جواه ولو كويس ربنا يكرمه بقى

ويسعد ايامه

لكن حسيت انى بلاش اكون تقليدية وبدل ما انزله فى اول يوم من السنه اكتبه فى آخر يوم فى الشهر من بدايه السنه اهو تغيير بقى واكتب انطباعى عنه ايه .......حاجة من الواقع زى ما بيقولوا

وللاسف اول يوم ده كان مأساه عندى فى الشغل الناس بقت غريبه والتسامح والتراحم بقى بين الناس وبعضها بقى ضعيف جداااااا للاسف وده شئ بيضايق

عشان كدة الناس بقت اعصابها تعبانه لاقل حاجة واتفه حاجة

ضغوط الحياة بقت كتيرة وبقى عبء عليهم

يا ترى يومهم هيعملوا ايه فيه

حتى الناس بقت حياتها صعبه

فى مرة من المرات واقفه عند محل الصبح بشترى قلم للكتابه وفيه اطفال كتير واقفين عند المحل ومستينه الاطفال الصغيرين يخلصوا وادخل انا بعدهم وخصوصا ان الست اللى واقفه فى المحل ست كبيرة اوى من دور جدتى

المهم بنت شاكلها من المدارس اللغات اللى عند مكان شغلى اللى حواليا ووالدتها وياها وبتشترى حاجات كتير وكدة شيبسى وشيكولاته وكانز

واطفال تانيه جنبها

فى حين ان كان فيه بنت واقفه على الطرف ماسكه ربع جنيه فى ايديها وعماله تبصله وتبص للحاجات اللى بتطلع

وبتسال نفسها يا ترى ده هشترى بيه ايه

فضلت تسال الست ده بكام وده بكام لحد ما جابت الحاجة اللى تناسب الفلوس اللى وياها

ياااااااااه لسه الربع جنيه بيجب حاجة

والله لسه الدنيا بخير

طبعا دية حاله الله اعلم فيه منها كام حاله

والبنت دية حياتها عايشه ازاى اصلا

طبعا شئ موسف للغايه

كل يوم اعدى الصبح الاقى ست بتمد ايدها على ناصيه الشارع وتدعيلك

عشان تمد ايدك فى جيبك وتديها

لكن انا بمشى لأنى مش مقتنعه باللى بتعمله ومفيش جوايا اى مشاعر حساها من ناحيتها حاسه انها بتمثل

بحس انها بتتصنع طبعا مجرد انك تكمل مشيك وتدى ضهرك خلاص الدعوة تتقلب

هاههههههههههههههه

عالم غريب

وللاسف الاطفال بقوا منتشرين اوى فى الحكايات دية حتى جوا عربيات المترو

شئ بقى مؤسف للغاية

فى حين ان ست دخلت عندى فى مقر عملى وعنيها زايغه وزى ما تكون مكسوفة تقول حاجة او تسال على حاجة وقفت فى النص وحواليها المكاتب سالتها محتاجه حاجة او تسالى على حاجة قالتلى سلامتك

وقالت بكسوف عن طلبها كانت جايه تقبض معاشها وللاسف معاشها لسه منزلش

ومش معاها مواصلات

محتاجه مجرد جنيه عشان تركب

وبجد كانت اول واحدة اشوف ست بتطلب على استحياء كدة حتى فى ردها

بطيبه وسذاجه

وسئلت نفسى بعد ما مشيت يا ترى ممكن بقى لما تلاقى الناس اتعاطفت وياها

تستغل الفرصة وتبقى زى غيرها

شئ غريب

لو فكرنا فى افكارنا من جوانا هنحس ان مبقاش فيه امان

حتى فى اقرب الناس ليك اللى كانوا بالنسبه ليك كل حاجة وانت بالنسبه ليهم كل حاجة

من كتر الثقه المتبادله لما بيحصل دروب بتبقى من جواك زى ما تكون فيه ضلع انكسر جواك وبقول ضلع من متانه العلاقه

لما اللى قدامك بيقول كلام مكنتش تتوقعه او متحسش انه يكون من جواه كدة

تخاف من جواك

وتخاف اكتر واكتر

وتخاف من بكرة وتخاف من كل حاجة

حتى اليوم اللى بستناه بفارغ الصبر عشان بعده يكون اجازة بقيت اخاف منه

وللاسف عشان تحاول تصلح الانكسار بتحاول تلحمه عشان ترجعه تانى بتحاول من جواك وانت بتبكى ومش عارف تعمل ايه

سايب الاحوال والامور لربنا وسايبها للايام يمكن تداويها

بيكون نفسك تقول كلام كتير حلو من جواك حاسس بيه

بس مش عارف تقوله زى الاول

مبقتش عارف تتكلم او تعبر

حاجو بترجعك وتفكرك بمواقف وحاجات قبل كدة وكلام متحبش تفتكره ومواقف

واقول يا ربى كان علينا بايه ده كله

وليه الانسان بيحب يعذب نفسه بحاجات قديمه فاتت وعدت ومن وجهه نظره بيبصلها من غير ما يشوف وجهه نظر اللى حواليه

ليه بقينا سهل نظلم بعضنا ونجرح بعضنا

ليييييييييييييييييييييييييييييييه

ميت علامه استفهام

الدنيا بقى فيها ضغوط كفايه ليه منكونش بنصبر نفسنا عليها ونعين بعضنا عليها

ويمكن الصورة اللى بتكون فى ذهن الناس التانية مش عارفه اعبر عنها انها غلط لأنها فعلا غلط وعكسها تماما

بس عشان احنا من جوانا النفس بتقول ليه منقارنش واشمعنى فلان وعلان ودخلنا فى دايرة الشيطان وسبنا نفسنا ليه يدخل ما بينا

ليه نسيبه يستغل الفرصه ويكسر حاجة حلوة جوانا بنعيش بيها وبنعيش غيرنا فيها

اصبحت مرايه فيها صورتين صورة قدام الناس تضحك ومبتسم وتسعد غيرك دايما وتشارك الناس وتعيش حياتك عادى

وصورة تانية قدام نفسك مكسور وحزين وبتحاول تخرج من حزنك بالتقرب الى الله يمكن يشد من ازمتك

شئ صعب اوى على البنى آدم

انه يكون بصورتين

ساعات اقول لنفسى لما بدايه السنه كدة اومال نهايتها تبقى ايه

استغفر الله العظيم

انا عارفه ان ده غلط والمفروض ميكونش الواحد تفكيره تشاؤمى

بس بيكون غصب عن البنى آدم

حتى تانى يوم فى السنه نزلت بوست لاغنيه شيرين

شايفها كلمتها حساسه اوى

اتنين فى مرايه واحدة بس مش عارفين يميزوا بعض

يا ترى مين فيهم؟!!!!!!!!

طبعا اللى هيقرا بدايه الفضفضة مش هيكملها عشان ميتعديش

هاهههههههههه معلش بقى

اكيد هيا حاله وهتعدى

وبكرة يبقى احسن وافضل

بس محتاجه عون ربنا معايا بجد

محتاجاه يساعدنى فى قوى نفسى

عشان كدة بقول يا رب

وقولوا كلكم معايا يا رب

عشان احنا كلنا محتاجين عون ربنا ويانا

وعشان الاحداث اللى فى حياتنا تتحسن واذا بقى متحسنتش

نحاول نتغلب عليها برضو

ما هى الحياة كدة مفهاش راحه

ولا ايه يا بلوجريييييييييييييييز

هاههههههههههههههه

وربنا قال خلق الانسان فى كبد

هيا الحياة كدة لازم نعيشها يا نكسبها يا تكسبنا

تفتكروا مين اللى هيكسب

؟؟؟؟؟؟؟؟؟؟؟؟؟؟؟؟؟؟

هتعمل ايه

2009-01-02T13:45:00.002-08:00

هتعمل ايه لو نمت يوم وصحيت
بصيت وشفت نفسك فى المرايه بكيت

جواك سؤال تصرخ تقول انا مين.......... انا مين

انا زى ما انا..... ولا انقسمت اتنين

........زبعدين وبعدين

قول ياللى فى المرايه فهمنى ايه الحكايه

فرحان...... تعبان......... مرتاح...... ندمان

حاجات كتير فى حياتنا اتسببت فى حيرتنا وآدينا عايشين....... راضين........ جايين......... ورايحين
هتعمل ايه لو نمت يوم وصحيت

ولقيت اقرب ما ليك مش حواليك

هو انت مين اللى عمل كدة فيك.... كدة فيك مش انت ولا فى حد غم عنيك

وبعدين............. وبعدين

قول ياللى فى المرايه فهمنى ايه الحكاية

فرحان تعبان.......... مرتاح........... ندمان

حاجات كتير فى حياتنا اتسببت فى حيرتنا وآدينا عايشين........ راضين......... جايين......... ورايحين

شيريـــن

اه لو تعرف ...........نجاه

2008-12-26T12:57:00.000-08:00

قوة عقلك الباطن

2008-11-21T09:11:00.000-08:00

ياه اخيرا رجعت هنا من تانى مريت كتير وجيت كتير وكل مرة اغالب روحى واقول هقول اللى جوايا لكن مبعرفش ايه اللى يجرى او اللى بيحصل كان جوايا كلام كتير ومواقف اكتر ولما كنت بغالب نفسى واكتب حتى ولسه اعمله مونتاج وابقى لسه هعمل حاجات اخيرة معرفش برضو ايه اللى يجرى وزى ما يكون مودى دايما كان معاكس او مخالف لكن المرة دية قررت انى لازم انزل حاجة للنور

من فترة مش ببعيدة يعنى جبت كتاب اسمه قوة عقلك الباطن

والكتاب ده يرجع الفضل فيه لاختى وصديقتى ايمان صاحبه مدونه شلال العطر مرة زمان كنا خارجين ويا بعض يمكن الموضوع ده عدى عليه سنه تقريبا وكانت ايمان ساعتها بتدور على الكتاب ده وروحنا مكتبه كدة وسالنا عليه بس مكنش موجود واخدنا ساعتها كارت للمكتبه عشان تبقى ايمان تتابع وساعتها فاكرة ان ايمان كلمتنى عليه بايجاز وانه كتاب جامد وبيتكلم عن قوة خفيه فى الانسان وفيه ناحيه نفسيه كتير طبعا المهم معرفش ايه اللى جاب الحوار تانى وسبحان الله بعد فترة مش قصيرة وحسيت ان الكتاب بعد ما جبته وبتكلمنى عليه انه شاددنى اوى وكمان اللى شجع اكتر انه كان وياه ساعه ما جتلى حسيت ان فيه انجذاب رهيب وحبيت انى اقتنيه مش مجرد سلفه يوم ولا اسبوع ولا حتى شهر لقراءته لأ بالعكس تماما لأن فيه بعض الكتب كدة لازم متخلوش مكتبتك منها المهم ندخل فى الحوار عشان عارفه انى رغيت كتير

هاههههههههههههههههههههههههه عادى بقى

الكتاب فى محتواه عظيم جدا وهو بيتكلم باختصار عن قوة خفيه داخل البنى الادام انها هي المتحكم فيه وفى تصرفاته وردود افعاله وحتى فى توقعاته اللى ممكن بالفعل تحصل ليه وبصراحه لا اخفى عليكم وانا بقرا الكتاب كنت بحس بصداع كل مرة وابتدى اغالب الصداع لأن كنت ببقى مركزة زائد ان الكلام محتاج فعلا تركيز وفكر لأن بلاقى فعلا كلام مذكور كتير حصلى انا بقى شخصيا مش مجرد يعنى كلام مؤلف وخلاص

اولا محتويات الكتاب

الكنز الذى بداخلك

طريقه عمل عقلك

قدرة عقلك الباطن على صنع المعجزات

دور العقل فى الشفاء خلال العصور القديمه

دور العقل فى الشفاء فى العصور الحديثه

طرق عمليه فى العلاج عن طريق العقل

العقل الباطن يميل الى الحياة

كيف تحصل على النتائج التى ترجوها

كيف تستخدم قوة عقلك الباطن فى تحقيق الثروة

من حقك ان تكون غنيا

عقلك الباطن شريك فى نجاحك

كيف يستخدم العلماء العقل الباطن

عقلك الباطن وعجائب النوم

عقلك الباطن والمشاكل الزوجية

عقلك الباطن وسعادتك

العقل الباطن والعلاقات الانسانيه المتآلفه

كيف تستخدم عقلك الباطن فى الصفح

كيف يزيل عقلك الباطن العوائق العقليه

كيف تستخدم عقلك الباطن فى التخلص من الخوف

كيف تعيش بروح الشباب

عشرون فصل يتحدثون عن كل الجوانب التى تحيط بالانسان فى واقعه وباختصار الكتاب بيتكلم ان عقلك الباطن ليه دور كبير جدا فى حياتك لكن للاسف الدور ده متخفى مش ظاهر مش كتير مثلا بيصادف لما بتنام بتحلم حلم معين وممكن يتحقق سواء الحلم ده مثلا بالخير او بالسوء لحد مثلا مضايق منه او حاجة مش شرط بالظبط لكن ولو جزء منه ده عشان انت من داخلك عقلك مقتنع بده او مثلا واجهت موقف بس انت خايف منه عشان عقلك الباطن خايف من رد فعل معين وللاسف ساعه ما تقدم عليه فعلا بيتحقق خوفك لكن لو انت مخفتش مكنش فيه اى حاجة

وكل ده من عقلك الباطن

شفت بقى عقلك الباطن عمل ليك مشكلة ازاى

هاههههه:)

المهم

الكتاب افسح مساحه كبيرة ان كمان عشان تحقق اهدافك ونجاحك مش كفيل ان يكون عقلك الباطن بيردد ده بينك وبين نفسك او مقتنع بيه من جواك لأ لكن يكون ايمانك كبير برينا وتصلى بصدق العجيب ان الكاتب بيتحدث ان المشكله ان الانسان مش مشكلته فى انه يؤدى الصلاه لكن المشكلة الاكبر انه يؤديها كما ينبغى بصدق وبصفاء حتى يتقبلها الله ويلبى مطالبه على الرغم ان الكاتب اجنبى ويختلف عننا الا انه كانه يتكلم عن جوانب العقيدة الاسلاميه ككل فى كل كلامه وحديثه

الكلام مش جديد لأن كله مذكور فعلا فى عقيدتنا وباختاصر تتلخص فى

الرضا

والصفاء

وحث النفس على النجاح والقوة

وقوة ايمانك بربنا واعتقادك به

لكن هوا من وجهه نظرى حلل ده من منظور علمى ونفسى

فكر وانت قاعد مع نفسك مثلا وبتعتقد فى شئ معين او مثلا بتحلم بحاجة معينه سواء ايجابيه او سلبيه والحاجه دية اتحققت بالعفل اللى كنت بتخاطب به نفسك ساعتها هتندهش وهتقول ازاى

كتير بتحصل معانا

لكن الاغرب كمان انك لما مثلا بتدعى وتتضرع لله بصدق عشان صديق او حبيب لتلبيه امل ليه ويتحقق مفكرتش ليه بيحصل ده

عشان فيه صفاء عشان عقلك الباطن من جواك مؤمن بده

جربت مرة انك واجهت شئ سئ او فشل فى حاجة معينه لكن كان فيه نسبه نجاح برضو واكيد زعلت او اضايقت لكن رددت بين وبين نفسك ان الحمدلله على كل شئ وسمحت لنفسك بمساحه من الرضا ولقيت ربنا كافئك على صبرك وتحملك ورضاك يا ترى جربت ده اكيد صادفت مواقف زى دية بس يمكن اغلبنا مش بيلتفت لمواقف كتير بتحصل فى حياتنا وبنعديها جرب ارجع فلاش بالك لكل حياتك او بعض منها ومواقف حصلت وياك والاهم انك بينك وبين نفسك كنت بتردد بتقول ايه عشان العبرة بالدواخل وليس الخوارج

معلش يمكن يكون الكلام ملخبط ومش مرتب بس اعذرونى معلش

المهم نكمل بقى

لما قربت اخلص الكتاب وحسيت انه كله من عقيدتنا وان ازاى الكاتب حلل العقيدة الاسلاميه من منظر نفسى وعلمى قلت يااااااااه

وانا قاعدة بفكر فى الكلام اللى قريته ومواقف حصلت معايا بالفعل وكنت احيانا بكون فى دهشة من امرى واقول بجد سبحان الله ميت مرة ومش هيكفى والله

المهم كنت بسمع بالصدفة حلقه بتاعه ابله فضيله كل يوم جمعه على الرغم انها حلقه مختصة بالاطفال الا انها بالغه الاثر وبديعه وليها اثر على الكبير والصغير وده فى راى لأن بتعطى معانى حلوة للحياة وبتعلم الاطفال مبادئ جميلة

المهم الحلقة المسلسلة كانت بتتكلم عن ملك كبير مضايق وحانق من تاجر الناس كلها بتحبه وبتحترمه وهوا لأ الناس بتكرهه ومش بتحبه والوزير يجى ينقله اخبار الراجل الطيب التاجر ده ويزداد حنقه عليه اكتر

ويفضل يردد التاجر كلمه الحمدلله

والملك يزداد تعصبا اكثر ويفكر كيف يزيله ويقترح عليه وزيره بالتخلص منه ويخاف الملك من كره الناس ليه اكتر ويفكر

انه ياخد منه تجارته وحاجته

وللاسف خيب رجاه فضل برضو يقول الحمدلله والملك يزداد غضبا حتى بعد ما اخد منه ماله وحاجاته والرجل الطيب برضو راضى وبيردد الحمد لله

وفى النهاية فكر انه يعزله خالص وينفيه فى بلد بعيدة ويحطه فى مركب

وفعلا حصل ده

والراجل الطيب وهوا راكب فى المركب جت ريح شديدة جدا والراجل بيدعى ويقول يا رب اعمل اللى فيه الخير وفضل يبتهل الى الله لحد ما الدنيا هديت

والمركب رسيت على جزيرة واول ما اهل الجزيرة شافوه

جريوا عليه وجابوا وقالوه انت الملك والرجل مندهش ويقول انا الملك ازاى

العفو

يقولوه لأ احنا قعدنا مستنينك كتييييييييير وانت ملك الجزيرة

وبنت الملك السابق شرحتله قالته والدى كان حكيم وبدل ما يختار حد من اهل الجزيرة وتحصل صراعات قال اول واحد ينزل على الجزيرة يبقى هوا الملك وفعلا

والكلام ده قعدوا يستنوه سنين وانتخب الراجل الطيب ده وبقى فعلا الملك وفى مرة جاله جواب انه فيه مبادلات او عرف متبادل بين الدول او الملوك للتعارف وحصلت الصدفه وقابل الملك اللى كان هوا السبب بكرهه وحقده عليه فى اللى هوا فيه

وفى الاخر الملك اللى كان سئ آمن وقال الحمد لله ورددها عن اقتناع وحب

لو كل واحد رضى باللى مقسوم ليه عن رضا وحب وصدق هتتغير حاجات كتير فينا احنا البشر وفى غيرنا عشان اكيد بناثر على الناس اللى حوالينا بتصرفاتنا وافعالنا

والتسامح صفه كبيرة ومحتاجه تدريب للنفس عليها

وكمان الرغبة فى الوصول والنجاح محتاج تدريب

النفس ممكن تحقق اى حاجة بس اكتشفت ان الحاجات دية محتاجه تدريب مش فى لحظتها

لو زى ما بيقول الكتاب قعدت بينك وبين نفسك او قبل ما تنام خاطبت ربنا ودعيته وطلبت منه طلب وكل يوم قبل ما تنام وانت على السرير بتكلم ربنا لحد ما اتحقق ليك طلبك هتبقى سعيد قد ايه ده غير انه بيفسح مساحه حب بينك وبين اللى خلقكك واللى حواليك وحاجات كتيييييييييير

وهتبقى عايش بروح الشباب طول العمر

يا ريت كلكو تجيبو الكتاب عشان تقروه وتكتشفوا اللى فيه

معلش طولت عليكو

وقفات مع النفس

2008-05-30T12:32:00.000-07:00

فى معترك حياتنا نقابل اناس يؤثرون فينا ونؤثر فيهم استمع الى حديثهم

اشعر وانا استمع اليهم ان اقدامى تغوص فى الرمال...... احاول انتشالها..... احاول ان اعيد لقلبى الحياة........ اغوص فى اغوار نفسى قليلا

اتاثر قليلا واعود لنفسى لاقول الحمد لله على كل حال فليقوى الله كل على حاله

.............................

وقفة قليلا مع النفس

جاءنى يوما كى اقدم اليه خدمه اديته الخدمه هو وزوجته كانوا يتحدثون الى بخصوص السفر فهم مسافرون الى الخارج فترة من الجائز جدا ان تطول فابنائهم جميعا بالخارج. انتهينا من اجراءتنا

كانت زوجته تسالئنى بمنتهى التلقائية سيدة عادية من سيدات البيوت كنت اتعجب فى نفسى ان هذا الرجل متزوج هذة السيدة

من حين لاخر كان يحاول اسكاتها كى تنتهى عن اسئلتها الساذجة لكنى كنت اقول له انا غير متضطرة فلتسأل كيفيما تشاء وكما يحلو لها

انتهينا من جميع اجرائتنا وانصرفوا شاكرين وجائنى بعد اسبوعين يسال عن اشياء واشياء زوجته كى يستلمها

جلس بجوارى ليقول لى

زوجتى سافرت .....كان يقولها بحزن وتاثر ليس لفراقها فقط ولكن لأنه خائف لأنها تريد ان يكون السفر بلا عوده

وهو لا يريد ذلك جلس يحدثنى عن حبه لوطنه وأنه لشئ صعب على الانسان ان يقتلع من جذوره! ان يترك وطنه للابد ان ينقطع عن صلته واهله وناسه حتى ما اعتدنا عليه ومن غلاء ومن مكافحه على طابور العيش كل ذلك كان يستلذه حتى لو كان فيه تعب بالنسبه له لكنه لم يكن يتوقع ان سيجئ اليوم الذى يترك فيه وطنه للابد

شئ صعب بالتاكيد

صبرته قليللا وانصرف

جلست افكر

واقول لنفسى كم هو الوطن غال لا نشعر به الا عند افتراقه

ونتلوى وقتها من الم الفراق والاغتراب وعندما نعود الى الحياة والى الوطن من جديد وقتها فقط نشعر بهذة النعمه

حقيقى كم هو الوطن غال

..............................................

جائتنى سيدة مسنه تتحرك بصعوبة وتستند الى عجاز حديدى جلست امام مكتبى تسالنى عن حسابها هى وابنتها

كانت تسالنى عن الفائدة السائدة الان وانها استلمت نقودها الان من الشباك لكنها ناقصة فكانت تريد معرفة السبب والسبب كان يكمن فى انخافض الفائدة

تاثرت قليلا بالفرق الذى اثر عليها

فهى سيدة مسنه ومريضة تحتاج الى كل قرش

لكنها قالت الحمد لله اهم حاجة الصحة

قالت لى الجالسه امامك كانت زوجه صائغ وانك لتعلمين ماذا تعنى زوجه صائغ

مجوهرات ومصوغات لكن كل هذا ضاع ...مرضنا انا وزوجى ضاعت كل المجوهرات والمضوغات والمال على العلاج

والفوائد التى اقبضها هذة هبه من ابنتى

ادخرت مبلغ للزمن وادخرتهم فى صوره شهادة اقبض انا فائدتهم كل 3 شهور ولولا ذلك ما كان يعلم بنا الا الله

يا الله تاثرت بكلامها وحالها

لكن الله لا ينسى عباده ابدا ولنقل فى سرنا الحمدلله على نعمه الصحة فهى لا تقدر بثمن

لكن المال يعوض على كل حال

فلنحمدالله

..........................................

سيدة اخرى ترتدى ملابس سوداء جائتنى باسمة تريد ان تفتح حساب قلت لها على الاشتراطات الواجبه

جائتنى بعدها بايام لننفذ ما كنا اتفقنا عليه جائتنى بوثيقة الزواج والبطاقة قالت لى فى تأثر ورضا فى ذات الوقت

معى صورة للبطاقة لكن قبل تغييرها

لو نظرتى فى الخلف لعلمتى لماذا قمت بتغييرها

ليكون مكتوب بالخلف

"ارمله"

كلمه صعبة وتاثيرها على النفس رهيب وخصوصا عندما تكون الزوجه معها اطفال ترعاهم تبدأ معهم الكفاح ومشوار الحياة لكى تصل بهم لاقرب محطة امان

فليقوى الله كل على حاله

لكن اعجبنى فيها انها باسمه وراضيه فليزيدها رضى اكثر

..................................

رجل عجوز طاعن فى السن يرد تحويل معاش زوجته التى توفيت الى حسابه

قلت له على الاجراءات وافق لكنه كان يشعر بالضيق والحزن

جلس بجوارى يحدث نفسه

ياه يعنى انا اللى تعبان اعيش وهيا الى كويسه ماتت

طب ماتت ليه بس وسابتنى لوحدى

تاثرت بحديثه

وقلت سبحان الله لا احد راضى بحاله وسبحان من له الدوام

.........................

وقفة قليلا وسوف نعاود حديثنا

موبايل الهنا

2008-04-15T15:31:00.000-07:00

يااااااه من زمان متجمعناش
النهارده قررت العيلة تتجمع زى زمان يعنى هشوف بنات خالتى وبنات خالى وولاد خالتى وهنتجمع زى زمان وهناكل كلنا سوا على ترابيزة واحدة
بس يا ترى ايه اللى خلالهم المرة دية يتحمسوا اوى كدة عموما مش مشكلة خير برضو اكيد كلهم حاسين انهم عايزين يرجعوا يوم من ايام زمان
وتم اللقاء
الحمد لله كان يوم حلو جدااااااااااااا اينعم كان زحمه شوية وكمان عملوا قلق عندنا فى الشارع شعان كل واحد جاى بعربيته بقى وكدة فااخدوا اماكن قدام العمارة عندنا والناس التانية بقى تتفلق
هاههههههههههه
نظام وضع يد يعنى المهم
نزلت وياهم عشان اوصلهم لحد تحت وكدة ونرغى شوية مع بعضينا قال يعنى مشبعناش من القعدة اللى فوق بس اهو نلاعب الواد مازن شوية عشان الواد الشقى ده اين بطة مش بشبع منه ولا بنت سها الشقية المهم
السطل بتاعى واقفين كلنا تحت بنسلم على بعضنا بقى عشان خلاص ميعاد المرواح قذف والناس عايزة تلحق تروح عشان هتصحى لشغلها بكرة بقى
كنت حاطة الموبايل بتاعى على مسطبة عالية كدة شوية والكلام اخدنا ان قلت الدنيا ليل وكدة وعادى بقى وقدام العمارة عندى فا مفش مشكلة بعد ما الناس مشيت وخلاص ببص مش لاقيه الموبايل ايه ده راح فين
طبعا قلبت الدنيا اصل الموبايل ده جزء منى عشان فيه ذكرياتى وخصوصياتى بالرسايل اللى فيه وكمان اسامى اصحابى الجداد وحاجات تانية كتير
طب يا ترى راح فين بصراحة خلاص هعيط من كتر فقدان الامل فى العثور عليه
بس مرة واحدة لقيت فيه بنت طالعة معرفش طلعت امتىولا ازاى ولابسه لبس غريب اوى
يعنى مفتوح شوية الظاهر مكنتش حاسة بالبرد دية ولا ايه
المهم لقيتها بتقولى اللى بتدور عليه معايا
فتحت بقى وبقولها نعم
قالتلى ايوة اذا مجتيش معايا خلاص انسيه بقى
لا حول الله يا رب طب ليه كدة بس
انا عملت ايه وبعدين لو انتى عايزة فلوس اديكى يا سيتى بس اتلايم على الموبايل
قالتلى تعالى معايا وانا هدهولك
المهم رحت وياها مع ان الوقت لا يسمح بكدة خالص بس معلش بقى
طلعت وياها البيت دخلت وياها وانا بترعش اصلا البنت شكلها كدة مش مظبوط لابسه لبس مشخلع شوية
دخلت وياها اوضتها قالتلى متخفيش
هجيبلك الموبايل بس ثوانى بس
دخلت وياها لقيتها ماسكة علبه كدة شكلها غريب وعمالة تلطع على وشها ايه يا بنتى ده
ده بودرة
ايوة انا فاهمة بس مش كدة يعنى انتى ولا كانك عروسة المولد
وبعدين ايه اللبس ده مفيش حاجة حشمه عن كدة شوية
عندى بس مش بللبسه ومش بحبه وبابا وماما غلبوا معايا فى الموضوع ده
متعتى انى البس اللبس المفتوح ده
عشان بحس انى معجبة بنفسى اوى وانا كدة
وكمان بعجب الناس اللى حواليا لما بسمع حد بيتعزل فيا يااااااه ببقى مبسوطة اوى وانا بدلع عليه
ايوة تاخدى عنى فكرة وحشة
لأ العفو يا بنتى
طب استفادى بايه بكدة يعنى
ولا حاجة مجرد تفريغ شعور جوايا وخلاص كبت يمكن احتجاج على مجتمعى مش عارفة
ثانيه هجيبلك الموبايل
جابلتلى الموبايل مفهوش خدشة طب انتى اخدتيه ليه اصلا
مش عارفة حسيت انى عايزة اخده وخلاص يعنى نوع من الدعابة وياكى مع انى معرفكيش
مممممممم
دعابة
ده دمى هرب منى ساعةملقتش الموبايل
طب ماشى يا سيتى فرصة سعيدة جداااااا انا همشى
طبعا ما صدقت نفذت بجلدى باعجوبة وروحت البيت بسرعة البرق
طبعا بعد الواقعة دية حرمت اسيب الموبايل فى مكان
المهم اتجمعنا بعد فترة لانشغال اغلبنا وكدة
بس التجمع المرة دية كان اقل اينعم مكنش فيه روح المرح زى المرة اللى فاتت بس كنت مبسوطة انى بشوف اقاربى وبتجمعهم ويانا
المهم برضو زى كل مرة نزلت وصلتهم لغاية تحت ومن الرغى بتاعى حطيت الموبايل بعد ما ركنت نفسى على الباسطة الفقر دية
بعد ما كل الناس مشيو ادور عليه مفيش وبعدين بقى هوا كل مرة كدة يا ربى
طب اعمل ايه انا فى السطل بتاعى ده
بجد انا تعبت من نفسى
لقيت بنت طالعالى مش شايفة اى معالم ليها خالص اصلها كانت لابسه نقاب
فا مش شايفة غير عنيها بس
وبعدين بقى فى الشغلانه الزرقة دية
لقيتها بتبصلى اوى وبتقولى مدوخيش نفسك اللى بتدورى عليه معايا
نعم
بتقولى وبكل بجاحة لقيته قدامى حسيت انه من حقى بس رجعت بينى وبين نفسى من تانى بس بطلب منك انك هتيجى معايا
فين بقى بالظبط
هتعرفى تعالى من فضلك
حسيت انها جد اوى رحت معاها فعلا
كان فيه جامع جنب بيتها لقيت ناس بتصلى معرفش بيصلوا ايه يمكن لربنا بقى ولا ايه المهم قالتلى يلا فيه ناس بتصلى يلا وياهم ووراهم
نعم
طب انا مش متوضيه
مش مهم ان الله غفور رحيم يلا عشان نلحق وياهم الصلا
ايه هوا ده
بس مش عارفة خفت اوى من لهجتها وطريقتها
دخلت الجامع لقيت كل اللى فيه لابسين اسود ومش باين منهم حاجة
ايه يا جماعة ده كنت بترعش من جوايا مين دول ولا فيه ايه بالظبط
خلصنا الصلا اللى محستش بيها طبعا لأن مكنش فيه اى عنصر طمأنينه خالص
المهم سمعت راجل كدة بيخطب فينا والناس اللى كان بيؤمهم
انا كنت عايزة اتكلم بس من الخوف بصراحة مقدرتش قلت اقعد واسمع الكملتين وخلاص وامرى لله
لقيت كلام كله ارهاب وغلط اصلا والمصيبه انه بيتكلم عن الدين وبيقول حاجات العبيط اللى مش بيفهم ميصدقهاش
والكارثه ان الناس عمالة تهز فى راسها وسعيدة جدااااااااااا بده
طبعا الدم غلى فى عروقى ميلت على البنت اللى جبتنى اصلاهنا قولتلها ايه الكلام ده
قالتلى هششششش انتى عايزة تقطعى كلام سيدنا
نعم سيدنا مين يا حضرت
ميكونش ده الرسول وانا مش واخدة بالى
ايه الكلام الغلط ده
المهم طبعا مقدرتش استحمل الكلام الغلط ده قمت وعملت زوبعة واعترضت بشدة واحتجيت
لقيت البنات كلهم المتشحين بالشواد والبنت اللى جابتنى قالتلى ايه ده انتى بتغلطى سيدنا انتى عايزة تضلينا ولا ايه
خدى حاجتك واغربى عننا هداكى الله
لا اله الا الله ولا حول ولا قوة الا بالله
طبعا انا ما صدقت اتلايمت على الموبايل وقلت يا فكيك من الجماعة دول
بجد حاجة غريبه جداااااااا
المهم صليت ركعيت شكر لله انى ربنا انقذنى وكمان رجعلى حاجة غلية عليا
بس بجد المرة دية بقى استحالة الموبايل يفارق جيبى ولا ايديا
المرة دية العيلة مقدرتش توحد ميعاد يناسب الكل عموما مش مشكلة
اتفقنا احنا والشباب بتوع العيلة اننا نتجمع احنا مش شرط نبقى مرتبطين بالكبار نروح اى كافيه ولا حاجة وفعلا اتقابلنا واتجمعنا وكان يوم حلو جدااااااا وغالى جداااااااااا الحمد لله صرفت كل اللى معايا ولله الحمد
وبما انى مش بسمع الموبايل وهوا فى الشنطة فا قلت اخليه على التاربيزة
فى هوجه بقى واحنا قايمين كلنا ومروحين نسيته على التاربيزة
يدوب قمت وبدى ضهرى لقيت بنت شكلها هادى كدة وفيه نور فى وشها ولبسها ملتزم
قالتلى حضرتك نسيتى الموبايل
بصتلها اوى وقولتلها غريبة كان ممكن تاخدية يعنى وانا اصلا ناسياه يعنى عقبال ما افتكر وآجى تانى ممكن تكونى انتى مشيتى واخدتيه
بصتلى باستغراب جداااااااا
وقالتلى آخد حاجة مش من حقى
وايه الفايدة لما استولى على حاجة مش ملكى
انا هشعر بذاتى وبكيانى لما اجيب حاجة وتبقى ملكى وحزء منى مش استيلاء على اشياء الاخرين لو حد عمل معايا كدة اكيد هضايق واللى مش هرضاه ليا اكيد مرضهوش لغيرى
اعجبت بيها جداااااا وكلامها شدنى لدرجة انى استأذنت من اقاربى وقلتلهم روحوا انتو انا هستنى هنا شوية
اتكلمنا والكلام جاب بعضه لقيتها اسلوبها هادى وكلامها منطقى
كانت صحيح بتعمل حاجة حلوة جداااااا انها كانت خارجة مع شباب بنات يعنى كبار بس ايتام كنوع من التغيير وكانت بتتكلم وياهم فى الحاجات اللى محتاجينها وشعورهم وكدة يعنى
اعجبت جدااااا بيها وبنشاطها
قالتلى الشباب ده عنصر مهم جدا فى المجتمع لازم نهتم بالصغير طبعا قبل الكبير وبالكبير كمان منهملوش
الشباب دول فى سن مراهقة محتاجين شباب وياهم يسمعلهم
المهم الحوار اخذنا ورحت شاركتها وقعدت مع الجروب اللى كان وياها وقضيت وقت ممتع جدا وفكرت فى افكارها
وتفكيرها وسئلت نفسى ليه منعملش زيها
ليه ميبقاش لينا منهج وفكر
بجد كان نموذج شدنى اليها اوى ولحد دلوقت بفكر فيه
طبعا اللى بيقرا بيفتكر ان ده ممكن يكون حصل بالفعل او فيه نوع من المبالغة هوا بصراحة تعبير عن الشباب اللى فى مجتمعنا
الغرض اللى عايزة اوصله
ان فيه فئة شباب ماشية غلط فاهمين التعبير عن الحريه باللبس او بالميكاج او غيره ونسيو العقل والفكر
لغو كل ده حاسين انهم مكبوتين فامش عارفين يطلعوا ده الا فى جسدهم فقط لا غير
وفيه فئة تانية لاغيه عقلها خالص ملتزمه فى المظهر لكن داخلينا مش عارفين حدود دينهم رضيوا انهم يلغوا عقلهم ويخلوا واحد واصى عليهم يقولوه آمين يا سيدينا
رافضين حتى اى حد يقول كلمه حق او شعاع نور
للاسف كل دول بيخلوا اللى حواليهم بدل ما يحتووهم ينفروا منهم ومن اسلوبهم وطريقتهم
ومش معنى انى اشرت للمنتتقبات يعنى كلهم يكونوا كدة بالعكس المجتمع زى ما فيه السئ فيه الجميل برضو اللى عارف دينه ومقتنع بيه
انا ليا اصدقاء فى الله منتقبات وغاية فى الاحترام والهدوء ومش متزمتين بس هما مقتنعين بحاجة معينه خلاص مفيش مشكلة
وفيه ناس تانية للاسف واخدين النقاب ده ساتر متخفين وراه وكمان فيه ناس مفروض عليهم يعنى لا حيله لهم يعنى معنى كدة انهم مبكوتين فا بالتالى بيحاولوا يعالجو الكبت ده بطرق تانية اكيد عارفينها وبنشوفها وبنصادفها فى حياتنا
واكيد كتير بيشوف فى وسائل المواصلات ممكن تبقى منتقبة المفروض عشان متعملش فتنه بس فيه بقى بيتفننوا فى ابداء فتنتهم
بمكياج العيون
وفيه ناس تانية
باسلوب هادى ممكن يشدوا اللى قدامهم زى البنت الاخيرة دية
الرسول صلى الله عليه وسلم قال المرء على دين خليله فانظر من تخالل
ممكن حد بيعمل حاجات جميله اوووووى هوا مغصبش حد على انه يعملها عشان ده مش حقه انه يفرض حاجة على ناس حتى لو كانت صح مية فى المية لكن ممكن انشر اللى بعمله بشكل غير مباشر انى مثلا اباشر اللى بعمله عادى جدااااا اكيد هستثير فضول ناس حواليا اكيد هيسألونى
واكيد كمان ممكن يفكروا فى فكرى ومنهجى ليه ميكونش لكل واحد فينا منهج وفكر وراي خاص بيه
مش من حق حد انه يستولى على حاجة ربنا ادهلنا على نستغلها صح
لأ
بالعكس من حقنا اننا ننشر فكرنا ومنهجنا واللى مقتنع بيه يا اهلا بيه
يارب يكون اللى عايزة اوصله يكون وصل ليكو

لقطات من ارض الواقع

2008-03-24T11:24:00.000-07:00

رفقا سوف تصطدم لبعض الوقت بالواقع لكن مهلا يا اخى لا تنزعج فهذا ما نعيش فيه الان قد تكون اصطدامك هذا لبعض دقائق ويزول كمفعول السحر وقد يستمر معك طوال العمر فرفقا بنفسك ايها الانسان

عندما كنت اذهب الى دورة الكمبيوتر بالهرم كنت اركب المترو (وسيلتى المفضلة فى الانتقال ) ثم اركب وسيله

اخرى تنقلنى الى مكان الدورة الخاصة بى

كنت امر اثناء سيرى على الباعة المسماه بالباعة الجائلين

وانا اطلق عليهم الباعة الضعفاء

ما علينا....

كنت اندهش لبعض الوقت

هذا يستمر فى المناده طوال الوقت (يلا محفظة جلد طبيعى ب 5 ج بس يلا يا مدام يلا يا بيه .....وبالطبع لا هى بالجلد الطبيعى ولا غيره)لكنها دعوة لشد الانتباه

ولربما احدهم يصدق هذا فنحن فى محطة الجيزة !

اسير قليلا للامام ارى اثنان يجلسون بجوار بعضهم البعض تشعر كانهم اخوات ولربما يكونون اخوات فى الرزق ايضا كلاهما يعمل ماسح احذية يراودنى فضلوى لاى تلك الوجوه وارى ما يعلو عليها والغريبة انه رضا بالمقسوم جاء شخص يرد تلميع حذائه لا ذهب الى هذا الجالس بجوار الاخر والاخر لا عليه قالها بتمهل ورضا ايضا ارزاق حقا انها ارزاق يقسمها الخالق بين عبيده

..................

عندما اريد ان اعبر الشارع وللاسف يبدو لى ان هناك سياسه من الحكومه تريد ان تقتص من الاعداد المتزايدة الغير قادرين على اطعامهم

سيارات تسير بسرعة مذهله ولا ضابط او رابط عليهم او حتى اشارة مرور تحترم فيها كبار السن الذين يهربون من مصيرهم حوادث تحدث ومازالت تحدث انا نفسى لا اعرف اعبر هذا الشارع الا عندما يعبرون آخرين ودائما اقول لاصدقائى( ربنا قال ولا تلقوا بايدكم الى التهلكه وهذا هوا التهلكه وبالفعل)

الله الحافظ كما تقول عزيزتى واختى فى الله دعاء صاحبه مدونه انا دودو سابقا

..............

مهلا لم انتهى بعد من حديثى فمازال فى جعبتى الكثير

ولربما الصدمه لم تأتى بعد

من ايام لييست قليلة كنت احتاج ان استخرج شهاده مليلادى الحديثة لحاجتى اليها المهم ذهبت الى السجل المدنى التابع اليه الحى الذى اسكن فيه لكن وجدت ان هيهات لو انتظت فى الطابور اعداد غفيرة اعتقد ان من الممكن ان ننتظر لباكر ونحن مازالنا واقفين فى الطابور قررت ان اتجه الى السجل المدنى فى العباسيه وهذا افضل كما نصحنى اخى صدمتنى المفاجأة اعداد لا حصر لها تمتد من مدخل العمارة الى خارج الشارع بمراحل يا الهى ما كل هذه الاعداد

الاغلبيه ناس بسطاء يريدون شهادات ميلاد لهم ولربما لاولادهم الحديثين الميلاد وكل هذا بسبب بطاقة التموين الجديد

طبعا آلمنى المنظر ومنظر الناس وهما واقفين اذلاء للقمة العيش يا لا حول ولا قوة الا بالله

رجل بسيط يمر من بين الواقفين ينادى .....ســـــــــميط وجبنه واللى عايز شاى يا حضرات ضحكت من داخلى يبدو ان الوقفة لربما تطول وبالفعل الظابط الواقف هناك قال لنا الافضل ان تاتو على 9 يااااه ونحن كنا هناك على 11 يا الهى

لله الامر من قبل ومن بعد

...................

نسيت ان اذكر لكم ان ذهبت الى عمل جديد وفى عملى الجديد امر اثناء سيرى على مدارس وللاسف يؤسفنى ما اراه كل يوم اولاد واقفين فى الشوارع امام المدرسة لا عليهم ومنهم من يمسك الموبايل يهذى به وللاسف صور مؤسفة لجيل الله وحده هوا الاعلم ماذا سيكون لا احترام وللاسف ولا تربيه ايضا

ثانيا وهذا الاهم على مخبز للعيش وللاسف امر امامه الساعة 8 صباحا اجد امامى طوابير غفيرة اللهم لا حول ولا قوة الا بالله حتى لقيمة العيش اصبحت صعبه الان المنال

الحوادث الان اصبحت من ضمنها الموت من اجل طابور العيش

الناس تنتظر بالساعات من اجل ان تظفر بعدد قليل من راغفة العيش ولربما قد يكون من بينهم عامل بسيط يحتاج الى رغفين او رغيف يأكله حاف

الاسعار اصبحت كل مدى فى الارتفاع وللاسف لا احد مستوعب لما يحدث

اسمع من يقول كل هذا عادى وعادى جدا ان يحدث الان مهلا لم انتهى من حديثى ايها الاخ العزيز

لا اعرف هل من حسن حظى ان انتقلت فى اماكن للعمل ان من سوء حظى ان كل فترة اكون فى مكان مختلف المكان والزمان بالطبع والناس ايضا

وكلمه الناس تحتها مليون خط

كنت اعتقد فى الماضى ان كل الناس مثلنا لا احد يحقد على احد ولا احد يصل لدرجة الايذاء

اعترف انها كانت نظرة مثاليه زيادة عن اللزوم الى ان نزلت الى ارض الواقع واصطدمت به ومازالت

لكن للاسف الان رايت ان هناك اناس حقيرة بالفعل

يضحكون فى وجهك ومن ورائك يطعنوك فى ظهرك

او من يتحدث طوال الوقت عن الماس والاضافة والزيادة وكاننا سنموت وسناخد المال معنا الى التربة

يجوز (يمكن يرجعوا عصر الفراعنه من تانى وكل واحد يحضر قبره ويحط الاكل جنبه مهو ده اللى ناقص

)

هناك من يقول لى فى ابتسامه رقيقة انتى زى بنتى لكن اريد ان اقول له اخرس كفاك لا اريد ان اسمعها منك كفاك حقا

والله اعلم من وراء ظهرى ماذا يحدث

الشئ الذى يدعو الى الهراء ان المدير من سلطته ايضا ان يمعنا من اجازتنا الرسميه

بدعوة العمل المزيف ولا هناك عمل جدى لكن شعارنا لا مجال للراحه

لا احد يأخذ حريته

لا احد يمارس حقه

شئ سخيف حقا

ان ترى وجوه تصادفها كل يوم تعرف ما بداخلها وتعرف حقارتها لكن لا تستطيع ان تفيض بما بداخلك

تتخيلها وهى تبتسم وهى تتكلم كانها شيطان تحتاج الى قرون استشعار لتكون الصورة ملائمه تماما

الشئ المؤسف حقا

ان صورتنا اصبحت فى الحضيض

الان كل ما امر على عمل اصادف فيه شخص مؤمن حقا صيام وصلاه وخلافه لكنه فى العمل سئ او متباطئ

او......الخ

ابكى من داخلى الصورة اصبحت عار

هل تقدمت للعمل لكى تقرأ فى مجله دينيه وتترك عملك

او تتعبد لله طوال الوقت فى الصلاه وتترك رؤساك وعملك

ان تتمسك بالمظهر وتترك البواطن

هل هذا هو الدين

ام الزم السماعات بداخل اذنى لاستمع الى ما يحلو لى فى الدين اثناء عملى واترك او اتباطئ فى العمل

هل هذا هو الحق

اترك لكم الاجابة

................................

من ايام قليلة كنت اجلس فى المترو امراة تحمل طفلة صعدت العربة واخرى تدعوة المراة الجالسة امامى ان تترك مكان اطفالها الماكثين بجوارها الى هذه السيده الشابه المتعبه الحامله لطفلها

لا اخفى عليكم كنت عائده من دورتى وكنت متعبه وفى الاغلب انام اثناء الطريق اغفو قليلا لاريح عينى ونفسى قليلا

المهم السيده المبجله رفضت وقالت فى لهجة غير محترمه تخاطب بها الاكبر منها سنا ( مش هقعد حد ) لا اله الا اله طب ليه

اين هى الرحمه بين الناس واحترام الكبير للصغير

انتبهت الى المشاده فى الكلام بين السيديتين اجلست السيده الشابه مكانى واندهشت لموقف السيده الاخرى

وقلت فى سرى لله الامر من قبل ومن بعد وللاسف الاطفال دول هما الضحيه فى النهاية لآن القدوة التى امام لم تحترم الاكبر منها سنا وينبغى ان اربى طفلى عندما اكون جالسا واجد امامى من هم اكبر منى سنا اجلسه مكانى لسبب بسيط وهو اننى استطيع التحمل لكن هو قد لا يحتمل

مش كدة ولا ايه

واضح ان المعايير والمبادئ اختلفت!

.....................................

الان اصبحت الاطفال سلعة رائجة لجلب المال فى منتهى السهولة واليسر

سهل جدا الطفل ياتى ببضاعة ميسرة وقد يكون هناك الكثيرين لا ياخذون منه رأفه بحاله وهكذا يسير الحال

او تقع فى يد الذين يمرون عليك بمنتهى الصمت ويعطوك ورقة فيها كل الخلاصة ليه بقى

توفيرا برضو للكلام والقواله ونعيد ونزيد .....اصل يمكن الكلام يغلوه هوا التانى

.........................

اذا كنت تعتقد ان الكلام قد انتهى لالالالا فهناك كلام كثير لا ينتهى والواقع مليئ باشياء كثيرة تحتاج البوح عنها وازاحه الستار عليها

لكن ايضا رفقا بك ايها الانسان

صورة جديدة رايتها امامى

السيده اصبحت ماسحة احذية هى الاخرى

؟؟؟؟؟؟؟؟؟؟!!!!

مــــــــبـروك لمـــــــصر

2008-02-10T11:54:00.000-08:00

مـــــبروك لمصـــــــــــر يا اهل مصـــــــــــــــــــر

مبروك لبلدنا

مبروك لشعبنا

لناسنا

لأهلنا

مبروك علينا كلنا

بجد انا فرحانه اوى

مع ان انا ماليش فى الكورة بس بجد فرحانه اوى وكمان فرحانه بمنظر الناس فى الشارع والفرحة اللى بتنطط منهم

نفسى انزل والله واعمل وياهم بس عادى بقى الجو برد

هاههههههههههههههههههه

بس يا رب زى ما احنا مهتمين اوى بالكورة ومظهرين حماسنا الجامد ده والفرحة اللى جاوان لحب البلد ولمجهود

اخواتنا هناك يا ريت يبقى الحماس ده فى كل حاجة

لأن الحياة مش كورة وبس مش كدة ولا ايه

:)))))))

كل سنه وانا طيبة :)))))))))

2008-01-29T12:20:00.000-08:00

سلامو عليكم اجمعين

معلش انا عارفة انى مقصرة شوية ومش بتابع البلوج ومش بنزل الا بالتيلة بس معلش بقى

سيبكم من ده خلينا فى المهم

عايزة اقولكم ان النهارده بجد فرحااااااااااااااااااااااااااانه جداااااااااااااااااا عارفين ليه

على الرغم انى امبارح كنت مهمومة شوية والرسايل عمالة تهف على الواحد والناس يا عينى اللى بيبعت بالتلات رسايل يعنى زمانهم

رصيدهم خلص اساسا واللى اتصل بليل مخصوص مع انه نايم بس ظابط المنبه اول ما ترن الساعة 12 عشان يقولى كل سنه وانا طيبة بجد

مش عايزة اقولكم على الرغم اللى انا فيه والحاجات المتركبسة فوق دماغى والمفروض اخلصها وشوية برضو مهمومة وعمالة افكر فى

حاجات كتيييييييييير

وكمان على الرغم ان اليوم اللى هوا المفروض يبقى يومى كان معكوك عكة محترمة كفاية الجو النهارده اصلا وكمان كنت مرهقة جداااااا من

اللف والفحص والتمحيص واهمال الناس وحاجة ما يعلم بيها الا ربنا لدرجة انى يدوب خلصت جريت بسرعة اكلت فى السريع عشان الحق

الكورس بتاعى اللى كنت وانا قاعدة اول ما وصلت كنت بنام على نفسى لدرجة واحدة صحبتى قلقت عليا قالتى شكلك تعبان اوى كدة ليه

بس كل ده بجد راح على طووووووووول بمفعول السحر بجد

عارفين ليه

اول هام ان بجد الناس اللى افتكرونى واهتموا وكدة بجد ناس غالية اوى عليا بقولهم ربنا يسعدكو يا رب بقدر اللى انتو اسعدوتنى بيه سواء

برسالة او اتصال او ايميل حتى بجد يا رب يديم علينا الحب والاخوة فى ربنا

طبعا خطيبى ده على جنب بعيد عن الناس دية هاههههههههههههههه

اصلا طبعا كالعادة عمل فيا مقلب وبقدار الزنقة اللى انا وهوا فيها فا قلت عادى حتى لو مفتكرش مش مشكلة المهم عرفت انه نام خلاص

وكدة قلت خلاص تلاقيه ناسى اصلا فوجئت بليل انه بعت رسالة بمنتصف الليل بتوقيتنا بالظبط عشان عندهم التوقيت فارق عننا بجد فرحت اووووووى

نيجى بقى للنهارده

اتصال من زميلة فى الشغل بعزها اووووووووى بقالنا فترة بصراحة مفيش اتصال بس رن بس بس بجد فرحت اوى على الرغم ان اصلا

الاتصال كان الصبح بدرى وكنت اصلا فى مهب الريح

الاول اتصال من اختى ايمان غير ايمان اللى جاية فى الكلام هاههههههههه اصل ما شاء الله ربنا مكتر فى اصحابى فى الايمانات

تانى هام لقيت منى اختى فى الشغل بتقولى ايه ده مش هتيجى الصبح على المكتب طب وبعدين والهدية اللى متشاله دية بقالها شهر انا شاريها مخصصو ليكى وعايزة ادهالك فى يوميها حلاوتها فى كدة

طبعا بلمت واحساس الفرحة خلانى مش عارفة ارد ياااااااااااه بقالها شهر ومخصوص بقى وبتاع

تالت هام اختى اللى بجد ربنا يخليها ليا وبجد بحبها اووووووووووووى بحس بجد اننا فعلا عيله واحدة هيا واميرة وطنط وتيته بجد بحسهم

عيلتنا دمهم زينا حاجة كدة والغريب بجد ما فى مرة اتكلم فيها ويا ايمان الا من غير ما اقول او لسه هقول حاجة او مضايقة من حاجة الاقيها

تبادر وتقولها معرفش بتعرف منين البنت الشقية دية

المهم انها فجئتنى النهارده بجد بهدية غير متوقعة بس متوقعة برضو من ايمان وبس عشان ايمان مختلفة عن ناس كتير وكمان بجد انا لولا

انى ماسكة نفسى مستنيه بس لنص الليل عشان اقولها كل سنه وهيا طيبة بدل ما اعملهم كل شوية ازعاج بس بجد انا هاين عليا ابروز

الهدية بتاعتها مش هقولكم هيا ايه بقى هوا كدة رخامة منى

:)))))))))))))

كل واحد بقى يخمن مع نفسه

بس بجد الموقف نفسه وانها كلمتنى وصمممت انها تشوفنى وعرفت انى جاية فى المترو على الرغم ان الوقت متاخر بس كمان زنبت طنط

وياها بس سبحان الله خير برضو عشان بقالى كتير اوى مكنتش شوفت طنط وطنط دية بجد ليها معزة خاصة جداااااااا بحسها زى ماما

بالظبط حتى فيهم شوية برضو من بعض

بس فعلا بمجرد ما شوفتها وفجئتنى كمان بالهدية الغالية عندى جداااااااااااا

انا اصلا نسيت تعب اليوم باللى حصل فيه بكل حاجة

ربنا يسعدها يا رب ويسعد كل الناس اللى كانوا وييايا فى يومى ده ربنا يكرمهم كلهم يا رب

ويرزق البنات بالازواج الصالحين والبنين بالزوجات الصالحات

قولو

آآآآآآآآآآآآآآآآآآآآآآآآآمين

:)))))))

اقولكم سلام بقى عشان امنيه والاء على وصل لارض الوطن القاهرة هاهههههه وانا على احر من الجمر عشان بجد مشتاقة ليهم جداااااااااااااا

هبقى احكيلكم بقى مغامرتنا سوا يمكن اغيب عنكم شوية بس متقلقوش لينا عودة قريبا ان شاء الله بس ادعولى بجد جامد محتاجة لدعائكم اووووووووووى

هل مارست حقكك فى الجنون؟

2008-01-25T00:18:00.000-08:00

هل مارست حقكك فى الجنون؟

نعم هل تبدون اندهاشكم

لماذا؟؟؟؟؟

الجنون نعمه يا اخواتى

نعم نعمه كبيرة لا يعرفها الا من يعيش فيها ولو لبعض لحظات

فيها من الجرأة والخيال والحياة

نعيش كل هذا فى لحظة............نعم لحظة جنون

هل مشيت يوما فى المطر تستمتع بالجو وتستمتع بالماء المسدل عليك

نعم انها قمة المتعه

كنت فيما مضى انتظر فى الشتاء وقت هطول المطر استمتع به فقط اكتفى

بالخروج فى الهواء من خلال شرفتى استمتع بالمطر وانظر الى

السماء ادعى ربى بما يجول فى خاطرى لى ولكل الناس

نعم يقولون انها ساعة استجابة

تمتد يدى خارجة تداعب حبات المطر المتلالأله من السماء

انظر الى السحاب اقول يا الهى

حكمتك يا ارحم الراحمين

لكن يومها

والمطر يشتد كل حين وحين

قررت ان اسير.....اسير تحت المطر

منتهى المتعه!!!

الشوارع تكاد تكون خاليه او تسعى الى خلاءها من الأناس

والعربات تكاد تسير ببطئ من هول الماء المسدل عليها

وانا ......انا وحدى اسير تحت الماء استمتع بالطبيعة والمطر

انظر الى كل من هم حولى

اسمتع فى اذنى الى اغنيه اليسا "اواخر الشتا

تزيد الحاله عندى استمتاعا وجنونا

اريد ان انطلق اجرى تحت الماء اتراقص على النغمات

يمنعنى حذائى فقط لا غير

قررت ان آكل ايس كريم المحبب الى

نعم فى وسط هذا الجو ووسط المطر الذى ربما يمنعنى من استمتاعى لكن لا

شئ يهمنى فاليوم تمتلكنى حاله ما

خرجت منتعشة وانا وحدى اسير امسك كوبى واتناول فى حب وفى جنون

الناس تنظر الى ربما تكون مسها الجنون فى هذا الجو اسير والكل يختبئ فى

بيته او تحت ظل ما وانا اسير تحت المطر بالظبط

يا الله

يبدو انها حاله

لكنها ليست اول مرة

..............................................................

هل جربت يوما ان تقول لمن تحب فى مكان عام احبك بجنون باعلى صوتك وسط الملأ

نعم كنت اشعر بمنتهى النشوة داخلى

بداخلى كلام كثير يختلجنى داخلى

اريد ان اقول لمن احبك لكنها فى صمت داخلى يشعر بها

وفى وسط الزحام والناس متجمعة حولنا

امسكت بذراعة وصرخت كما المهووس احببببببببببببببببببببببببببببببببببببببببببببك

نظروا الينا من حولنا لكن لما اتملك من رؤيتهم وجدت يد تجتذبنى فى

اقصى سرعة لنمشى بعيدا عن الزحام ومن الخجل الذى اعترانا

يا لها من متعه .........متعه الجنون ان تمارسها وقتما تحب واينما كنت

فليمارس كل ذى حق حقة فى الجنون

نصيحه من مجنونه قديمة

:))))))))

اوصانى خليلى

2008-01-18T13:37:00.001-08:00

سلامو عليكم

انا المرة دية جايبلكم مفاجأة حلوة اوووووووووووووووووى

النهارده المفروض اننا جروب متجمعين النهارده فى الساقية وهنحضر بعد ما نقعد ونتكلم وكدة ندوة مصطفى حسنى

اصراحة انا كل ما اقول لحد الاسم ده يقولى ياااااااااه يا بختكو الراجل ده انا بحبه جداااااااااااااااااااااااا

انا شوفت ليه صورة وقريت ليه حوار فى احدى المجلات لكن بصراحة مسمعتش ليه حاجة كنت فاكراه زى عمرو وخالد وخالد الجندى

والناس دية عادى يعنى

المهم
كنا مترددين شوية هنحضر الندوة ولا ايه وكمان عشان مش عايزين نتاخر فى المرواح وكدة وكمان المصادفة كنت انا وايمان بس

باقى الناس اعتذروا لظروف ما

المهم بجد كان منظر غريب اوى ده ولا كأنها مثلا صلاه العيد مثلا

زحاااااااااااااااام بطريقة لا تتخيلوها الناس فوق بعضها اصلا وكمان مجموعة بشر لدرجة ان فيه ناس كتير كانت واقفة كنت معتقدة

اننا من مكانا نقدر نسمع الندوة او جزء منها ونروح لكن فعلا مكنش ينفع قررنا انا وايمان اننا ندخل وكدة وخصوصا انه سمعت انه

ملتزم فى مواعيده

كان فيه مشكلة لعدم توافر كراسى وفيه ناس كتير واقفة اضطروا انهم يجيبوا حصر للشباب وطبعا كان فيه كم هائل من البنات وكبار

السن كمان عشان يسمعوا الداعية الشاب

انا قبل ما اروح كنت سمعت كام حاجة كدة شدنى انى عايزة اشوف مين هوا مصطفى حسنى

بس بجد بجد فعلا ما شاء الله عايزة اقولكم اننا احنا كمان قعدنا على الحصر بنات وصبيان بس ده فى ركن والتانين فى ركن عشان

النظام بس

الحمد لله اتاح لى انى اكون قاعدة قدامه لزم بجد وانا بسمعه حاسه انى جمسى كله بيقشعر من قوة الصوت وكلامه بجد خرجت وانا

مبسوطة جداااااااااااا من الدرس وقلت ان شاء الله هفكر فى كل كلمة اتقالت الواحد بيكتشف انه ممكن يكون بيعمل فى حياته حاجات

حلوة بس للاسف بيضيعها ممكن بتفاهات بسيطة توديه فى داهية وهوا بيستهتر بيها

عنوان الندوة كانت باسم اواصنى خليلى

بيتكلم عن ان الرسول عليه افضل الصلاة واتم السلام اوصى الانسان بسبع حاجات
1- عيادة المريض " يعنى اللى يعرف انه ليه قريب او حد من يعره يعنى وعيان واجب عليه انه يزوره عشان بكدة بيكسب ثواب كبير جداااااااااااااااااااا وكمان بيزيد من المودة والرحمه والحب فى الله"
2- تشميت العاطس اى ان يقول له عندما يعطس يرحمكم الله ويقول له الاخر يهديكم الله ويصلح بالكم وذلك من السنه
3- اجابة الداعى "لما حد يجى يدعوك مثلا لمناسبه او واجب او ما شابه واجب عليك تلبى الدعوة فيما عدى ان يكون فيها حاجة تعصى فيها ربنا
4-رد السلام " اى تقول تحيه الاسلام السلام عليكم ورحمه الله وبركاتو لما تكون داخل على ناس او بتسلم على حد من اصحابك ده بيزيد اوى من المودة بين الناس ولو محدش رد السلام انت بتاخد ثواب والملايكة بترد عليك"
5-السير فى الجنائز او اتمام الواجب او الصلاه على الميت " لما تبقى مثلا بتصلى فى جامع وقالو هنصلى صلاه الجنازة على فن واب عليك انك تصليها عشان بكدة كسبت ثواب كبير جدا عند ربنا"
6-البر بالقسم " لما حد مثلا بيحلف عليك من بابا العشم واجب عليك برضو انك متكسفش صديقك ده او اللى عمل وياك كدة وتكسر بخاطره عشان هوا بيعمل كدة كنوع من العشم زى مثلا حد بيحلف عليك انك لازم تاكل وياه او ما شابه بس طبعا فيما عدا حاجة تغضب ربنا"
7-نصر المظلوم "لما تعرف ان اخوك فى الاسلام تعرف انه مظلوم وانت بايدك انك تنصره متقولش وانا مالى او ماليش دعوة او لما حد يجى يتريق على حد تعرفه قدامك وفى غياب الشخص ده واجب عليك انك ترد غيبته وترد فى غيابه وتدافع عنه"

ده باختصار موضوع الندوة

انا سجلت منها جزء بسيط يا ريت تشاهدوه بجد هتحسوا بمتعه

انا هسيبكم بقى مع الفيديو

العاشرة مساء؟

2008-01-07T01:59:00.000-08:00

سلامو عليكم يا قوم

:)))))

عاملين ايه كلكم يا رب تكون كل الناس بخير

معلش انا عارفه انى اتأخرت كتير اوى عليكم انى انزل بوست بس معلش بقى والله غصب عنى

انا عارفه ان فيه ناس جابت منى جاز اصلا ولو شافونى هيطخونى عيارين فى نفوخى هاهههههههههههه هما عارفين هما مين بقى اللى

بتكلم عنهم واخدالى بالك يا ايمى انتى ومحمد باشا هاههههههههههههه

انا مقلتش حاجة

المهم طبعا فيه ناس بتدخل بتبارك وتهنى بس مش عشان السنه الجديدة:) عشان شكل البلوج الجديد النيو لوك ده

المهم

انا كنت بتابع مدونات ناس تانية لاصحابى او ناس معرفهمش المهم الاقى عاملين فيه حاجات جامدة ورسومات وحاجات حلوةاوى انا اقعد

أسال نفسى طب يا ترى ده يعنى محتاج ايه ولا بيعملوا ايه عشان يطلعوا الشكل ده يا ترى ده محتاج دراية بفوتو شوب ولا ايه طبعا فيه

ناس بتقول جاهله معلش بقى

هاهههههههههههههه

المهم بعد فضل ربنا علينا عرفت الحوارات دية بتتعمل ازاى وطبعا بفضل اختى ايمان

صاحبة مدونه شلال العطر

قضينا اليوم عندى وكان حته يوم فله هاهههههههههه وقعدنا على الجهاز فى آخر اليوم كدة

بعد ما حبسنا بالنسكافيه اللى معمول من ايديا

والله هاهههههههههههههههه

وايمان بقى قالتلى الحاجات دية بتتعمل ازاى وعلى اساسه رحت غيرت الشكل كليا

عشان كدة قررت انى اقول عن المواقع عشان للى يحب يغير ومو عارف الطريقة انا احب اقول لكل خيتى فى الاسلام وفى غير الاسلام

معلش حبه خليجى كدة فاصل

هاهههههههه

الموقع ده للى يحب يغير الشكل العام للمدونه بس ياخد باله

انه هيشيل كل الحاجات الغير اساسيه لو حاطط مدونات مثلا او مواقع او صور كل ده هيتشال او مقولات مثلا او موسيقى كل الحاجات الزيادات دية يعنى

ممكن هوا يحفظها فى نوت بوك مثلا على الجهاز او على ورد

ولما يختار الشكل اللى يعجبه وكدة يرجع الحاجات دية تانى زى ما دخلها

http://www.finalsense.com/services/blog_templates/

اما بقى للى يحب يحط ساعة على البلوج عشان الدقة

مجرد بس ما هيقف على الساعة هيطلع عنوان موقع يدوس عليه

اما بقى بخصوص الشات وللى يحب يشيت

هاههههههههه

اهو http://www.cbox.ws/admin.php?

مجرد بس هتتبعوا التعليمات واللى عايز يسـأل فى اى حاجة يقول برضو

عشان احنا نحب التطوير برضو

اما بقى بخصوص الرابط

بتاع الموسيقى فا انا اخدذته من مدونه ميرو اخت ايمى واختى برضو

بس مش فى الرضاعة :) والصراحة كتر خيرها لأنها ضحت تضحية

جامدة جدااااا عشان اتدتنا الباسورد بتاعها عشان ناخد الرابط اللى عندها

وممكن نغير احنا الاغنيه

هيا اينعم كانت هتشد فى شعرها مننا عشان صحناها من النوم وكمان وجعتنلنا دماغنا

موضوع الباسورد بس عادى عادى ميور حبيبتنا

برضو ومننا وعلينا

:)))))))))))))))

طبعا فيه حاجات كتير الواحد مر بيها وكنت عايزة احكلكم عنها بس بجد بجد

اكتر حاجة فرحانه بيها اووووووووووى

هما كذا حاجة

اول حاجة انى فرحانه جدااااااااا بصديقتى واختى مروة احنا عدينا عليها يوم الخميس

انا وايمى فى مجله كلمتنا بجد كان حته يوم جميييييييل

جداااااااااا اينعم ختم بنهاية مش تمام فى الاخر بسبب واحد مخبول فى المينى باص

عملنا رعب ودوشة وحسيت ان ممكن تحصل جريمة قتل

والناس ولا هيا هنا عشان باقى خمسه جنيه بس مش مهم المجمل فى النهاية انه يوم حلو وخلاص

وكمان شربنا فى صحتنا انا وايمى فى

سلينتروا كمان هاهههههههههههههههه

انا فرحانه بيها باللى هيا فيه دلوقت وبقولها ربنا يسعدك ودوام التقدم يا رب بجد مروة

انسانه جميلة ورقيقة فعلا وبتحب تخدم كل

الناس اللى تعرفهم واللى متعرفهمش بقدر المستطاع

انا كان بقالى كتير جداااااا مشفتهاش تقريبا من ساعة انقطاع نشاطنا فى الجمعية

اللى كانت بتضمنا كلنا لانشغال كل واحد وكمان لانفكاك الجمعية

بس فيه ميسدات او اتصال او نت كدة يعنى

كمان عايزة اتكلم عن شخصية جميلة جدااااااااااااااا هوا مصطفى فتحى

هوا مصطفى نموذج من الشباب الجاد المتحمس تحس كدة انه كله نشاط

ويحب يكون الناس اللى يحب يساعدهم او ينصحهم يكونوا كدة برضو

انا بدعى لكل شباب كلمتنا اللى بيشتغلوا فيها واللى بيساهموا وياهم لأنهم بجد صورة مشرفة

لشباب مصر

نيجى بقى للى بعد كدة

نقطة تحول جامدة جدااااااااااااااااااااااااااا

صديقتى واختى ندا عملت معرض فى الساقية طبعا كان لازم نكون جنبها رحت انا وايمى

وقضينا نص يوم كدة هناك اينعم كانت الساقية

زحمه ومكنتش متخيله ان كل الناس دية جاية تعرض منتاجتها

وللعلم

ندا فنانه بتعمل خواتم واكسسوار بس مش عادى والحمد لله

فيه ناس كتييييير عجبهم اوى فكرة الحاجات اللى بتعملهم وفيه ناس مفهمتش

لأن اصلا معمول بطريقة غريبة والمواد والحاجات مش تقليدية انا اخدت صور للمعرض وللكارت

بجد حاجة تحوووووووووووووفة كان

نفسى اوى انزل

الصور بس للاسف هعمل ايه بقى فى حظى المدحوس

اللاب توب مش موجود عشان انزل عليه عشان جهازنا والحمد لله معتق

فا مش بيعرف يتفاهم مع البرنامج بتاع الموبايل باينه دماغة

صعيدى ولا ايه مش عارفة

يا خبر انا قلت دماغة صعيدى طب بس بقى لحسن ماما تاخد بالها

هاهههههههههههههههههههههه

المهم انى سعيدة جدااااااا بصحابى واخواتى فى ربنا وبالخطوات اللى بيخطوها فى حياتهم

وان شاء الله دوام التقدم

متتصوروش الواحد شعوره بيكون عامل ازاى بجد حاجة كدة متتوصفش

ربنا يحميهم ويحفظهم يا رب بس المهم اننا

نواصل منتعبش لأن طبعا الطريق بيكون طويل عقبال ما هنوصل فا لازم شوية صبر

ولازم نشجع بعضنا

يا رب ان شاء الله عقبال باقى اصحابى وعقبال اختى حبيبتى ايمى لما افرح بديوانها

واشتغالها بالاذاعة

اذاعة لكى يا سيدتى محدش يقولى اشمعنى هوا كدة وخلاص

بس هوا فيه اذاعة اسمها كدة ولا ايه مش عارفة:)

يلا يبقى ايمان تعمل هيا بقى الاذاعة دية عشان تحقق رغبة سعيد صالح فى المسرحيه

هاهههههههههههههههههه

كمان عايز اتوجه بالشكر لصديقتى علا اللى بشكر الساقيه انها اتاحت ليا انى اتعرفت عليها

عن طريق تعليم الكروشيه

بجد شكرا لتقديمك فنك ومهارتك فى التعليم بسهولة ويسر

انا كنت رايحة مكنتش اعرف اى حاجة فى اى حاجة عن الكروشية

يدوب اعرف اعمل السلسلة بس بس بجد دلوقت بعمل الصديرى وبعمل المفرش والبونيهات

ولسه حاجات تانية بتعلمها وبحاول اعملها من الاساسيات اللى علمتهالى علا

بدعيلك ان ربنا يحقق كل امانيك ومعلش يمكن يكون الطريق مش مفروش بالورود

هنتعب شوية فى طريقنا عشان نوصل للى محتاجينه بس المهم اننا نواصل والا مفيش حاجة هتتغير اذا وقفنا

عشان كدة بقول لكل اللى يحب يتعلم فن الكروشية لأنه بجد فن حلو جدااااا وكمان سهل ولذيذ ومهم فى نظرى

اللى عايز يروح يتوجه لساقيه عبد المنعم الصاوى الدرس بيكون كل يوم تلات

بسعر رمزى كمان فى الشهر

يسأل على علا

عنوان الساقية:آخر ش 26 يوليو بالزمالك

ت:27368881

شكرا ليكى يا علا ويا رب نفضل اصحاب فى ربنا على طول وافرح بيكى وبفنك الجميل

وبخطواتك الجميلة نحو التطور فى حياتك ومستقبلك ربنا يديكى كل خير

نيجى بقى لحاجة حصلت امبارح

بجد كانت ووووووواااو

هاهههههههههههههههههههههه

ماشين امبارح فى امانه الله فى الشارع فى وسط البلد

بعد ما خلصنا الشغل انا ومنى واكلنا وحلينا فا لقينا كاميرا

واقفة وبتصور مع بنت وكدة احنا لما بنشوف المنظر ده بقعد افتكر الناس اللى بتطلع

ونظام تشاور وكدة عشان تتفرج على نفسها فى التلفاز

:))

فا نقعد نضحك وخصوصا انى بحب اناغش منى كتييييييييير لحد ما تقريبا كدة هتحجز سويت قريب

بس بعد الشر يا رب فى مكان ما بقى هاههههههههههههههه فى هاواى طبعا

المهم لقينا الراجل بيقولنا تيجوا تتكلموا وتقولوا رايكم.

ان ان ان ان آآآآآآآآآآن

دية موسيقى تصوريرية

يا نهار طب ايه الموضوع اللى هنتكلم فيه ولا هنقول راينا فى ايه يا ترى

المهم عمو اللى واقف ورا الكاميرا قالنا

منى قالتلى لأ يا سيتى انا مش هطلع اطلعى انتى انا بصراحة كنت مترددة

وفطسانه على روحى من الضحك ومنى واقفة

قدامى كل ما آجى ابصلها عمالة تضحك وتضحكنى طب وبعدين قالى متخفيش وكدة هتقولى يا سيتى كلمتين ومعرفش ايه

المهم وقفت قدام الكاميرا والمذيع سألنى ليه مفيش نموذج زى بى نظير بوتو هنا فى مصر

انا اتلاميت على المايك وعينك ما تشوف الا النور

هاهههههههههههه منى بتقولى الراجل بجد نفذ منك باعجوبة

هاهههههههههههه

مع انى مرغتش كتير والله وكنت خايفة وانا قدام الكاميرا وخلاص هنصور هقول ايه ولا اهبب ايه بس لقيت الكلام بيطلع لوحده كدة هاهههههههههههه

المهم مشينا واتكلنا على الله قلنا طب ما نسالهم قبل ما نتوكل هتتذاع امتى

المهم عرفنا انها هتتذاع فى نفس اليوم على قناه دريم 2

وبما اننا معندناش دش والكلام الفارغ ده

هاههههههههه

فا قلت لواحد زميلى يسجلهالى على موابيله ويلبد قدام التلفاز لحد ما تيجى اللقطة ويصور طبعا

وطبعا بعت رسالة لخطيبى واخويا ولقيت خالو بيتصل بالصدفة رحت قايلله وايمى اتصلت برضو رحت قولتها طبعا كل

الحبايب اللى عرفوا لابدين مستنين هاههههههههه

خالو حبيبى راح اتصل عشان يسمعنى صوتى وانا بتكلم وخطيبى كلمنى واخويا سجلهالى ولسه من شوية ابن عم بابا

متصل بيتأكد هوا انا كنت انا فعلا ولا واحدة شبهى

هاهههههههههههههههههه

الحمد لله اشتهرنا

:)))))))))

طبعا حدث جليل حصل انى طلعت اقول كلمتين ربع دقيقة ولا حاجة على التلفاز

هاهههههههههه

مع ان والله مش اول مرة زمان وانا فى اولى ثانوى كنت سجلت فى برنامج حوار مع الكبار لو تفتكروا اللى كانت

بتقدمه ماما ساميه اللى كانت بتعمل برنامج عروستى وبرضو قمت وقلت كلمتين

كان رايى فى حاجة او مشكلة بس

مش فاكره طبعا دلوقت وساعتها

وبالصدفة بنت عم ماما اللى فى المنيا كانت بتتفرج هيا والعائلة على البرنامج لما قمت

وقلت اسمى قالت دية بنت بنت عمى اللى فى مصر وعرفت بناتها عليا بما

ان طبعا لا انا شفتهم ولا اعرفهم ولا هما

كمان هاهههههههه وبذلك عرفوا شكلى واسمى لما شفتهم بقى مرة بعد كدة فى بيت جدى

قالولى انتى اللى طلعتى صح

ايوة يا جدعان انا

هاههههههههههههههههههههههههههه

ايه الرغى ده كله

احنا سبنا الاساس وعملين نتكلم فى الفارغة

المهم

حوار الحلقة ليه ميكونش فيه زى بى نظير بوتو هنا فى مصر

انا عن نفسى قلت عشان ثقافة المجتمع متسمحش بكدة وكمان عشان احنا مجتمع شرقى

محتاجين نغير ثقافتنا والعادات

عشان نقدر نقدم نموذج زى كدة

لأن لو فيه حد عمل كدة هينتقد جامد ومفيش حد هيشجع

السؤال التانى كان يا ترى الاوضاع الاقتصادية بتساهم فى ده

قلت اكيد فى رايى بنسبه 80% بتساعد فى الاوضاع دية لسبب لأن الناس كلها همها دلوقت

انها تجرى على لقمة العيش

وانها يدوب تكفى يومها محدش هيفكر بقى لا فى سياسة ولا غيرة

ولا مشاركة فى حزب ولا وجع القلب ده كله

احب اعرف آرائكم بقى

المايك معاكم اهو

ومعلش ناسف لكل الرغى اللى فوق ده

:)))))))))))

عيد خروف سعيد :)))))))))))))

2007-12-19T00:39:00.000-08:00

صباح الفل والياسمين وصباح اللحمه

:))))

عيد سعيد عليكم وعلينا وعلى المسلمين اجمعين يا رب

يا رب يجعل ايامنا كلها سعادة وهنا

على فكرة العيد ده بجد انا فرحانه اوووووووى غير العيد بتاع المرة اللى فاتت

عشان خطيبى راجع اجازة هعيد معايا وبعدين يرجع تانى

يا رب يسعدنا كلنا يا رب ويجمعنا كلنا على عرفات احنا وكل اللى نحبهم فى ربنا

بس مش هوصيكم بقى على اللحمه براحة عليها كدة وواحدة واحدة كله هيتاكل بس بالدور

هاهههههههههههههههههههههههههههههههههه

انا قلت انزل البوست يوم العيد بالظبط بالتمام والكمال

يلا مش هوصيكم بقى على الخروف

;))))))

من قلب المجتمع

2007-12-04T09:30:00.000-08:00

لم اكن اعلم ان طفولتى ستكون بائسة بهذا الشكل

وجدت نفسى شريدا وسط الزحام

اسير على بعد خطوات من امى لعلنى اتوصل لشئ اتوصل لحقيقتى

انظر الى ملابسى الرثه وانظر الى من هم فى مثل اعمارى اخجل لحالى انزوى بعيد عن اعين الناس والبشر

اتطلع فى فضول الى ما وراء السور

ما كل هذا السور الذى لا اعرف بدايته من نهايته

احاول ان اصبو اقف على اى شئ يجعلنى ارى اكثر مما ارى من ما بين الحديد

سئمت من كل هذا ما كنت افرح به بدأت احزن له

نعم

زحام ....زحام ما كل هذا ومل كل هذة الاعداد الغفيرة اللى تسير

ومن هؤلاء السائرين انهم يشبهونى الى حد ما فى نفس حالى

يا الله

لا من الافضل لى ان انزل واعود كما كنت تطلعت الى بعييييييييد

رأيت من احبه وانتظرة

جريت ورائه كالمخبول

افعل حركات وكأننى مجذوب

اصرخ فى وسط الزحام اقول كلام لا يفهمه احد فأنا صغير لااستطيع الكلام مثلما يفعل الكبار

وعدت من جديد اختلط وسط الزحام

........................

من قلب طفل معذب بائس

انا كتبت الكلام ده كتعبير عن حاله طفل محروم من حاجات كتيرة وفيه زيه كتير

اللى خلانى اكتب ده كمان منظر طفل شوفته فى ميدان التحرير

بجد منظر يخلى الواحد يرثى له

وخصوصا ان الطفل كمان عمره لا يتعدى عامان مثلا او اكثر بقليل

كان منظرة وهوا بيشب على حجر مكسور على الارض عشان يبص ومن فوق السور بجد منظر شدنى اوى وخصوصا انه بيحاول على اد صغر سنه

فضلت باصه ليه ومركزة عليه بتابع حركاته

لحد ما لقيته بص مرة واحدة تقريبا شاف حد لقيته بيجرى عليه وكانه وجد ضالته واختفى حاولت اعرف مين ده اللى جرى عليه بشكل هيستيرى وقعد عمل حركات كدة بشكل لا ارادى

المهم اختفى وسط الزحام

شويتين وجه ولد اكبر بشوية بجد كان منظره صعب جداااااااااا كان بيتجول بيبع مناديل بس بجد لو بصيت ليه جسمك كله يقشعر

انا عايزة اعرف فين دور الدولة لمثل هؤلاء

بجد الاطفال دول لو الدولة مرعاتهمش فى البداية بجد ممكن لا قدر الله تحصل مصيبه من التشرد والتسول اللى بيكونوا فيه الاطفال دول

ربنا يحمى اولاد بلادنا واطفالها وكل شعبها يا رب

اللهم آمين

بس لازم نتحرك

لاززززززززززززززززززززززززززززززم

الرحيل

2007-11-30T11:28:00.000-08:00

كنت جالسه هذا الصباح اقرأ فى رواية الرحيل"عبد المعنم الصاوى"

لا اخفى عليكم تركت بداخلى احساس وشعور لا استطيع الفكاك منه وخصوصا بعد ان تعلقت بهذة الرواية الرائعة لعبد المنعم الصاوى فى جزء الضحية

يااااااااه كم ابكتنى من داخلى تأثرت جدا لحالة الظلم الواقع على بعض شخصياتها ابو عوف.......تفيدة.....ابو المكارم...وجلال.... وغيرهم وغيرهم

تساءلت بداخلى ياااااه كم عانى شعبنا اهوال ومظالم وجوع وسخرة كم عانينا نحن الشعوب

اتساءل الو كنا فى مثل هذا العصر ولو افترضنا اننا رجعنا للوراء لاكثر من سعبين عاما

ترى ماذا سيكون مصير حياتنا

هل كنا نملك من الجرأة الخوض فى الجهاد والدفاع عن الحرية والاستقلال

فكرت كثيرا وتوصلت الى نتيجة لا مفر منها

اننا فى نعمه نعم نعمه نحمد الله عليها نحن الان نعيش فى امن نعيش فى هدوء لا عواصف او دبابات ولا غارات ولا قتال

فكرت اننا الان نستمتع بما قد جاهدوا اجدادنا للحصول عليه ودفعوا حياتهم ودماءهم من اجلنا

نعم من اجلنا نحن فمن حقهم علينا ان نذكرهم فى سرنا وان ندعو لهم

اواصل قراءتى فى الرحيل لم انتهى منها وعلى الرغم انى اسارع الزمن لانتهى منها لاعرف نهايتها الا انها تعيينى من داخلى

فا استريح من وقت لاخر واتركها بعيد عنى قليلا واغمض جفنى قليلا للراحة وللهدوء

وفى وسط هذا التفكير والهدوء اسمع صراخا يشق السماء

قمت مفزوعة ما هذا

انه جارنا يبدوا انه اعياه مرض السكر وهو فى غيبوبة تامة

ارتجفت من داخلى بكيت بشده

اعيانى صوت بناته وزوجته يسالوه الا يرحل عنهم

ما هذا؟ الرحيل ايضا اليس بكافى انى اعانى الرحيل فى الرواية وفى الواقع ايضا!!!!! يا لها من مصادفة غريبة

دعيت فى سرى انه يشفيه وان يطول به العمر ليستمر بين بناته وزوجته الذين ليس لهم الا سواه من بعد الله سبحانه وتعالى

تذكرت صديقتى وجارتى نعم كنا اصحاب ومازلنا كنا نلعب ونلهو وكان بيننا عيش وملح وتجمعنا ذكريات لا يمكننا الفرار منها

تألمت لحالها ولموقفها الصعب الذى الم بها وهزنى صراخها ونحيبها

يا الله كن رؤوفا بعبيدك الضعفاء

الحمد لله الله سلم وبعد ان اودعوه المستشفى بمساعدة الجيران

رجع سالما بعد عدد من الساعات

...................

ما اقصى الرحيل والفراق

اللهم كن رؤوف ورحيم بنا يا رب

ادعوكم ان تقرأوا سلسلة الساقية لعبد المنعم الصاوى

بمقدار ما فيها من معاناه وتعب لكن فيها فائدة

ناس من شبرا

2007-11-27T10:33:00.000-08:00

سلامو عليكم

النهارده كان يوم عجيب مش عارفة حاسه ان الدنيا متكربسه وورايا حاجات كتير المفروض انى اخلصها وانتهى منها

وورق مفروض اروح اطلعه عشان يكون معايا وحاجات كدة كتيرررررة

زائد ان معرفش فيه شويه مشاكل فى الشغل الجو مبقاش زى الاول معرفش ايه اللى جرى ولا ايه اللى حصل

كمان فيه حاجات كتير شاغله دماغ الواحد يمكن بحاول اخرج نفسى منها يا اما اتقابل مع اصحابى ونفرفش شوية ولا

نتكلم ونفضفض ولا حتى اروح الساقية

المرة اللى فاتت كنت لوحدى بعد ما خلصت درس الكروشيه رحت قعدت على النيل شوية لوحدى وقعدت اسمع مزيكا

وسرحت اه والله سرحت فى حاجات كتير مفتقداها فيه حاجات الواحد ميوكنش ليه دخل فيها بس اهو لازم يتكيف

وياها ومعاها

لازم كدة والا لو مرضناش بالامر الواقع هنتعب جدااااااا

ما علينا

من شوية كنت بشتغل فى المفرش بتاع الكروشيه

فا لقيت بابا فاتح قناه وبيتفرج على فيلم تسجيلى انا سامعاه من جوا

وده حى خلوصى وهنا يسكن استاذ فلان شدنى الكلام قلت لأ ده بيتكلموا على شبرا لازم يتشاف يعنى يتكلموا علينا واحنا نطنش متجيش برضو

المهم

فيلم عجينىوشدنى جدا بيتكلموا على فعلا شخصيات واقعية ومن الواقع

بس بصراحة جالى اكتئاب

بسئل نفسى هوا المفروض نهرب من واقعنا ولا نواجه ونتكيف مع الامر الواقع والروتين اللى بنكون فيه ولا ايه بالظبط

فيه سلبيات كتير فى حياتنا وفيه حاجات فى حياتنا اتغيرت

دلوقت فعلا الناس كل همها بتجرى على لقمة العيش او الشغل

مبقتش الناس تسئل على بعضها زى الاول عارفين ليه عشان الدنيا تلاهى زى ما بيقولوا وهنروح بعيد ليه انا نفسى

ساعات بكون كدة

بس بيكون غصب عنى

بس بضايق بقى جدا لما اكون مقدرة ناس اذا مسالوش ولما تيجى عليا اوقات مش بسئل مثلا او اكون مقصره يقولوا

الله ليه بقى ويكونوا مضايقين طب ما انا برضو بنآدمه

وبضايق وبيجى عليا فترات اكتئاب

ومشاكل ومشاغل فى الحياه

مثلا ابادر انا واسأل على ناس واقول معلش مش فارقة مش احنا واحد بس الظاهر الناس بتفتكر ان ده طبيعى

والمفروض انى كل مرة انا اللى اسأل واتصل بس بصراحة بتيجى عليا اوقات بمل من الدور ده انى دايما لازم انا اللى

اسال واعمل واسوى طب ليه طب ما اهو اكيد ساعات بتواجه ظروف يحب حتى يلمس من اللى قدامه انه بيقدر

مشاعره وظروفه وانه بيسئل او يسأله او لما يعرف انه فيه ظروف عنده مرض احد الوالدين يهتم بس عموما بقول

معلش مهو الدنيا تلاهى ومحدش عارف ظروف الناس ايه

المهم

الفيلم بيتكلم عن الواقع اللى عايشنه

استاذ كمال السعيد

شاعر هاوى وكان وكيل وزارة سابقا على المعاش حاليا

من سكان شبرا من قديم الازل

شبه مش بيخرج من بيته عشان حاسس ان شبرا مبقتش زى زمان وانهحاسس بغربه يدوب ممكن يروح يقعد على

القهوة شوية ساعة ما يروح يقبض المعاش بتاعه

ميس هاله

ناظرة مدرسة خاصة بتقول زمان كنت بقول انى لازم اشتغل عشان اثبت ذاتى دلوقت الشغل بقى اساسى ومهم للمساهمة

فى البيت والا اقتصاد البيت هيتأثر بقت الناس بتجرى على لقمة عيشها كل يوم بنعمل نفس الروتين طبعا كفاح

بس كل اللى الواحد يتمناه انه يشوف ولاده حاجة كويسة وناجحين فى حياتهم

محمد سمير شاب متخرج من حقوق كل يوم يقضى وقته فى سيبر للجلوس على النت عشان يكلم البنت اللى بيبها اللى اوشكت على الانتهاء عشان الظروف اللى بنعيشها بيحول يدور على شغل اول ما اتخرج راح اشتغل فى المحاماه كان راسم اهداف واحلام لنفسه كلها راحت فشنك ودلوقت بيدور على شغل وعمال يبعت سيفهات لشركات ومحدش بيعبره

بيحاول يضيع وقته مع اصحابه فى ضحك ولا فرفشة جاتله مكالمه تليفون من البينت اللى بيحبها

رد عليها بيقولها يعنى باباكى عايز اكون فى مكانته اللى بداها هوا من 25 سنه طب تيجى ازاى الجمله دية بجد اثرت فيا اوى وعموما بياثر فيا عشان فعلا فيه شباب كتير مش لاقى نفسه كل حلمه يتمنى فى وظيفة كويسه وبنت يحبها وتحبه ويبدأو حياتهم سوا بس للاسف ناس كتير ضايعين فى الموضوع ده لا لايقين ده ولا ده ولو لقوا البنت شوية وبيروح كل شئ لحاله لأن طبعا اهلها عايزين طلبات هوا مش هيكون قادر عليها ومعرفش ليه ليه دايما الاهل بينسوا ايام ما هما بدأوا دلوقت مفيش لا شفقة ولا رحمه طب ليه

فيه كمان جمله تانية هزتنى اوى ان دلوقت حياتنا بقت اللى بيتحكم فيها هيا الماده

ياااااااااااااااااه

هيا الكلمة فعلا صح

بس بجد اثرت جوايا اوى وتركت فى نفسى شعور سئ خلتنى زهقانه اكتر ما كنت زهقانه ومضايقة

طبعا كان فيه شخصيات تانية كتير بس مش عايزة اكئبكم بقى لأنكو اكيد اكتئبتوا زيى

هوا الواقع شئ اساسى فى حياتنا بس ليه احنا بنهرب منه او مش عايزين نواجهه

احنا عارفين ان كل ده حاصل فى مجتمعنا وفيه ازمات كتير بنواجها وممكن يكونوا فى اهلنا او اقاربنا ناس بتعانى منها

طب ليه بقى بنضايق يا ترى ده عادى ولا الواحد بيزودها مش عارفه

انا حتى بقالى اكتر من سنه مش بقرا جرايد عارفين ليه عشان ما احبطش

مع ان ساعات بلوم نفسى اقول طب مهو ممكن الواحد يقرا حاجة تفيد ناس تانية يساعدهم فا الواحد ميكونش مقاطع كدة فا ساعات اتجول سريعا او اشوف صفحة وظائف خاليه عشان ابقى اقول لاصحابى اللى لسه الحظ محالفهمش للوظيفة الميمونه

عموما ربنا يكرمنا يا رب كلنا

انا احلامى بسيطة جدا

نفسى ابقى مستقرة فى حياتى واشوف اصحابى اللى بحبهم جدا وهما اخواتى وبعتبيرهم عيلتى يكونوا مستقرين وكل واحد ربنا يحقق ليهم اللى بيتمنوه مش كتير على ربنا

ونبقى برضو بعض ما نتجوز كلنا ان شاء الله نكون برضو ويا بعض ونسال على بعض انشاله كل فترة مهو هتبقى فيه مشاغل ومسئوليات فى الحياة لكل واحد وكل واحدة بقى مسئولة عن جوزها وخلافه اللى هما يعنى القرود الصغيرين

هاهههههههههههههههه

يا رب يحقق لينا كل اللى نتمناه

طبعا مفيش حد عايش فى الحياة بدون مشاكل بس يا رب يلهمنا الصبر ويلهمنا الرضى والقناعة عشان القناعة والرضى كنز لا يفنى

وكمان ربنا ينجحنا فى حياتنا ويكون راضى عننا

وده اهم شئ

يا رب حقق امانينا يا رب

كن مع الله......تعاون اسلامى

2007-11-17T02:42:00.000-08:00

السلام عليكم ورحمه الله وبركاتو

فى الاونه الاخيرة انتشرت فكرة المدونات الجماعية للاشتراك وتبادل الاراء ومزيج من الافكار لتباينها وتداول افراد آخرين بها

فكرة جميله حقا مع ان احيانا قد يكون التعاون مع افراد غير موفق

لكن اسعدنى جداااااااا انى اشتركت مؤخرا فى مدونه اسلاميه مؤخرا مع اصدقائى فى الله

اسميتها كن مع الله

فا معظمنا ان لما يكون اغلبنا قد تشدنا الحياة بلهوها ويتغيراتها التى قد تكون فى بعض الاحيان سخيفة بعض الشئ المهم فلتكن لحظة فى حياتنا نحياها فى الله

نتمنى من الله ان يوفقنا الى ما فيه الخير والصلاح والفح ويتقبل عملنا باذن الله

واشكر مقترحة الفكرة اختى الحبيه ايمان صاحبة مدونه شلال العطر

ومنفذ الفكرة محمد صاحب مدونه دموع لا يراها احد

جزاهم الله عنا كل الخير ووفقنا الى صالح الاعمال باذن الله

اللهم لك الحمد كما ينبغى لعظيم وجهك وجلال سلطانك

واليكم عنوان المدونه فلتشرفونا بزيارتها وتبادلوا الحوار فيما يطرح

سأتكرككم معها

http://4theislam.blogspot.com/