Monday, September 10, 2007

الحياة......حواديت بنتفكرها :)

اولا كل سنه وكل المسلمين طيبين بمناسبة رمضان ويا رب يعود علينا الايام بالمين والخير والبركات

ثانيا طبعا فيه ناس بتسال ايه الغيبة دية اللى حصلت وكدة

هحكي كل حاجة وبالتفصيل كمان

اول موقف بالترتيب كدة

كانوا بنات خالى الصغيرين امنيه والاء اللى هما اخواتى الصغيرين ومرات خالى وكدة فى مصيف فى اسكندرية واتفقنا انا واخواتى اننا هنروح نزورهم فى يوم وكدة

وسافرنا مكنتش مصدقة انى بجد هشوفهم كان بقالى سنه وشوية مشفتهمش وامنيه والاء دول بالاخص مش مجرد اقارب وبس لأ دول حاجة اكبر من كدة بكتير بعتبرهم اخواتى الصغيرين وهما كمان بيعتبرونى اختهم الكبيرة وبعتبرهم اولادى اللى بخاف عليهم وبحبهم

امنيه رايحة اولى اعدادى

والاء رايحة 6 ابتدائى

يعنى شهادة

المهم

صحيت الصبح عادى بس بعذاب شوية عشان كنت قبلها فى فرح ابن خال بابا وراجعين منه الصبح يعنى يدوب نمت كام ساعة واخواتى كمان نامين متاخر على الرغم مكنوش معانا فى الفرح كنت انا وبابا وماما وبس

المهم صحيت شويتين امنيه بتتصل بتسالنى ها احنا فين وكدة على اساس احنا قولنلهم هنسافر من هنا على 6 طبعا الكلام ده الله يريحمه فى ظل النوم اللذيذ اللى نايمنه وصحاين يدوب على 6 ونص بالضالين

المهم

بدون رغى كتير

الحمد لله وصلنا بعون الله للاسكندرية وبجد بجد انا بعشق المدينه دية ببحرها وجوها وكلو

المهم

لقيت امنيه والاء نايمين انا قلت هلاقيهم صاحين ومستنين زى كل مرة

المهم دلخت صحتهم عشان هما واحشنى اوووووى

الاء صحيت بس زى ما تكون بتحلم انها شايفانى

هاهههههههههههه

بس ادركت على طول واخدها فى حضنى وحضنتها اوى

وامنيه بقى نايمة فى سابع نومه

طنط قالتى وخالتهم وكدة

الاء نامت بدرى عشان تصحى الصبح فايقة وتستناكى

وامنيه فضلت سهرانه للصبح مستنياكى ولما لقتكو هتتاخروا قالت تنام شوية عقبال ما تيجو عشان مستنياكى

بجد كنت فرحانه اووووووووى

عشان محدش يعرف العلاقة اللى بينى وبينهم ايه

اقوى من اى حاجة

كمان انا شلتهم على ايديا وعلى الرغم انهم بعيد عنى هما فى اسيوط وانا هنا فى القاهرة

بس بجد كنت اللى اسبوع اللى بقضيه وياهم او العشر ايام بجد

بيكون احلى ايام

لعب وجرى وفسح كل يوم

بحس وياهم بامومتى

وبحاجات كتير

ربنا يخليهم ليا يا رب

المهم قعدنا طبعا هرينا بعض وتهريج وهزار ونتكلم شوية ونرغى

هما لمضين كمان اووووووى

شويتين نزلنا الشاطئ

وصمموا انى لازم انزل وياهم الميه وكمان ايه انا مش عامله حسابى على كدة

بس اعمل ايه نزلت طبعا

وهدومى غرقت من اولها لاخرها

قعدنا لبليل ما احنا اصلا نازلين متاخر على 6 تقريبا

المهم قعدنا شوية وهما قالو يلا عايزين نروح

روحنا وانا بصراحة خلاص هنام على روحى بس قلت مش وقت نوم بقى

انا بدلت لبسى واخدت دش ويدوب اتعشنا وخلعت مقدرتش واخدهم معايا طبعا جوم يناموا جنبى نمنا كلنا سوا واحدة على يمينى وواحدة على شمالى وانا فى النص

محستش بحاجة الصراحة

صحيت على بليل لقيت كل البيت هس بص خالص

وكمان حصلى قلق صحيت فى النص على اتصال تليفون فرحت منه اوى واحدة كنت اعرفها فى دورة تدريبية واتصاحبنا على بعض بس بقالنا فترة مفيش اتصال رنات كدة بس لقتها بتتصل بيا وبتسال عليا وكدة بس الكلام ده امتى الساعة 12 بليل

:)

المهم

صحيت انا وهما بعد نص الليل كدة

مش فاكرة عملنا ايه قعدنا نحكى شوية وهما ميتوصوش الصراحة

ونمنا تانى برضو

هاههههههههههههه

صحينا تانى يوم

قعدنا ويا بعض وقعدنا نلعب شوية ونضحك بس بجد كل مرة يوم السفر ده اللى ببعد عنهم قلبى بيوجعنى اوى وبكون موجعوة اوى

هما بيقولوى خليكى معانا شوية طب مفرقتش على يوم

انا لو عليا عايزاهم يكون جنبى على طول انا ساعات وانا بمشى بتخايل

بيهم كنت اتمنى لو هما هنا معايا كنت اوديهم واجيبهم من المدرسة كنت اخرجهم ونروح هنا وهنا ونعلم بلاوى سوا

بس عموما محدش عارف الخير فين

المهم قضينا اليوم التانى وياهم مع ان المخطط مكنش اننا نبات خالص بس ما علينا

بيتنا وفرفشنا ولعبنا
كنا مضينها فى البيت وكمان كنت انا مربوطة بالهدوم اللى مستنياها تنشف دية
المهم خلاص اتغدنيا وخلاص جئيت باللحظة الحاسمة
وخلاص مشين
بجد كنت بحضنهم اوووووووووى وطنط عمالى تحضنى اوى لدرجة اخويا بيضحك وعمال يقول متخفوش هتشوفوا بعض تانى
بس يا عالم امتى بقى
الظروف متعفرتة مش عارفة آخد اجازة واسافر حتى عشان اشوف جدتى اللى واحشانى اوى
حتى اجازتى خلصت وكمان الايام اللى جاية ممنوع الاجازات
يعنى وعليكم بخير السنه اللى جاية
يااااااااااه
لسه تانى
وافضل اقعد شوية واسرح فى ذكرياتنا سوا والجوابات والصور وووووو
انا مشيت بجد وانا كنت ببكى وماسكة دموعى قدامهم بالعافية
بس لما ركبت العربية
اخويا بيكلمنى ويضحك معايا وانا فى دنيا تانية سايق جنيى
وانا دموعى نازلة
بس بدارى
موقف صعب
وصعب عليا اوووووى الفراق بجد صعب بكل معنى الكلمة
لما يكونوا اللى بيتحبهم بعيد عنك صعب عليك
المهم كفاية كدة بقى عشان اللى جاى سخن على الاخر
يلا اقولكم سلام مؤقت




6 comments:

Desert cat said...

اجازة سعيدة يا جميل
وهى الدنيا كدا
لقاء وفراق
انا اختى الكبيرة وولادها فى السعودية وبقالى سنة وكام شهر مشوفتهمش لما بينزلوا اجازات بحس نفس احساسك مع ولاد خالك
عندا اسراء 1 اعدادى ونوره 5 ابتدائى وتوأم شقى جدا ابراهيم وصلاح .. وعلى طول فسح وخروجات وفضايح .. اقولك فضايح ليه اصلنا مش بنخرج الا لما التوأم دول يضربوا اى حد وهما بيلعبوا
وفى الاخر اعمل لهم زى مرات الاب واكشر عن انيابى واسحبهم ونرجع
ان شاء الله تتقابلى مع قرايبك على خير

3abdo me7tas said...

الأول يا ستى بنقول وانتى طيبه يا رب ويعود علينا رمضان كده بالخير آمين يا رب

تانى حاجه
انا بقول ربنا يخليلك أمنية وآلاء
ويرزقك بالذورية الصالحة يا رب
والزوج الصالح يا رب

الفراق ده شئ مكتوب علينا واقدر اقولك ان لازم الفراق عشان نحس بحبنا للشخص اللى بنفارقه او يفارقنا
طبها انتى مش فاهمه حاجه ولا انا
بس اللى اقدر اوصله ليكي
ان كل شئ خير باذن الله
وربنا يخليهوملك يا رب
وكل سنه وانتى طيبة
ورمضان كريم
اما قطة الصحراء دى سيبك منها
ولا أقولك بلاش
سبيهم مع التوأم ابراهيم وحسام قصدى ابراهيم وصلاح
:D

رحيق الحب said...

قطة الصحراء:
اولا منورة البلوك واهلا بزريارتك وكل سنة وانتى بالف خير وصحة وسلامة وربنا يخليلك ولاد اختك يا رب ويجمعكوا بكل خير بس ضحكتينى اوى على موضوع التوأم دول باين عليهم متشردية
هاههههههههههههه
بتفكرينى برضو بامنيهوالاء لما بنخرج بجد بنكون مسخرة واحنا ماشين مصااااااااااايب
يار ب يجمعنا كلنا بكل اللى بنحبهم

رحيق الحب said...

عبدو محتاس:
اللهم آمين ر بنا يكرمنا كلنا يا رب
وفعلا كلامك صح الفراق عشان نحس بمعزتهم ونحس باشتياق ليهم على طول وبرضو ليه فايدة انه بيزيد غلاوة الحب اكتر واكتر والله كل ده فاهماه وموافقة ومقدرة كلامك بس زى ما تقول برضو النفس بقى بتكون امنيتها او انها تتمنى حاجة بس عموما كله خير ان شاء الله محدش عارف الخير فين
شكرا على ردك وحاضر انا هسيب قطة الصحراء مع التوأم
عشان اكيد هما واحشنها
:)

Desert cat said...

هما متشردين وبس
بقولك بنعمل فضايح يا اختى
وبيضربوا العيال
والطريف بقا انك تلاقى حد جاى يقولك سكتى ولادك يا مدام
تلاقينى قلبت على زينات صدقى
مزمازيل من فضلك
وبعدين هما فين الولاد دل ولا اعرفهم
ده انا جايه مع نفسى استجم

رحيق الحب said...

هاههههههههههههههههههه والله ضحكتينى بجد انتى بجد عسسسسسسسسسل
بس انا لو منك هنبسط لو حد قالى حوشى ولادك بجد احساس جميل
بس جامدة موضوع جاية مع نفسى استجم كدة برضو يا زينات مكنش العشم تبعيى العيال كدة فى اول محطة.هاهههههههههههه
;D