عيد خروف سعيد :)))))))))))))

صباح الفل والياسمين وصباح اللحمه

:))))

عيد سعيد عليكم وعلينا وعلى المسلمين اجمعين يا رب

يا رب يجعل ايامنا كلها سعادة وهنا

على فكرة العيد ده بجد انا فرحانه اوووووووى غير العيد بتاع المرة اللى فاتت

عشان خطيبى راجع اجازة هعيد معايا وبعدين يرجع تانى

يا رب يسعدنا كلنا يا رب ويجمعنا كلنا على عرفات احنا وكل اللى نحبهم فى ربنا

بس مش هوصيكم بقى على اللحمه براحة عليها كدة وواحدة واحدة كله هيتاكل بس بالدور

هاهههههههههههههههههههههههههههههههههه

انا قلت انزل البوست يوم العيد بالظبط بالتمام والكمال

يلا مش هوصيكم بقى على الخروف

;))))))

من قلب المجتمع

لم اكن اعلم ان طفولتى ستكون بائسة بهذا الشكل

وجدت نفسى شريدا وسط الزحام

اسير على بعد خطوات من امى لعلنى اتوصل لشئ اتوصل لحقيقتى

انظر الى ملابسى الرثه وانظر الى من هم فى مثل اعمارى اخجل لحالى انزوى بعيد عن اعين الناس والبشر

اتطلع فى فضول الى ما وراء السور

ما كل هذا السور الذى لا اعرف بدايته من نهايته

احاول ان اصبو اقف على اى شئ يجعلنى ارى اكثر مما ارى من ما بين الحديد

سئمت من كل هذا ما كنت افرح به بدأت احزن له

نعم

زحام ....زحام ما كل هذا ومل كل هذة الاعداد الغفيرة اللى تسير

ومن هؤلاء السائرين انهم يشبهونى الى حد ما فى نفس حالى

يا الله

لا من الافضل لى ان انزل واعود كما كنت تطلعت الى بعييييييييد

رأيت من احبه وانتظرة

جريت ورائه كالمخبول

افعل حركات وكأننى مجذوب

اصرخ فى وسط الزحام اقول كلام لا يفهمه احد فأنا صغير لااستطيع الكلام مثلما يفعل الكبار

وعدت من جديد اختلط وسط الزحام

........................

من قلب طفل معذب بائس

انا كتبت الكلام ده كتعبير عن حاله طفل محروم من حاجات كتيرة وفيه زيه كتير

اللى خلانى اكتب ده كمان منظر طفل شوفته فى ميدان التحرير

بجد منظر يخلى الواحد يرثى له

وخصوصا ان الطفل كمان عمره لا يتعدى عامان مثلا او اكثر بقليل

كان منظرة وهوا بيشب على حجر مكسور على الارض عشان يبص ومن فوق السور بجد منظر شدنى اوى وخصوصا انه بيحاول على اد صغر سنه

فضلت باصه ليه ومركزة عليه بتابع حركاته

لحد ما لقيته بص مرة واحدة تقريبا شاف حد لقيته بيجرى عليه وكانه وجد ضالته واختفى حاولت اعرف مين ده اللى جرى عليه بشكل هيستيرى وقعد عمل حركات كدة بشكل لا ارادى

المهم اختفى وسط الزحام

شويتين وجه ولد اكبر بشوية بجد كان منظره صعب جداااااااااا كان بيتجول بيبع مناديل بس بجد لو بصيت ليه جسمك كله يقشعر

انا عايزة اعرف فين دور الدولة لمثل هؤلاء

بجد الاطفال دول لو الدولة مرعاتهمش فى البداية بجد ممكن لا قدر الله تحصل مصيبه من التشرد والتسول اللى بيكونوا فيه الاطفال دول

ربنا يحمى اولاد بلادنا واطفالها وكل شعبها يا رب

اللهم آمين

بس لازم نتحرك

لاززززززززززززززززززززززززززززززم

الرحيل

كنت جالسه هذا الصباح اقرأ فى رواية الرحيل"عبد المعنم الصاوى"

لا اخفى عليكم تركت بداخلى احساس وشعور لا استطيع الفكاك منه وخصوصا بعد ان تعلقت بهذة الرواية الرائعة لعبد المنعم الصاوى فى جزء الضحية

يااااااااه كم ابكتنى من داخلى تأثرت جدا لحالة الظلم الواقع على بعض شخصياتها ابو عوف.......تفيدة.....ابو المكارم...وجلال.... وغيرهم وغيرهم

تساءلت بداخلى ياااااه كم عانى شعبنا اهوال ومظالم وجوع وسخرة كم عانينا نحن الشعوب

اتساءل الو كنا فى مثل هذا العصر ولو افترضنا اننا رجعنا للوراء لاكثر من سعبين عاما

ترى ماذا سيكون مصير حياتنا

هل كنا نملك من الجرأة الخوض فى الجهاد والدفاع عن الحرية والاستقلال

فكرت كثيرا وتوصلت الى نتيجة لا مفر منها

اننا فى نعمه نعم نعمه نحمد الله عليها نحن الان نعيش فى امن نعيش فى هدوء لا عواصف او دبابات ولا غارات ولا قتال

فكرت اننا الان نستمتع بما قد جاهدوا اجدادنا للحصول عليه ودفعوا حياتهم ودماءهم من اجلنا

نعم من اجلنا نحن فمن حقهم علينا ان نذكرهم فى سرنا وان ندعو لهم

اواصل قراءتى فى الرحيل لم انتهى منها وعلى الرغم انى اسارع الزمن لانتهى منها لاعرف نهايتها الا انها تعيينى من داخلى

فا استريح من وقت لاخر واتركها بعيد عنى قليلا واغمض جفنى قليلا للراحة وللهدوء

وفى وسط هذا التفكير والهدوء اسمع صراخا يشق السماء

قمت مفزوعة ما هذا

انه جارنا يبدوا انه اعياه مرض السكر وهو فى غيبوبة تامة

ارتجفت من داخلى بكيت بشده

اعيانى صوت بناته وزوجته يسالوه الا يرحل عنهم

ما هذا؟ الرحيل ايضا اليس بكافى انى اعانى الرحيل فى الرواية وفى الواقع ايضا!!!!! يا لها من مصادفة غريبة

دعيت فى سرى انه يشفيه وان يطول به العمر ليستمر بين بناته وزوجته الذين ليس لهم الا سواه من بعد الله سبحانه وتعالى

تذكرت صديقتى وجارتى نعم كنا اصحاب ومازلنا كنا نلعب ونلهو وكان بيننا عيش وملح وتجمعنا ذكريات لا يمكننا الفرار منها

تألمت لحالها ولموقفها الصعب الذى الم بها وهزنى صراخها ونحيبها

يا الله كن رؤوفا بعبيدك الضعفاء

الحمد لله الله سلم وبعد ان اودعوه المستشفى بمساعدة الجيران

رجع سالما بعد عدد من الساعات

...................

ما اقصى الرحيل والفراق

اللهم كن رؤوف ورحيم بنا يا رب

ادعوكم ان تقرأوا سلسلة الساقية لعبد المنعم الصاوى

بمقدار ما فيها من معاناه وتعب لكن فيها فائدة

ناس من شبرا

سلامو عليكم

النهارده كان يوم عجيب مش عارفة حاسه ان الدنيا متكربسه وورايا حاجات كتير المفروض انى اخلصها وانتهى منها

وورق مفروض اروح اطلعه عشان يكون معايا وحاجات كدة كتيرررررة

زائد ان معرفش فيه شويه مشاكل فى الشغل الجو مبقاش زى الاول معرفش ايه اللى جرى ولا ايه اللى حصل

كمان فيه حاجات كتير شاغله دماغ الواحد يمكن بحاول اخرج نفسى منها يا اما اتقابل مع اصحابى ونفرفش شوية ولا

نتكلم ونفضفض ولا حتى اروح الساقية

المرة اللى فاتت كنت لوحدى بعد ما خلصت درس الكروشيه رحت قعدت على النيل شوية لوحدى وقعدت اسمع مزيكا

وسرحت اه والله سرحت فى حاجات كتير مفتقداها فيه حاجات الواحد ميوكنش ليه دخل فيها بس اهو لازم يتكيف

وياها ومعاها

لازم كدة والا لو مرضناش بالامر الواقع هنتعب جدااااااا

ما علينا

من شوية كنت بشتغل فى المفرش بتاع الكروشيه

فا لقيت بابا فاتح قناه وبيتفرج على فيلم تسجيلى انا سامعاه من جوا

وده حى خلوصى وهنا يسكن استاذ فلان شدنى الكلام قلت لأ ده بيتكلموا على شبرا لازم يتشاف يعنى يتكلموا علينا واحنا نطنش متجيش برضو

:)

المهم

فيلم عجينىوشدنى جدا بيتكلموا على فعلا شخصيات واقعية ومن الواقع

بس بصراحة جالى اكتئاب

بسئل نفسى هوا المفروض نهرب من واقعنا ولا نواجه ونتكيف مع الامر الواقع والروتين اللى بنكون فيه ولا ايه بالظبط

فيه سلبيات كتير فى حياتنا وفيه حاجات فى حياتنا اتغيرت

دلوقت فعلا الناس كل همها بتجرى على لقمة العيش او الشغل

مبقتش الناس تسئل على بعضها زى الاول عارفين ليه عشان الدنيا تلاهى زى ما بيقولوا وهنروح بعيد ليه انا نفسى

ساعات بكون كدة

بس بيكون غصب عنى

بس بضايق بقى جدا لما اكون مقدرة ناس اذا مسالوش ولما تيجى عليا اوقات مش بسئل مثلا او اكون مقصره يقولوا

الله ليه بقى ويكونوا مضايقين طب ما انا برضو بنآدمه

وبضايق وبيجى عليا فترات اكتئاب

ومشاكل ومشاغل فى الحياه

مثلا ابادر انا واسأل على ناس واقول معلش مش فارقة مش احنا واحد بس الظاهر الناس بتفتكر ان ده طبيعى

والمفروض انى كل مرة انا اللى اسأل واتصل بس بصراحة بتيجى عليا اوقات بمل من الدور ده انى دايما لازم انا اللى

اسال واعمل واسوى طب ليه طب ما اهو اكيد ساعات بتواجه ظروف يحب حتى يلمس من اللى قدامه انه بيقدر

مشاعره وظروفه وانه بيسئل او يسأله او لما يعرف انه فيه ظروف عنده مرض احد الوالدين يهتم بس عموما بقول

معلش مهو الدنيا تلاهى ومحدش عارف ظروف الناس ايه

المهم

الفيلم بيتكلم عن الواقع اللى عايشنه

استاذ كمال السعيد

شاعر هاوى وكان وكيل وزارة سابقا على المعاش حاليا

من سكان شبرا من قديم الازل

شبه مش بيخرج من بيته عشان حاسس ان شبرا مبقتش زى زمان وانهحاسس بغربه يدوب ممكن يروح يقعد على

القهوة شوية ساعة ما يروح يقبض المعاش بتاعه

ميس هاله

ناظرة مدرسة خاصة بتقول زمان كنت بقول انى لازم اشتغل عشان اثبت ذاتى دلوقت الشغل بقى اساسى ومهم للمساهمة

فى البيت والا اقتصاد البيت هيتأثر بقت الناس بتجرى على لقمة عيشها كل يوم بنعمل نفس الروتين طبعا كفاح

بس كل اللى الواحد يتمناه انه يشوف ولاده حاجة كويسة وناجحين فى حياتهم

محمد سمير شاب متخرج من حقوق كل يوم يقضى وقته فى سيبر للجلوس على النت عشان يكلم البنت اللى بيبها اللى اوشكت على الانتهاء عشان الظروف اللى بنعيشها بيحول يدور على شغل اول ما اتخرج راح اشتغل فى المحاماه كان راسم اهداف واحلام لنفسه كلها راحت فشنك ودلوقت بيدور على شغل وعمال يبعت سيفهات لشركات ومحدش بيعبره

بيحاول يضيع وقته مع اصحابه فى ضحك ولا فرفشة جاتله مكالمه تليفون من البينت اللى بيحبها

رد عليها بيقولها يعنى باباكى عايز اكون فى مكانته اللى بداها هوا من 25 سنه طب تيجى ازاى الجمله دية بجد اثرت فيا اوى وعموما بياثر فيا عشان فعلا فيه شباب كتير مش لاقى نفسه كل حلمه يتمنى فى وظيفة كويسه وبنت يحبها وتحبه ويبدأو حياتهم سوا بس للاسف ناس كتير ضايعين فى الموضوع ده لا لايقين ده ولا ده ولو لقوا البنت شوية وبيروح كل شئ لحاله لأن طبعا اهلها عايزين طلبات هوا مش هيكون قادر عليها ومعرفش ليه ليه دايما الاهل بينسوا ايام ما هما بدأوا دلوقت مفيش لا شفقة ولا رحمه طب ليه

فيه كمان جمله تانية هزتنى اوى ان دلوقت حياتنا بقت اللى بيتحكم فيها هيا الماده

ياااااااااااااااااه

هيا الكلمة فعلا صح

بس بجد اثرت جوايا اوى وتركت فى نفسى شعور سئ خلتنى زهقانه اكتر ما كنت زهقانه ومضايقة

طبعا كان فيه شخصيات تانية كتير بس مش عايزة اكئبكم بقى لأنكو اكيد اكتئبتوا زيى

هوا الواقع شئ اساسى فى حياتنا بس ليه احنا بنهرب منه او مش عايزين نواجهه

احنا عارفين ان كل ده حاصل فى مجتمعنا وفيه ازمات كتير بنواجها وممكن يكونوا فى اهلنا او اقاربنا ناس بتعانى منها

طب ليه بقى بنضايق يا ترى ده عادى ولا الواحد بيزودها مش عارفه

انا حتى بقالى اكتر من سنه مش بقرا جرايد عارفين ليه عشان ما احبطش

مع ان ساعات بلوم نفسى اقول طب مهو ممكن الواحد يقرا حاجة تفيد ناس تانية يساعدهم فا الواحد ميكونش مقاطع كدة فا ساعات اتجول سريعا او اشوف صفحة وظائف خاليه عشان ابقى اقول لاصحابى اللى لسه الحظ محالفهمش للوظيفة الميمونه

عموما ربنا يكرمنا يا رب كلنا

انا احلامى بسيطة جدا

نفسى ابقى مستقرة فى حياتى واشوف اصحابى اللى بحبهم جدا وهما اخواتى وبعتبيرهم عيلتى يكونوا مستقرين وكل واحد ربنا يحقق ليهم اللى بيتمنوه مش كتير على ربنا

ونبقى برضو بعض ما نتجوز كلنا ان شاء الله نكون برضو ويا بعض ونسال على بعض انشاله كل فترة مهو هتبقى فيه مشاغل ومسئوليات فى الحياة لكل واحد وكل واحدة بقى مسئولة عن جوزها وخلافه اللى هما يعنى القرود الصغيرين

هاهههههههههههههههه

يا رب يحقق لينا كل اللى نتمناه

طبعا مفيش حد عايش فى الحياة بدون مشاكل بس يا رب يلهمنا الصبر ويلهمنا الرضى والقناعة عشان القناعة والرضى كنز لا يفنى

وكمان ربنا ينجحنا فى حياتنا ويكون راضى عننا

وده اهم شئ

يا رب حقق امانينا يا رب

كن مع الله......تعاون اسلامى

السلام عليكم ورحمه الله وبركاتو

فى الاونه الاخيرة انتشرت فكرة المدونات الجماعية للاشتراك وتبادل الاراء ومزيج من الافكار لتباينها وتداول افراد آخرين بها

فكرة جميله حقا مع ان احيانا قد يكون التعاون مع افراد غير موفق

لكن اسعدنى جداااااااا انى اشتركت مؤخرا فى مدونه اسلاميه مؤخرا مع اصدقائى فى الله

اسميتها كن مع الله

فا معظمنا ان لما يكون اغلبنا قد تشدنا الحياة بلهوها ويتغيراتها التى قد تكون فى بعض الاحيان سخيفة بعض الشئ المهم فلتكن لحظة فى حياتنا نحياها فى الله

نتمنى من الله ان يوفقنا الى ما فيه الخير والصلاح والفح ويتقبل عملنا باذن الله

واشكر مقترحة الفكرة اختى الحبيه ايمان صاحبة مدونه شلال العطر

ومنفذ الفكرة محمد صاحب مدونه دموع لا يراها احد

جزاهم الله عنا كل الخير ووفقنا الى صالح الاعمال باذن الله

اللهم لك الحمد كما ينبغى لعظيم وجهك وجلال سلطانك

واليكم عنوان المدونه فلتشرفونا بزيارتها وتبادلوا الحوار فيما يطرح

سأتكرككم معها

http://4theislam.blogspot.com/

ساقية عبد المنعم الصاوى

مساء الخير عليكم انا عارفة انى واخدة غرامة تأخير وكمان مدفعتش اللى عليا

هاههههههههههههههه معلش بقى هنعمل ايه يا حضرات بس الظروف معلش

وحشتنى اوى الكتابة والفضفضة هنا كان بقالى فترة عايزة اكتبلكو حاجات كتير حاجات بتصادف قدامى ومواقف وحاجات غريبة بس عادى اهو الواحد بيتعلم فى الحياة زائد ان الواحد الفترة اللى فاتت كان بيمر بحالة قلق وقرف وزهق وملل وكل حاجة يعنى باختصار احباط بس اهو الحمد لله بحاول ابعد بعيد عن الموال ده آخد نفسى بعيد مش عايزة ده يأثر عليا

المهم كنت من كام يوم انا واخويا فى ساقية الصاوى اتفقنا نروح نحضر مسرحية حسب البرنامج اللى معانا المطبوع كنت قبل كدة قمت بزيارة للساقية انا ومنى ( اختى وصحبتى فى الشغل ) المهم اتفقنا اننا اول الشهر نروح نشترك فيها ونبقى ننظم نفسنا هنحضر ايه وكدة بالنسبة ليا مكنتش اول مرة اروح فيها الساقية بالعكس روحتها قبل كدة كتير بصراحة انا بجد مهووسة بيها ملتقى ثقافى وعلمى فوق الوصف بجد قيمة الساقية دية بجد حاجة كدة تشدك اووووووووووووووووووووى وكمان مكان تحس فيه بالراحة والامان كفاية بس القاعة اللى على النيل والممر اللى وراها بجد حاجة تحوفة زمان كانت اى حد بيدخل حفلة او زائر للساقية يقدر يقعد فيها وبتأمل النيل والمنظر نفسه الساحر اللى هناك لكن دلوقت طورها بقت اسن وبقت مقتصرة على الاعضاء فقط كنوع من تشجيع الاعضاء وخصوصا ان اشتراكها رخيص (20 ج فى السنه) عارفة اللى هيقرا ده هيقول ايه ده دية شكلها بتعمل دعاية

هاههههههههههههههههههههه

ابدا والله بس نفسى كل الناس تعرف قيمة المكان ده بجد

المهم نرجع للحوار بتاعنا كنا المفروض رايحين نحضر مسرحية بس للاسف الراجل قالنا لأ دية ميعادها مكتوب غلط المهم قلنا طب هنرجع يعنى البيت بخفى حنين ولا ايه وبعدين انا كنت زهقانة وبقالى كتير اوى مخرجتش مع اخويا عشان شغلة وسفره وكدة المهم قلنا طب نشوف فيه حفلات ايه النهارده كان فيه حفلة روك ناس كتير اوى شغالين شرا تذاكر عليها وحفة موسيقى عربية لفرقة اسمها فرقة" خان" طب ها هندخل ايه اخويا قالى لو عليا انا عايز حفلة الروك بس انتى هتبقى قاعدة مش فاهمة حاجة وهتنامى هاههههههههههههههههههههههههههههههههههههههههه تعالى من قصرها ندخل الموسيقى العربية وحجزنا ودخلنا لقينا ايه بقى القاعة ما شاء الله عليها اللهم لا حسد اغبلها فاضية اللهم الا اغلب الناس الى قاعدة اهل المشتركين فى الفرقة والكراسى اغلبها فاضية

المهم بدأت الحفلة على الرغم ان منظر الكراسى وهيا فاضية منظر يجيب احباط بس ومع ذلك الفرقة بدأت حفلتها على اكمل وجهه بجد وكان فيه ناس بدأت تدخل بعد بدأ الحفل بشوية يعنى بس مش كتير برضو بس بجد بجد فرقة فوق الوصف انا بحى الساقية عشان بتحب تساعد المواهب الشابة دية بجد وبتبيح للناس دية وللشباب انهم يعرضوا موهبتهم ومش بس للمصريين لأ وللعرب كمان كان فيه ضمن الفرقة مغنيه مغربية صوتها حلو اوى غنت لاسمهان وام كلثوم بجد صوتها رائع والمضحك ان كان فيه راجل كبير قاعد اعجب اوى بصوتها بقى عمال يقول ايوة يا نورا الله عليكى وقعد يغنيلها بصوت عالى نورا يا نورا يا نورا متفهمش الراجل حصله ايه عادى بقى

المهم وتوالت العروض بجد كنت حاسة انك بتعود لزمن الفن الجميل بالاصوات الحلوة اللى بجد موهوبة كنت بقول بينى وبين نفسى الله طب ما فى ناس صوتها حلو اوى اهو اومال اللى هرينا اغانى ومسخرة وهما اصلا كبيرهم يغنوا سورى فى حمام ويكون مقفول عليهم بالضبة والمفتاح وكل حاجة مباح ليهم ايشى شرايط وسى دى وحاجة تخلى الواحد ميغبش عن زيارة دكتور الودان عشان ينضف ودانا من اللى بنسمعه فى الشرايط والبلاوى الزرقه دية

المهم بجد كنت فرحانه اوى وكنت بسقف بحماس اوى وكنت معجبة جدا بحماس وتأدية الفرقة بروح عالية اوى بجد كانت حاجة تفرح لدرجة ان كل فقرة كنت بسجلها فيديو وقلت انزلهالكو هنا عشان تستمعتوا معايا بس للاسف بقى اخويا سافر النهارده ولضيق الوقت نسيت انسخها من عنده على السى دي معلش بقى سامحونى بس تتعوض مرة تانية باذن الله

وكمان اللى عجبنى اوى ان الساقية احياء للذوق الرفيع واعادته للناس بتعمل زى زمان احياء لحفلة ام كلثوم اول خميس من كل شهر واقامته بمسرح عرائس بجد حاجة تحووووووووووووووووووووفة بجد

زائد ان الساقية بتعمل العديد من الفنون والهوايات وانشطة كتيرة حلوة اوى يا ريت احنا الشباب ننمى زوقنا بحاجة زى كدة انا بحس ان بجد الساقية دية عبارة عن ملتقى ثقافى ترفيهى فنى للطبقة المتوسطة فيما فوق عارفين ليه

لأن حفلاتها اغلبها رخيصة وندواتها اغلبها دعوات عامة يعنى اى حد يدخلها

يعنى بجد اللى كان عجبنى فى الحفلة كمان ان كان فيه واحد وخطيبتة داخلين يحضروا حفلة الموسيقى بجد حاجة جميلة ان يكون فيه شباب بيحطوا فى برنامجهم او من ضمن امتعاهم انهم مش مجرد يخرجوا هنا وهنا لأ دول متجهين لحاجة جميلة جدااااااااااا

بجد انا بشكر كل اللى بيرعوا مشروع الساقية وبيشرفوا عليه ابتداء من استاذ محمد الصاوى ابن عبد المنعم الصاوى الى كل الشركات والهئيات والعاملين فى الساقية ويشاركون فى تطويرها

وده موقع الساقيه للى يحب يزورها على النت

http://www.culturewheel.com/

انا هسيبكم وياها بقى ;)

عــيــد ســــــــــــعيد

عيد سعيد عليكم وعلينا وعلى كل المسلمين اجمعين ان شاء الله ويا رب يعود علينا الايام بكل خير يا رب

لحظة جنان وحب ومرح حاجة على كيف كيفك:)

يااااااااااااااا سلام والواحد ساعة الصبحية كدة وهوا بيكتب لولا الواحد كان صايم كان عمل فنجان كدة على المزاج اى حاجة هاههههههههههههههههههههههههههههههه

عايزة اقولكم امبارح كان يوم بجد تحوووووووووووووووووفة تحووووووووووووووفة بكل المقاييس

امبارح اتفقت انا وايمان حبيبتى صاحبة مدونة( شلال العطر) اننا ايه نتفق نخرج فى يوم نفطر بره

طب وماله نفطر منفطرش ليه يعنى المهم اتفقنا نروح فين نروح فين رسينا فى الاخر على اركيديا اهوا منها يكون جنبنا ومنه فيه كذا مطعم لو منفعتش نادية ناخد سوسو عادى يعنى

هاههههههههههههههههههه

المهم بجد انا كنت بقالى فترة مش بالبسيطة حاسة انى مش بخرج ولا بشوف اصحابى هما اصحابى اللى معايا فى الشغل وبس المهم بما ان بقى الواحد هيوفجر ويخرج ومش اى خروجة دية خروجة مع ايمان ودية ليها معانى كبيرة جداااااااا لأن ايمان شخصية جميلة ونادرة فى الزمن الحلو اوى ده اللى احنا عايشينة زائد انى بحس وايمان بتتكلم بنوع من الشاعرية مع مزيج من الخيال مع تالق فى الحديث يعنى بجد مذيعة مية على عشرة

محدش يقولى ازاى هوا كدة وخلاص

المهم ايه خرجت واتفقنا نتقابل على اربعة ونص نزلت بدرى شوية عشان هتمشى للمحطة اللى هنركب منها مش عارفة ليه كنت حاسة ان اول بقالى كتير ممشتش فى الشارع او بمعنى اصح فى منطقتى وكمان حاسة ان كنت بشوف الناس بمعنى تانى يعنى هوا شعور حلو وخلاص

كنت عايزة اليوم ده نعمل حاجة غريبة ونعيش الحياة بقى وكدة

اينعم فضلت ملطوعة شوية على المحطة عشان ايمى اتاخرت بس مش مشكلة كنت واقفة بتفرج وبجد بقيت بلاحظ ظاهرة غريبة وخايفة لحسن تنشر

اب باين عليه محترم وبدقن كدة وشكله يليق عليه شيخ المهم واضح انه كان مستنى بنته وكدة المهم بنته جت بس للاسف هيا محجبة وبقول لللاسف عشان كانت لابسة حاجة ميصحش تلبسها والا بقى يبقى الحجاب ملوش لازمة بجد كان منظر مش حلو ومنظر مش حلو اكتر للراجل الشيخ ده

المهم الحمد لله تم بحمد الله وامره وصول الاميرة ايمان الى موقعنا طبعا كان شكلها مخضوض شوية عشان التاخير بس كان شكلها زى العسل وهيا مطقمة بجد كانت تحوفة

طبعا ايمان كالعادة فضلت تعتذر ومضايقة عشانى بس خلاص فكيينا من الحوار ده ركبنا وانطلقنا ونزلنا عند المكان المقصود

طلعنا وروحنا المطعم اللى ايمان اقترحته وبجد مكان تحوفة وعجبنى جدا قعدته طبعا احنا وصلنا قبل المغرب بمفيش حاجة بسيطة

انا كنت جايبة معايا مية احتياطى المهم الناس بصراحة بتوع المطعم لحقوان كتر خيرهم بالتمر هندى ( قال يعنى هما اللى هيدفعوا الحساب.....يلا الحمد لله بقى هاهههههههههههههههههههه

المهم شربنا ومستنين بقى الاكل

قلنا معلش ننتظر شوية

كان فيه ترابيزة جنبا كان تقريبا جايين من بدرى عشان كدة الاكل نزل اصلا قبل الفطار المهم

ببص عادى على الناحية اللى جنبا الاقى واحد قاعد وترابيزة معمرة بالطعام ونازل ايه حتتك بتتك على الاكل عايزة اقوله براحة محدش بيجرى وراك وبعدين ده مفيش دم خالص يعنى مفيش مثلا زوق يدينا اى حاجة من اللى قدامه لاخواته اللى هوا احنا نحط حاجة فى معدتنا بدل ما احنا قاعدين جعانين

وكمان تقريبا الاخ ده كان عايز يضمن نصيبه عشان بقيه الفرقة اللى معاه كانوا جم هوا بقى ايه كان فى السليم خلص وحبس بسجارة وحاجاة تمام التمام

ما علينا

المهم برضو قعدنا ايه نتكلم شوية انا وايمى وقلنا نصور فيديو بما ان طبق السلطة والبطاطس وصل اهوا نتسلى فى حاجة وكمان لازم نسجل اللحظة الحلوة دية عشان بحب احتفظ بالحاجات دية اوى عشان دية بعد كدة لما بنتفكرها بتكون زكريات جميلة اوى وكمان بيكون فه شاهد عليها سواء صور او فيديو يعنى

المهم شويتين برضو دخل واحد شكله يخض من دقنه شوية وماسك بنت فى ايده باينها مراته ولا ايه حاجة كدة ودلخو المطعم بجد برضو زى المنظر السابق شاب بدقن دقنه ايه ما شاء الله عليه

والبنت اللى وياه بجد كانت برضو لابسه حاجة غريبة... جيب وفاتحة آد كدة

ده زائد ان الفريق اللى كانوا جنبا البنت خلصت من هنا وقالت ايه تعفر بقى بسيجارة برضو حرام البنيه تعبت وكدة من الصيام شوية رجعوا كلهم فى القعدة اللى ورا وهات يا ضحك واصوات غريبة كدة حتى الناس بتوع المطعم كاناو باصين اوى

بقيت اقول هوا فيه ايه هوا ايه اللى بيحصل ولا ايه اللى جرى بقينا بتوع مظاهر وبس ولا ايه

المهم اكلنا وايمان شربت القهوة عشان بجد كان اكل حافل جدا وحلينا وقعدنا نرغى طبعا كتير ونتكلم

بس بجد كانت قعدة جميلة اوى

قلنا نروح بقى عشان منتأخرش

وقفنا شوية يا جماعة مفيش قلنا طب ننط فى اى حاجة تمشى بينا سكة الكورنيش وبعدين ننزل نتمشى شوية وخلاص

ركبنا بس بصراحة قلبنا وقع فى رجلينا

انا حسيت اننا راكبين مش عربية لأ دية كانت نفاثة بس مصلحة برضو عشان نوصل على طول اينعم كنا خايفين شوية وماسكين ايدين بعض بقى وشوية شوية هنتشاهد بس عادى يعنى

هاهههههههههههههههه

كله بيروح مع الغسيل

المهم تم بحمد الله وصولنا بس يعنى كدة خلاص يعنى لأ عديت مع ايمى الناحية تانية بعد معاناه ورفض وتقطيع هاههههه عشان مكنتش عايزة عشان هيا عايزة تطمن انى وصلت وكدة بس انا صممت فضلنا نتكلم شوية وفجأة رحت بصتلها جامد هيا اتخضت قالى فيه ايه قولتلها تيجى نشرب عصير قصب

هاهههههههههههههههههه

طبعا كان فرح انها وافقت وشربنا انا شربت سريعا جدا عشان الوقت جرى بسرعة وكمان اتاخرنا ايمان بقى شربت على مهل الراجل قالى انتى باين عليكى شايله اللوز لكن هيا لسه مع ان والله لسه مشلتهاش

هاهههههههههههههههههههههههههه

بس بجد كان يوم فطار جميل اوى اوى اوى

ربنا يكرم يا رب كل اللى بحبهم فى ربنا ويخليهم ليا يا رب ويبارك فى ايامنا كلنا وعمرنا ان شاء الله

صدعتكو كتير انا عارفة بس حسيت انى لازم احكى عن لحظة حلوة احيانا مش بتكرر الا كل حين ومين

:)

وعــــــــيـد سعـــــــــــــيد

مع الكحك والبيتى فور واللى منه

التاج........هتمرر التاج لمين؟؟

بعتذر عن التاخير معلش

بس عموما كل سنة وانتو طيبين وعيد سعيد عليكو وعلينا وعلى المسلمين اجمعين يا رب

جانى تاج جميل من صديقة واخت عزيزة عليا اوى صاحبة مدونة" يلا نحلم" وعموما انا بشكرها على اعطائى التاج لأن ده شرف كبير وكمان بدعيلها ان ربنا يوفقها فى مشوارها ويكرمها فى حياتها ان شاء الله يا رب...........

لو قالولك اختارعصر من عصور مصر عشان تعيش فيه تختار اى عصر وفى عهد اى حاكم واشمعنى؟

لو خيرونى بصراحة هختار اعيش فى الزمن والعصر القديم مش عارفة بحبه اوى من الحكايات والقصص اوالرويات اللى كانت بتذكر الفترة دية وكمان زمان كان فيه الفة بين الناس وحب اكتر من دلوقت زائد ان كان فيه معانى وقيم مش موجودة دلوقت للاسف وبالتحديد فى عهد حكم الرئيس عبد الناصر بالغرم على اعتراضى فى بعض الحاجات لكن بصراحة انا حبيت فيه حاجات كتير وكمان بحس من نظره عنيه وشخصيته قوة وهيبة بجد عمرى ما شفتها فى حد وكمان عمرى ما شفت رئيس دولة الناس كانت بتحبه بالدرجة اللى شفتها فى عيون الناس دية وكمان من كلامهم عنه كل صعيدى بالاخص فى مصر لما بيتكلم على عبد الناصر بحس انه بيتكلم عن ابوه او حد قريب منه اوى

اول اولوية فى حياتك عيلتك ولا شغلك ولا اصحابك؟

اول حاجة عيلتى طبعا وبعدين اصحابى وبعدين شغلى عشان عيلتى دول حياتى كلها واصحابى اللى هما اخواتى فى الله وشغلى اللى هوا عملى وسلاحى

ايه اكتر حاجة بتحبها فى رمضان؟

اكتر حاجة بحبها ان روحانيات رمضان اللى بتكون موجوده جوا الشهر الكريم ده ده اولا ثانيا العطاء اللى بعض الناس بتكون فيه زى الشباب اللى بيكونوا واقفين فى الشوارع عشان يفطروا اللى ملحقش الفطار فى بيته وهكذا وكمان وقوف الناس مع بعضها اللى معاه حاجة يدى للى مش معاه بجد حاجة بتكون حلوة اوى بس للاسف سرعان ما تزول

اوصف ليا اجمل فطار ممكن تفطره؟

والله مقدرش احدد حاجة محددة عشان اى فطار بيجمعنى مع الناس اللى بحبهم سواء اهلى او اصحابى بيكون فى نظرى انا اجما فطار بفطره وخصوصا لما بيكون مع الناس اللى بحبهم فى ربنا

لو انت حاكم على مجموعة من الافراد حتكون عادل؟ طب حتعمل ايه عشان تتأكد انك حاكم عادل؟

مممممممممممممممم

الموضوع ده مش بالساهل كدة حكاية انى اكون حاكم على مجموعة فى وجهة نظرى مسئولية مش هينه بس عموما لو اتحطيت فيها هحاول طبعا انى اكون عادلة بينهم وكمان ادعى ربنا دايما انه يساعدنى على ده هتاكد ازاى بقى

ممممممممم

والله مش عارفة بالظبط بس عموما احاول اجتهد وادور وأسال اذا كنت فعلا حكمت بالعدل ولا غير كدة

لأنى بشر وممكن اخطأ وممكن أظلم من غير ما اقصد

اللى بيبوظ الحكام ..نفسهم ولا الشعب ولا الحاشية المقربة؟؟

1-الحاشية المقربة لأن اغلبهم بيكون منافقين وكدابين وكمان احيانا بيفسدوا السلطة لغرض ما فى نفسهم ولشخصهم زى مثلا الملك فاروق كان بنسبة كبيرة فى افساده الحاشية المقربة ليه

2- نفسهم لأن لو عند الشخص ارادة وتحكم فى ذاته مكنش قدر يخلى العوامل الخارجية دية زى الحاشية المقربين ليه او غيره انهم يسيطروا عليهم ويخوه فاسد

3- الشعب برضو بيساهم بنسبة كبيرة فى تمادى الحاكم فى بوظانه وفساده لسبب بسيط لأن بيخضع وبيسكت وبيقول خلينا جنب الحيط وده بيخلى الدنيا تبوظ اكتر واكتر ومش بنفوق الا على كارثة او بقى فجور الحاكم نفسه وبرضو عندى مثال على كدة بس مش عايزة اقوله

:)

مين اكتر اعلامى مصرى بتحترمه؟؟

والله فيه كتير من الاعلامين المصريين محترمين

زى عمرو الليثى وحمدى قنديل ومفيد فوزى وفاورق شوشة وعمر بطيشة وآمال فهمى وغيرهم وغيرهم

قريت ديوان عمر مصطفى صاحب بلوج تجربة" اسباب وجيهة للفرح" عن دار ملامح ولا لسه؟؟

بصراحة لأ:(

لو ممكن تشتغل شغلانة تانية غير اللى انت بتشتغلها او كنت بتشتغلها كنت تتمنى تبقى ايه؟؟

ممممممممممم

كنت اتمنى اشتغل فى مجال الأدب مع انه بعيد عن مجالى الوظيفى حاليا بس كنت اتمنى انى اكون فيه بس عادى يعنى كله خير وكله كويس

;D

ايه تانى بلد تتمنى تعيش فيها بعد مصر؟؟

مصربرضو

اوصف ليا ترتيبات اجمل فرح ممكن تحضره؟؟

اجمل فرح بجد بحبه اوى واتمنى انى انفذ الفكرة دية يكون فى جنينه مفتوحة ويكون الصبح وتكون الدنيا من حوالينا خضرة ومليانه ورد وتكون الترابيزات قدامنا مفروشة كلها بابيض وتكون طبعا معمرة بالطعام عشان المعازيم ميضربوناش :) وكمان تبقى فيه مزيكا هادية محيطة بالمكان وعلى فكرة بقى فيه ناس بتنفذه دلوقت فى مصر بس احنا اللى بنحب الحاجات المعتادة

بتراعى كلام الناس والقيل والقال؟ لو اه او لو لا قولى ليه؟

بصراحة احيانا اه براعيه وساعات تانية مش بيهمنى عشان بكون واثقة من نفسى دية حاجة وكمان لو قعدت بقى اعمل حساب كل كلمة ليهم مش هخلص مدام الحاجة دية مفهاش اى عيب او شبهه او اى حاجة يبقى خلاص

صحيت من النوم مالقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنة حتبقى سعيد؟

طب يا ريت حتى الواحد يرتاح شوية من الرن كل شوية وحتى كمان الكمبيوتر قرب يبوظ عنينا من الاشعاعات بتاعته دية

هاهههههههههههههه

السعادة هى؟؟

هى ان تجد من يحبك بصدق وان تكون محبوبا من كل من هم حولك

وان تكون راضى ومطئمن البال دائما

عندك امل ؟ اسبابك ؟

لازم يكون عندى أمل حتى لو كل حاجة من حواليا بتقول لأ عشان اعرف اعيش والا بقى هموت من الغم والاكتئاب

لما تحب تهرب من كل شىء بتروح فين؟؟

بصراحة المكان اللى بروح ليه على طول لما اكون مضايقة اوى او اى سبب ايا كان هوا النيل وبالاخص فوق كوبرى مش عارفة اسمه ايه بس مش قصر النيل عشان عارفة ان اغلب الناس بتفتكره هوا لكن لأ بس بجد بحب منظر النيل من عليه اوى اوى وكمان منظر الناس اللى بتكون ساكناه تحت بجد بنسى اى حاجة بتكون مضايقة منها وكمان بحس ان العملية معايا بتهون شوية بشوية وبرتاح اوى

امتى اول مرة اخدت فيها نفس طويل كده وقلت بينك وبين نفسك ياااااه انا فعلا كبرت؟؟

لما بكون موضوعة فى حيز المسئولية ومطلوب منى الحاجة دية او اللى قدامى رامى عليا امل وحمل ومنتظر منى نتيجة معينه فا بحس ساعتها انى كبرت

لما بتعمل عمل خيرى بيكون ايه هو دافعك الاول؟؟

اولا ابتغاء وجه الله

ثانيا:العطاء طبعا لسبب بسيط ان كل واحد جواه طاقة وزى ما احنا بنحتاج لناس معينه فيه غيرنا محتاجين لينا ومحتاجين لعطائنا

بتشرب سجاير؟لو الاجابة اه ايه شعورك لو شفت ست بتشرب سجاير وليه؟

اهو ده اللى ناقص كمان هاههههههههههههههههه لأ طبعا والحمد لله ان ربنا حامينا من ده ووبصراحة لما بشوف ست بتشرب مش عارفة ليه بتقل من نظرى اوى

بتعرف ايدك اليمين من الشمال ازاى؟

ايديا اليمين اللى بعمل بيها اغلب الحاجات بساعد بيها بدى بيها باكل بيها وده اللى اتربيت عليه عشان كدة بعرف افرق واعرف اليمين من الشمال

ايه اكتر اله موسيقية بتحبها؟

البيانو

فى رأيك ليه الذوق والنخوة اتعدموا؟

عشان المعايير والثقافة الخاصة بشعبنا والناس اتغيرت خلاص فا عشان كدة اترتب عليها تغير الزوق والنخوة وكل حاجة بقى

ايه الحاجة اللى لو حصلتلك تبقى سعيد قوى؟

ان ربنا يوفقنى فى حياتى ومستقبلى وكمان ربنا يجمعنى بالشخص اللى بتمناه وبحبه واكون خير الزوجة الصالحة ليه وهوا كمان يكون خير الزوج الصالح لى

تختار يبقى عندك ارض زراعية ولا اجنص عربيات ولا كام عمارة ولا فلوس فى البنك؟

ارض زراعية وفلوس بالمعقول دول لوحدهم كفيلة انهم يخلوا الواحد مستور وكمان عايش كويس ويحقق اى حاجة هوا عايزها

البحر ولا النيل؟؟؟

النيل

مركب ولا طيارة؟

مركب

عاقل ولا مجنون؟

والله ساعات بكون كدة وساعات بعيش احلى لحظات الجنون بعنيها عادى يعنى لازم الواحد يعيش حياته برضو

تقرا كتاب ولا تتفرج على فيلم؟

والله الاغلبية اقرا كتاب بس مفيش مشكلة لو كنوع من التنويع انى اتفرج على فيلم لقتل الروتين بس

بتمرر التاج لمين؟؟!!!!

شلال العطر...عبدو محتاس.....قطة الصحراء.....جهينه......سحابة........وردايا.........خواطر فتاه(ايمان الطاهر)

حياة الاحلام........سوكا

وكل سنة وانتو طيبين وعيد سعيد يا رب

:)

مغلق مؤقتا.............انا لله وانا اليه راجعون

انا بعتذر عن عدم انزال بوست جديد معلش ظروف خارجة عن اردتى وذلك

لوفاه زوج خالتى العزيز

ادعو له بالرحمه والمغفرة وان يدخله الله فى فسيح جناته يا رب

رمضـــــــــــــــان كريـــــــــــــم

بسم الله الرحمن الرحيم

شهر رمضان الذي انزل فيه القران هدى للناس وبينات من الهدى والفرقان فمن شهد منكم الشهر فليصمه ومن كان مريضا او على سفر فعده "من ايام اخر يريد الله بكم اليسر ولا يريد بكم العسر ولتكملوا العده ولتكبروا الله على ما هداكم ولعلكم تشكرون
النهارده اول يوم فى ايام رمضان ربنا يعود علينا الايام بكل خير علينا وعلى المسلمين أجمعين

سبحان الله

زى ما تكون الايام بتجرى بسرعة

زى الايام دية السنه اللى فاتت ياااااااااااااه

بجد كان رمضان جميل جدااااااا كان احلى رمضان مر عليا

زى الايام دية كنا بنشارك وكنا مجموعة فى جمعية كلنا متجمعين فى حب الله وحب الخير

كنا عاملين مائدة رحمن

كنا مقسمين نفسنا كل واحد يوم او يومين حسب عشان الاشراف على الافطار للصائمين

بجد كانت ايام جميله

كنت انا وناس تانية متجمعين مع بعضنا كنا نصلى سويا

سبحان الله الايام بتعدى بسرعة

بس السنه دية زى ما يكون حاسة بيه باحساس غريب

انا بتصل بالناس عشان اقولهم كل سنه وهما طيبين كانى بعيد عليهم

كأن رمضان فى اول ايامه عيد وكل يوم فيه عيد

بس ده مش كأن ده كدة فعلا

سبحانه

ان شاء الله يكون رمضان احلى واحلى ويكون احلى فى كل مرة عن اللى قبلها

وان شاء الرحمن نواصل

وبجد نفسى اتغير فى رمضان ده للافضل

يـــــــــــــــــارب ساعــــــــــــــــــــــدنى

ادعولى بقى

وربنا يتقبل منا ان شاء الله صالح اعمالنا يا رب

الحياة......حواديت بنتفكرها :)

اولا كل سنه وكل المسلمين طيبين بمناسبة رمضان ويا رب يعود علينا الايام بالمين والخير والبركات

ثانيا طبعا فيه ناس بتسال ايه الغيبة دية اللى حصلت وكدة

هحكي كل حاجة وبالتفصيل كمان

اول موقف بالترتيب كدة

كانوا بنات خالى الصغيرين امنيه والاء اللى هما اخواتى الصغيرين ومرات خالى وكدة فى مصيف فى اسكندرية واتفقنا انا واخواتى اننا هنروح نزورهم فى يوم وكدة

وسافرنا مكنتش مصدقة انى بجد هشوفهم كان بقالى سنه وشوية مشفتهمش وامنيه والاء دول بالاخص مش مجرد اقارب وبس لأ دول حاجة اكبر من كدة بكتير بعتبرهم اخواتى الصغيرين وهما كمان بيعتبرونى اختهم الكبيرة وبعتبرهم اولادى اللى بخاف عليهم وبحبهم

امنيه رايحة اولى اعدادى

والاء رايحة 6 ابتدائى

يعنى شهادة

المهم

صحيت الصبح عادى بس بعذاب شوية عشان كنت قبلها فى فرح ابن خال بابا وراجعين منه الصبح يعنى يدوب نمت كام ساعة واخواتى كمان نامين متاخر على الرغم مكنوش معانا فى الفرح كنت انا وبابا وماما وبس

المهم صحيت شويتين امنيه بتتصل بتسالنى ها احنا فين وكدة على اساس احنا قولنلهم هنسافر من هنا على 6 طبعا الكلام ده الله يريحمه فى ظل النوم اللذيذ اللى نايمنه وصحاين يدوب على 6 ونص بالضالين

المهم

بدون رغى كتير

الحمد لله وصلنا بعون الله للاسكندرية وبجد بجد انا بعشق المدينه دية ببحرها وجوها وكلو

المهم

لقيت امنيه والاء نايمين انا قلت هلاقيهم صاحين ومستنين زى كل مرة

المهم دلخت صحتهم عشان هما واحشنى اوووووى

الاء صحيت بس زى ما تكون بتحلم انها شايفانى

هاهههههههههههه

بس ادركت على طول واخدها فى حضنى وحضنتها اوى

وامنيه بقى نايمة فى سابع نومه

طنط قالتى وخالتهم وكدة

الاء نامت بدرى عشان تصحى الصبح فايقة وتستناكى

وامنيه فضلت سهرانه للصبح مستنياكى ولما لقتكو هتتاخروا قالت تنام شوية عقبال ما تيجو عشان مستنياكى

بجد كنت فرحانه اووووووووى

عشان محدش يعرف العلاقة اللى بينى وبينهم ايه

اقوى من اى حاجة

كمان انا شلتهم على ايديا وعلى الرغم انهم بعيد عنى هما فى اسيوط وانا هنا فى القاهرة

بس بجد كنت اللى اسبوع اللى بقضيه وياهم او العشر ايام بجد

بيكون احلى ايام

لعب وجرى وفسح كل يوم

بحس وياهم بامومتى

وبحاجات كتير

ربنا يخليهم ليا يا رب

المهم قعدنا طبعا هرينا بعض وتهريج وهزار ونتكلم شوية ونرغى

هما لمضين كمان اووووووى

شويتين نزلنا الشاطئ

وصمموا انى لازم انزل وياهم الميه وكمان ايه انا مش عامله حسابى على كدة

بس اعمل ايه نزلت طبعا

وهدومى غرقت من اولها لاخرها

قعدنا لبليل ما احنا اصلا نازلين متاخر على 6 تقريبا

المهم قعدنا شوية وهما قالو يلا عايزين نروح

روحنا وانا بصراحة خلاص هنام على روحى بس قلت مش وقت نوم بقى

انا بدلت لبسى واخدت دش ويدوب اتعشنا وخلعت مقدرتش واخدهم معايا طبعا جوم يناموا جنبى نمنا كلنا سوا واحدة على يمينى وواحدة على شمالى وانا فى النص

محستش بحاجة الصراحة

صحيت على بليل لقيت كل البيت هس بص خالص

وكمان حصلى قلق صحيت فى النص على اتصال تليفون فرحت منه اوى واحدة كنت اعرفها فى دورة تدريبية واتصاحبنا على بعض بس بقالنا فترة مفيش اتصال رنات كدة بس لقتها بتتصل بيا وبتسال عليا وكدة بس الكلام ده امتى الساعة 12 بليل

:)

المهم

صحيت انا وهما بعد نص الليل كدة

مش فاكرة عملنا ايه قعدنا نحكى شوية وهما ميتوصوش الصراحة

ونمنا تانى برضو

هاههههههههههههه

صحينا تانى يوم

قعدنا ويا بعض وقعدنا نلعب شوية ونضحك بس بجد كل مرة يوم السفر ده اللى ببعد عنهم قلبى بيوجعنى اوى وبكون موجعوة اوى

هما بيقولوى خليكى معانا شوية طب مفرقتش على يوم

انا لو عليا عايزاهم يكون جنبى على طول انا ساعات وانا بمشى بتخايل

بيهم كنت اتمنى لو هما هنا معايا كنت اوديهم واجيبهم من المدرسة كنت اخرجهم ونروح هنا وهنا ونعلم بلاوى سوا

بس عموما محدش عارف الخير فين

المهم قضينا اليوم التانى وياهم مع ان المخطط مكنش اننا نبات خالص بس ما علينا

بيتنا وفرفشنا ولعبنا

كنا مضينها فى البيت وكمان كنت انا مربوطة بالهدوم اللى مستنياها تنشف دية

المهم خلاص اتغدنيا وخلاص جئيت باللحظة الحاسمة

وخلاص مشين

بجد كنت بحضنهم اوووووووووى وطنط عمالى تحضنى اوى لدرجة اخويا بيضحك وعمال يقول متخفوش هتشوفوا بعض تانى

بس يا عالم امتى بقى

الظروف متعفرتة مش عارفة آخد اجازة واسافر حتى عشان اشوف جدتى اللى واحشانى اوى

حتى اجازتى خلصت وكمان الايام اللى جاية ممنوع الاجازات

يعنى وعليكم بخير السنه اللى جاية

يااااااااااه

لسه تانى

وافضل اقعد شوية واسرح فى ذكرياتنا سوا والجوابات والصور وووووو

انا مشيت بجد وانا كنت ببكى وماسكة دموعى قدامهم بالعافية

بس لما ركبت العربية

اخويا بيكلمنى ويضحك معايا وانا فى دنيا تانية سايق جنيى

وانا دموعى نازلة

بس بدارى

موقف صعب

وصعب عليا اوووووى الفراق بجد صعب بكل معنى الكلمة

لما يكونوا اللى بيتحبهم بعيد عنك صعب عليك

المهم كفاية كدة بقى عشان اللى جاى سخن على الاخر

يلا اقولكم سلام مؤقت

ليله زفافهم

عوده بعد الفاصل

هوا يمكن الفاصل طول شويتين تلاته بس معلش ظروف خارجة عن ارادتى بقالى فترة كبيرة عايزة اكتب حاجة بس مش عارفة جوايا حاجات عايزة اعبر عنها ومش قادرة مش عارفة ليه

مع ان الفترة الى فاتت واجهت مواقف كتير وكتير اثر فيا بس يمكن مكنتش مساعدة نفسى انى اكتب بس المهم ما علينا

عموما الفترة اللى فاتت هبقى اكتبلكو حصل فيها ايه بالتفصيل

بس دلوقت عايزة انزل حاجة كنت كاتباها من زمان من سنه تقريبا

الايام دية برضو بتزن عليا فكرة قصة تانية بس لسه مش متظبطة معايا شوية

اول ما هتظبط هنزلها طبعا هنا على طول

بس المهم القصة اللى عايزة انزلها حاليا

هيا بعنوان

ليله زفافهم

انا كنت منزلاها قبل كدة فى منتدايا الحبيب مجانين

الكلام ده كان السنه اللى فاتت

دلوقت عايزة احييها هنا على البلوج من تانى

ليله زفافهم

الليه ليست كأى ليلة فهى ليله زفافى الى حبيبى والبارحة كانت ليلة الحناء ويا لها من ليله...كانت ليلة اجتمع فيها الأهل والأصدقاء الذين هم أخوتى فى الله قمنا بما لم نقم به قبل ذلك من الأغانى والرقص وذكر انشايد دينية وآخر الليل انصرف الجميع مع الدعاء لنا بالتوفيق ودوام العشرة وأن يجمعنا الله فى خير وأن نكون لبعضنا البعض السكن والحب والمودة والرحمة.
ياآآآآآآآه والف آه كم انتظرنا هذة اللحظات بعد سنوات من الحب والأشتياق.... لم انم ليلتى بعد انصراف الاهل والاحباب وأخذنى التفكير ترى كيف ستكون ليلتى غدا......كيف سأبدو فيها .......هل ستكون ليله جميله.....كيف القى حبيبى داخل شقتنا لأول مرة وحدنا...الخ الخ.....اشياء كثيرة
المهم انى ظللت مستيقظة الى ان سمعت المؤذن ينادى لصلاة الفجر وكالعادة ايقظت حبيبى ليؤدى الصلاة عن طريق هاتفى الخاص او هو الذى ايقظنى او ايقظنا كلانا فى وقت واحد! ولا تسألونى كيف ذلك لأننا اجتمعنا على قلب رجل مؤمن واحد....
اتذكر يوم ان كان يداعبنى ويقول لى ساموت من اجلك فففزعت من ذلك وقلت له لا يا قلبى قلبى فداك فرد عليها فى لطف وهدوء لا يا حبيبتى بل قلبك فداء رسول الله عليه افضل الصلاوات واتم السلام.....يا آآآآآآآه يا ويلتى لقد اردت ان اثبت حبى لحبيبى ثم من من المسلمين روحه وقلبة ليست فداء للرسول الذى هو بابى وامى وبعد الرسول بالطبع افدى حبيبى الذى هو فلذة قلبى ونبضى الداخلى.....وقمت للصلاة قبل ان تسرقنى الذكريات ودعوت الله ان يبارك فى حبيبى ويحفظة من كل سوء وان يديم علينا حياتنا بالحب والخير والرحمة وانتهيت من صلاتى واذا بى اسمع نغمة حبيبى على هاتفى الخاص انه هو انه يريد ان يحدثنى فالرن قد طال لا اعرف لماذا جاءنى هاجس ان ربما حدث شئ.
ضغطت على الزر وقالت: سلامو عليكم أأنت بخير يا حبيبى
جاء صوتة يضحك عبر الهاتف كالعادة نعم يا حبيبتى .....انا بخير وماذا تريدين ان يكون حالى وانتى معى......هل صليتى الفجر؟
قالت: نعم يا حبيبى
قال: بارك الله فيكى وبارك لنا فى حياتنا المقبلة
قالت: وانت ايضا يا حبيبى
قال: ترى كيف كانت ليلتك امس
قالت: لم انم طوال الليل وخفت ان تفوتنى الصلاة فظللت مستيقظة حتى نصلى معا
قال: ستكون آخر مرة توقظينى وانتى بعيدة عنى......لأنكى ستكونين بجانبى داخل احضانى
ضحكت خجلا وقد احمر وجها ....
قال: نعم يا حبيبتى كم انتظرت وحلمت بذلك اليوم الذى آخذك داخل احضانىكى تسمعى دقات قلبى وهى تنطق باسمك
قالت: وانا ايضا يا حبيبى كم انتظرت أن آخذك بين احضانى وكأنك طفل جئت به من داخل احشائى
لحظة صمت عابرة على الطرفين ثم قال:احبك يا عمرى
قالت: احبك يا حبيبى الى آخر العمر
هيا يا حبيبتى لكى تنامى بالف خير وسعادة فاليوم شاق هيا يا قلبى تصبحين على خير
وانت من اهل الخير
لا اله الا الله
محمد رسول الله
واغلقوا الهواتف مع بعضها البعض واسندت راسها الى مخدتها فى سعادة ومرح لا توصف تتذكر سريعا ما قد مضى .........تذكرت يوم ان كانت تنتظر رنتة عندما يعود الى بيتة بعد عمل يوم شاق واذا غالبها النوم فلا تستطيع ان تنام ليلتها حتى تطمئن عليه وتظل تغفو وتستيقظ كل نصف ساعة وتنظر فى هاتفها لتطمئن هل حبيبها عاد ام لا وعندما تطمئن تنام هى فى سبات عميق......ويوم ان عادت متاخرة الى منزلها عن الميعاد الذى حدده هو ظل قلقا وقد ظل يطمئن عليها عبر الهاتف الى ان طمانتة انها عادت بسلام الى منزلها بالرغم انه كان متعب فى ذلك اليوم ويريد ان يستريح ومن ايت تاتى له الراحة وقلبه غير مطمئن........ويوم ان كان يحادثها على هاتفها الخاص يطمئن عليها وقبل ان يغلقا فى نفس الوقت قالا كلمة بحبك.......
يا آآآآه هناك الكثير والكثير لا يكفى لذكره فى لحظات بل تحتاج الى شهور وسنين كى نحكية لكل من يقول ان الحب سراب.
استكانت نفسها بعض الشئ والتعب يسيطر عليها فنظرت الى السماء وقالت ( ايتها السماء اشهدى على حبى وبحق ربك احفظى لى حبيبى ) وجاءها صوت الكروان يغرد ويقول الملك لك لك.......حقا فنحن جمعيا مللك للذى خلقنا....
واستيقظت فى الصباح وذهبت ترتب فى هدوء ماذا ستفعل واستيقظ هو وظل يطمئن على ملابسة وترتيب اموره ثم أخذ دش هادئ يهدئ من توتره وجاء ميعاد الفرح وتسلمها من والدها وقبلها فى جبينها وقال لها فى صوت كالهمس بحبك
وقضوا ليلة حافلة فالأهل والأصدقاء والاخوات.......الكل يباركون قصتهم وفرحين اشد الفرحة لجمعهم فى بيت واحد.وانتهى الحفل سريعا وركبا السيارة واتجهو الى عشهم الجميل والسيارات من خلفهم تصدى صفيرا لتزفهم الى بيتهم
ووصلوا الى مقرهم وودعوا الأهل والأحباب وصعدوا درجات السلم فى تأن لكنها لم تدم فقد حملها بين ذراعية وصعد بها مسرعا ودخلوا عشهم الهادئ وانزلها برفق ونظر اليها طويلا وقال لها بارك الله فيكى
قالت: وانت ايضا بارك الله لى فيك
قال: احبك يا قلبى
لكن لم تنطق هى فقد اخذها بين احضانة وقبلها وارتدا ملابسهم واستعدوا للصلاة فسيصلى بها العشاء فى جماعة ثم بعد ذلك سيصلوا ركعتين لله لتسود السكينة والاطمئنان فى النفس........
وقفوا وقفة مهيبة للصلاة بنفس راضية وقلب محب وقرأ ف الركعة الاولى"احل لكم ليله الصيام الرفث الى نسائكم هن لباس لكم وانتم لباس لهن علم الله أنكم كنتم تختانون انفسكم فتاب عليكم وعفا عنكم فالان باشروهن وابتغوا ما كتب الله لكم وكلوا واشربوا حتى يتبين لكم الخيط الأبيض من الخيط الأسود من الفجر ثم أتموا الصيام الى الليل ولا تباشروهن وأنتم عاكفون فى المساجد تلك حدود الله فلا تقربوها كذلك يبين الله آيتيه للناس لعلهم يتقون" صدق الله العظيم
ثم فى الركعة الثانية" والذين أمنو وعملو الصالحات سندخلهم جنات تجرى من تحتها الانهار خالدين فيها ابدا وعدالله حقا ومن اصدق من الله قيلا . ليس بامانيكم ولا امانى اهل الكتاب من يعمل سوءا يجز به ولا يجد له من دون الله وليا ولا نصيرا ومن يعمل من الصالحات من ذكر او انثى وهو مؤمن فاولئك يدخلون الجنة ولا يظلمون نقيرا" صدق الله العظيم
وانتهو من صلاتهم وجئ باللحظة اللى سيأوا فيها الى الفراش واتجه اليها واخذها بين احضانة لكى تستكين وساعدها الى الجلوس فى الفراش والاستعداد للنوم وجاء بجانبها وهمس فى اذنيها لقد انتظرت تلك الليه طويلا
قالت له فى حب وارتباك وانا ايضا يا حبيبى.......
واخذها برفق بين ذراعية واحتضنها بقوة والدموع تزرف من عيونهم زرفا وناما ليلتهم فى سعادة وقبل ان يخلد للنوم وهى بينن احضانة قالت له كما تعودنا فى محادثتنا سأقول شيئا ثم نخلد فى النوم ونطقا فى نفس اللحظة .........بــــــــحــــــــــبك يــــــــــا عــــــــــمـــــرى

اشتقت الى الذهاب اليكى

اشتقت الى الجلوس بين اركانك والمكوث بين محبينك

اشتقت الى تردد ذكر رسول الله وذكر اسم الله بين جدرانك

اشتقت الى كل شئ حتى الاناس الذين اعتدنا عليهم منذ زمن

ياااااااااالله

كانت ايام

كنت صغيرة افرح باصطحاب ابى وامى الى الخروج كل يوم جمعة والذهاب اليكى

نصلى ثم نحضر الحضرة ونردد ذكر الله حتى ظننت ان الجدران تهتز معنا من جلال الصوت وقوة ترديده بين الناس

لا انكر انى كنت احنق من الزحام ومن الناس وكثرة ثرثرتهم وحديثهم فى اشياء لا تكون جديرة بالمكان

لا انكر انى ضقت بالناس اللى تتمسح فى سورك المحصن حولك وآتيان باشياء لا اعرف ما جدواها ولا اعرف هل الناس تطلب منك انت ام من الله .........وهل يوجد وسيط بين العبد وربه

يااااااااااااالله

احببت الذهاب اليكى فانى استكين وارتاح واشعر بالحب بين اركانك

اعرف ان المساجد لله جميعا وكلها بيوت الله

لكن قد يكون هنا بالذات تصحبنى الذكريات وايام الطفولة والصبا والشباب

كل مراحل عمرى

آخر مرة ذهبت اليكى باصطحاب اختى فى الله

كانت قمة السعادة

اكرمنا الله فى الذهاب اليكى

استقلينا الوسيله وركبنا وجلسنا نتجاذب اطراف الحديث ثم قلنا نقرأ سورة الكهف

أظهرت مصحفى الذى احب ان كل الناس تقرأ فيه لاكتساب من اعطانى اياه الثواب

كنا نتقاسم المصحف بيننا نقرأ سويا

ننتظظر بعضنا بعضا لللانتهاء من هذة الصفحة لنقرأ صفحة أخرى وصفحة تلو الصفحة

انتهينا ومازال الطريق امامنا

ذكرنا الله وصلينا على رسول الله

كان هناك شخصين يجلسون خلفنايتجاذبون الحديث بلهجة صعيدية

الرجل الاول:تعرف اكتر نعمه للواحد ايه

الرجل الثانى: ايه

الرجل الاول: ان الواحد ميكونش مديون لحد ويموت وهوا مش عليه فلوس لحد

الحمد لله

الرجل الثانى : ايوة اومال ايه ....وذكر الحديث

ثم انتقلو الى حوار آخر

الرجل الاول: يا اخى البت بنتى عايزها تاخد كروسات عشان تتسلح وتبقى بت زينه وكويسه اومال

اومال ايه مش التعليم ده عليه ثواب يعنى الفلوس اللى الواحد بيدفعها ايشى دروس وتعليم ومصاريف واهو العملية ربنا سترها ويانا مش كل ده عليه ثواب من عند ربنا الحمد لله نحمد ربنا

الرجل الثانى: ربنا يباركلك فيهم وبكرة البت تتوظف وتبقى زينه اومال علام البنت مهم جدااااا وبكرة تبقىاستاذة ومفيش كدة وشغل البنت مهم برضو ويساعدها فى تجهيز نفسها

الرجل الاول: الحمد لله انت عارف والله الولد ولدى كان مسافر بره رجع جابلى كام حته قماش وآدانى تمن تفصيلهم قعدت اقوله ليه يا ولدى كدة مصاريف عليك وانت متغرب ... قالى لأ يا بابا ربنا يخليك لينا

يا الله

منتهى البساطة البساطة فى الحوار

ياالله على عبيدك يا الله

المهم استكملنا مسيرتنا

ووجلسنا بين جدرانك نتامل كلام الله

واستمعنا الى الخطبة التى آثرت فينا

وانتقلنا الى الداخل لترديد الذكر

ودخلنا الى زيارتك

آلمنى سلوك الناس وتمسحهم بالحديد المحيط حولك

وتمسحهم بالارض التى نسير عليها

جههههههههههههههههههههههل

انهم لا يعلمون ولا يعرفون

انه لا يوجود وسيط

المهم اننا انتهينا من جولتنا وكنا نتمنى ان لا تنتهى وعدنا من حيث آتينا

اتمنى ان اكون بين جدرانك من جديد

يا نفيسة العلم والعلماء

هل عرفتم من هى

انها

السيدة نفيسة