هل مارست حقكك فى الجنون؟
نعم هل تبدون اندهاشكم
لماذا؟؟؟؟؟
الجنون نعمه يا اخواتى
نعم نعمه كبيرة لا يعرفها الا من يعيش فيها ولو لبعض لحظات
فيها من الجرأة والخيال والحياة
نعيش كل هذا فى لحظة............نعم لحظة جنون
هل مشيت يوما فى المطر تستمتع بالجو وتستمتع بالماء المسدل عليك
نعم انها قمة المتعه
كنت فيما مضى انتظر فى الشتاء وقت هطول المطر استمتع به فقط اكتفى
بالخروج فى الهواء من خلال شرفتى استمتع بالمطر وانظر الى
السماء ادعى ربى بما يجول فى خاطرى لى ولكل الناس
نعم يقولون انها ساعة استجابة
تمتد يدى خارجة تداعب حبات المطر المتلالأله من السماء
انظر الى السحاب اقول يا الهى
حكمتك يا ارحم الراحمين
لكن يومها
والمطر يشتد كل حين وحين
قررت ان اسير.....اسير تحت المطر
منتهى المتعه!!!
الشوارع تكاد تكون خاليه او تسعى الى خلاءها من الأناس
والعربات تكاد تسير ببطئ من هول الماء المسدل عليها
وانا ......انا وحدى اسير تحت الماء استمتع بالطبيعة والمطر
انظر الى كل من هم حولى
اسمتع فى اذنى الى اغنيه اليسا "اواخر الشتا
تزيد الحاله عندى استمتاعا وجنونا
اريد ان انطلق اجرى تحت الماء اتراقص على النغمات
يمنعنى حذائى فقط لا غير
:)
قررت ان آكل ايس كريم المحبب الى
نعم فى وسط هذا الجو ووسط المطر الذى ربما يمنعنى من استمتاعى لكن لا
شئ يهمنى فاليوم تمتلكنى حاله ما
خرجت منتعشة وانا وحدى اسير امسك كوبى واتناول فى حب وفى جنون
الناس تنظر الى ربما تكون مسها الجنون فى هذا الجو اسير والكل يختبئ فى
بيته او تحت ظل ما وانا اسير تحت المطر بالظبط
:)
يا الله
يبدو انها حاله
لكنها ليست اول مرة
:)
..............................................................
هل جربت يوما ان تقول لمن تحب فى مكان عام احبك بجنون باعلى صوتك وسط الملأ
نعم كنت اشعر بمنتهى النشوة داخلى
بداخلى كلام كثير يختلجنى داخلى
اريد ان اقول لمن احبك لكنها فى صمت داخلى يشعر بها
وفى وسط الزحام والناس متجمعة حولنا
امسكت بذراعة وصرخت كما المهووس احببببببببببببببببببببببببببببببببببببببببببببك
نظروا الينا من حولنا لكن لما اتملك من رؤيتهم وجدت يد تجتذبنى فى
اقصى سرعة لنمشى بعيدا عن الزحام ومن الخجل الذى اعترانا
:)
يا لها من متعه .........متعه الجنون ان تمارسها وقتما تحب واينما كنت
فليمارس كل ذى حق حقة فى الجنون
نصيحه من مجنونه قديمة
:))))))))
15 comments:
انا بموت فى المشى تحت المطر
والله من يومين كنت ماشية الساعه 11 بالليل والدنيا شغالة مطر والشارع تقريبا فاضى فيه عدد قليل جدا من الناس كل واحد ماشى فى جنب وانا ماشية فى قلب الشارع وبتمشى تاتا تاتا وفرحانه جدا ونفسى اصرخ واقول للناس انا مبسووووووطة بس خفت لحد يبلغ عنى مستشفى الامراض العقلية .. بالنسبة للحب بقى فاجمل ما فيه الجنون
ازيك ياهالة
اخيرا بوست جديد ليكي
انا بعشق والله المطر ياهالة والشتاء عارفة انا بفتح المروحة وانا نايمة مش هتصدقي ده انا عارفة.. بس والله ده الي بيحصل
لازم اوصل للتجمد عشان احس اني عايشة الشتا بكل روعته
واحلي حاجة الشتا بالليل واقف في البلكونة وحدي ومفيش بشر احساس اكتر من ممتع
الايس كريم مش بيبقي حلو غير في الشتا
انا بمارس جنوني في كل حاجة بس للاسف الكل بيرفض جنوني بس انا مش بكون قاصدة ابقي مجنونة انا كده احب اني اكسر كل القواعد واعيش بقواعد نفسي
الكلمة الي اتعودت اسمعها من كل الناس كلمة
غريبة
انتي غريبة يادعاء
كل ده بسبب جنوني
مع الي بحبه لازم اتجنن بس هو بيخاف من جنوني لانه بيعتبره شذوذ عن القواعد وبيمنعني عن الجنون بس انا مش بقدر لانه فيا ساكن
وعن حبي لازم اعبر بكل الاشكال ومش مهم الناس لان الحب مش غلط كل الناس الي مكسوفين منهم هما كمان سبق وحبوا
هالة انا تكتكت من البوست ده
وشكرا انك سمحتيلي افضفض بحاجة بحبها
الله حافظ
دودو
قطة الصحراء:
منورة البلوج يا جميل..
يا بنتى ماسى حياتك بالشكل اللى يعجبك مدام مش غلط بس بجد بجد احلى حاجة هيا ساعة المطر فى الشتا والواحد ماشى تحتها بجد متعه جامدة جداااااااااا بس المرة اللى جاية امانه عليكى :)))))اعملى اللى نفسك فيه وقولى زى ما انتى عايزة ولو حد بلغ بس ادينى خبر هتلاقينى فى الاوضة اللى جنبك على طول
هاهههههههههههههههههههههه اجمل حاجة هيا جنون العقل والقلب معا
ربنا يكملنا بجنونا هاههههههههههههههههههههه
دودو:
بجد يا دودو انتى حكاية وتحوفة يا بنتى زى ما تكونى انا اللى بتكلم انا مشكلتى بقى مع اصحابى تقريبا نفس مشكلتك انى بحب اعيش الحياة كدة مدام مش بعمل حاجة غلط او حرام خلاص الواحد اصلا مش هعيش مرتين هيا مرة واحدة بس
واحلى حاجة ان الواحد يكون مجنون
:))))))))
مش كدة ولا ايه
بس بجد انتى تفوقتى عليا انا بالكتير ممكن اخلى فيه فتحة من الشباك حتى لو فى عز السقعة مدام انا مدفية كويس مش بيهمنى بقى لكن موضوع افتح المروحة دية صعبة شوية هاهههههههه
والايس كريم بقى انت تعرفى ان الايس كريم بيدى طاقة جامدة جدا فى الشتا يعنى حلاوته اصلا فى الشتا والله عشان كدة انا بحبه اوى سواء صيف ولا شتا
اما بقى بخصوص الحب والجنون
فى رايى احلى ما فى الحب هوا الجنون
وبخصوص بقى الناس التانية على فكرة اغلبهم كدة مهو لازم برضو يبقى فيه مسحه عقل ومش هيبقى احنا وهما يعنى فا لازم يبقوا معترضين علينا فى حكاية الجنون دية وشوفى بقى جنون الحب ممكن يعمل ايه
انتى على فكرة خليتى الموضوع مشعشع اوى فى نفوخى هاهههههههه انا شكلى اللى تكتك منك مش انتى هاهههههههههه ربنا يكرمك يا رب ويكرمنا كلنا ان شاء الله واشوفك مبسوطة وسعيدة دايما
وبعدين ايه حكاية شكرا دية يا بنتى دية صفحتك عبرى فيها زى ما انتى عايزة البيت بيتك يا شابه هاههههههههههههههههههه
أولا بحييكي من هنا لبكره ولبعد بكره كمان
على اختيارك الأكثر من رائع
للكوبليه الخطييييييير
ده
من أجمل أغانى ثومه
أمل حياتي
ده أولا
ثانيا برضه بحييكي جدا على الموضوع التحفه ده
صحيح من حقنا نستمتع بلحظات الجنون
الإنطلاق والعفويه
والتلقائيه يعني
اللى الناس بتسميها جنون
موضوعك هايل
ولغتك رقيقه وبسيطه
تحياتى
الملاح التائه:
بشكرك على كلامك الجامد ده اخجلتم تواضعنا يا فندم
تمام كلامك هوا ده اللى اقصده ان الانسان يكون عفوى وعلى طبيعته اللى الناس بتسميها جنون
بس احسن شئ فى الدنيا ان الانسان يكون تلقائى وبيعيش بشكل طبيعى جداااا حياته كيفما يحب مدام لم يؤذى غيره او نفسه
بشكرك مرة تانية على تعليقكك
كلامك جميل و بيدفع الواحد فعلا انه يعيش لحظات الجنون بكل ما فيها من تأثير ايجابى و سلبى .. بكل ما فيها من نشوة و فرح
ربنا يحميكى
أنا بعشق المطر و حتى لما بتكون الفرصة مش سانحالى بحب أقف ف الشباك و أمد إيدى ألمس قطرات المية
احساس جميل
طبيعة جميلة
موضوع جميل
تسلم إيدك
:)))))
برافو يا هاله:
وصفتى احساسك بنتهمى الروعه
بتمنالك سعاده دائمه
ومش عارف ايه حكايه " اواخر الشتا " مع كل البنات
اليسا عارفه تتفاهم معاكو كويس
انا كمان بحب اكل ايس كريم ف البرد واحب اجرى ف المطر
بيعجبنى انا توافق الناس بالشكل ده
تحياتى مرة ثانيه
ازيك ياهالة
يارب تكوني بخير
وشكرا لكلامك والله فرحت اوي منه
هالة عندي ليكي تاج تعالي خديه
التاج ده بعتهولي احمد الصباغ وانا مررته لكي
دودو
السلام عليكم اولا انت مدونتك جميله وانا اول مره ازورك وعجبنى المدونه واتمنى اكون صديق للمدونه ولو تحبى تشرفينى فى المدونه ثانيا عن الجنون انا اولا من بورسعيد وانتوا عارفين طبعا الجو بليل بيبقى عامل ازاى تلج رحت الساعه 7 بليل اعد على البحر وحظى الجميل ان المطر كان ملوش حل دش بس ولا همنى رحت وقعت فى القصبى للى من بورسعيد اكيد يعرفه ده فى بورفؤاد وقعت طلبت نسكافيه واعت اتامل السما والبحر والنجوم وما همنيش البرد ولا المطر بس فى الاخر ان البحر ديما صديقى الحنون اللى ديما اشكيله همى انا بروح البحر فى حالتين يا اما اكون فرحان قوى واما اكون حزين ومحتاج اشكى ولما بروح منه بحث انى ارتحت وشكرا ياريت ما اكنش طولت انا عارف انى رغاااااااااى.
انا برضه مقتنع ان الجنون جميل
وحلو
حقيق و بالذات في الزمن اللي احنا عايشين عليها
خالص تحياتي
احمد
انا مارست هذا الحق حتى استحققت هذا اللقب عن جدارة
وشعارى هو مقطع من اغنية لمدحت صالح
وجنانى ددة عين العقل والعقل دة داء بيعيى
وجنانى دة شئ مش سهل تقدر تتجنن زيى
رحيق الحب
اول زياره ليه للمدونه بتاعتك
البوست غايه فى الجمال
ده راى يمكن لانى زيك مجنونه بشهادة كل الى يعرفنى والى ميعرفنيش تقدرى تقولى شكلى باين عليه الجنان
خطيبى احيان كتير بيصرخ ويقولى حطيط صوابعى العشره منك فى الشق انا بحب عيله
وساعات بيقولى انه اشترى سلوك الكهربا الى هيبربينى بيهم من اول وجديد
انا مبسوطه انى لقيت واحده مجنونه زى
هابقى سعيده قوى لو زرتى مدونتى وعلقتى عليها
sbedtime.blogspot.com
meshmasha.blogspot.com
ايمان الطاهر :
ازيك يا قمر اخبارك ايه يا رب تكونى بخير بس عايزة اقولك على حاجة انتى اللى جميلة يا قمر كفاية انك بتحبى الطبيعة ده عشان انتى جميلة من جواكى
غالبا كل اللى اسمهم ايمان حساسين اوى ومتاملين اوى ربنا يكرمك يا رب سعدت جدا لزيارتك
السيد شبل:
ربنا يكرمك على كلامك الحلو ده بس انت كنت بتسال اليسا عامله فينا ايه ولا حاجة كل الحكاية انه لما المغنى بيوصل احساسه للمستمع وكمان بنتقى كلمات اغانية فعلا بتلالاقى اقبال شديد جدااااا وكمان اغلب اغانى اليسا رومانسية عشان كدة هتلاقى بنات كتييييييير بيحبوها وبيحبوا يسمعوا اغانيها
بس كويس ان لقيت حد معايا بياكل ايس كريم فى الشتا
:)))))
شرفتنى بزيارتك
دودو حبيبتى:
ازيك يا قمر عامله ايه
على فكرة انا دخلت سيرعا كدة وقريت الاسئلة اينعم انا ماليش دعوة بالسياسة يا بيه بس حاضر يا فندم هجاوب عشان كفاية انه دعوة جاية منك ازاى يعنى نردها معندناش الكلام ده
هاهههههه فى اقرب وقت باذن الله هتلاقينى منزلة الاجابة بس انا برئ ونبى يا بيه
هاههههههه
العراف:
اسعدنى زيارتك يا ريت متكونش آخر زيارة
جميل جداااااااا ان الواحد يبقى عايش فى مدينه فيها بحر اتو نيل مع الاختلاف ما بينهم انا عموما بحب النيل جدااااااا وبعشق البحر بصراحة بحبهم هما الاتنين ولو يصادف وطالعة رحلة لاسكندرية او اى مدينه ساحليه فيها بحر بجد متعتى انى اكون قاعدة قدامه كدة وباصة للبحر اكلمه من جوايا اشتكيلة افضفض لو مضايق بجد منتهى المتعة
اسعدنى كلامك وبعدين الصفحة صفحتك اتكلم وفضفض وقول رايك زى ما انت عايزة مدام فى النظاق وداخل الحدود
:)
ربنا يوفقكك ويكرمك يا رب
موجه:
يا مرحب يا استاذ احمد اهلا بيك فى زيارتك لمدونتى
معاك حق فى كلامك على فكرة ممارسة الجنون لوحدها متعه وخصوصا انك زى ما تقول كدة بتزيل ضغط من على كاهلك ومن على عهقلك ولو لبضع ساعات او حتى دقائق اكيد كلنا محتاجين لده عشان يكون فيه حتى توازن
ده حتى مش بيقولوا المجانين فى نعيم وفعلا :)
سمبل جيرل..سمبل دريم:
يا سلام بعز اوى الناس اللى بتعزز نظرينى وبتقول مارست فعلا حقها يا سلام هوا ده كلام الزين هاهههههههههه
المهم ميبقاش زيادة عن اللزوم والا بقى هنضطر نزورك فى مكان تانى
:)
بعد الشر عليكى بدعابك مش اكتر
بس عموما عيشى الحياة محدش واخد منها حاجة انتى بقى واخدة من المطقع بتاع مدحت صالح طب شوفتى انتى المقطع بتاع رزان تقريبا اللى هيا عايشة سنى ده اسم
الاغنيه ابقى اسمعيها هتعجبك اووووى
قلوب بتغنى:
اهلا بيكى فى مدونتى يا ريت تشرفينا وتكرر تانى الزيارة انا مبسوطة انا بلاقى ناس مشتركة معايا الظاهر اننا مشتركين ويا بعض ىف حاجات هاههههههههه
انا لما بطلع جنانى بقى بجد على خطيبى بيقولى انا الظاهر بحب طفلة وكمان مجننانى هاهههههههه مرة كنا فى حديقة كدة وكان فيها مراجيح انا شفتها وجريت عليها ندم اصلا اننا قعدنا قدامها نستريح شوية هاهههههههه يلا محدش واخد منها حاجة
بس باذن الله هزور مدونتك اكيد هتبقى جميله زيك
اسعدنى مرورك
Post a Comment