اشتقت الى الذهاب اليكى

اشتقت الى الجلوس بين اركانك والمكوث بين محبينك

اشتقت الى تردد ذكر رسول الله وذكر اسم الله بين جدرانك

اشتقت الى كل شئ حتى الاناس الذين اعتدنا عليهم منذ زمن

ياااااااااالله

كانت ايام

كنت صغيرة افرح باصطحاب ابى وامى الى الخروج كل يوم جمعة والذهاب اليكى

نصلى ثم نحضر الحضرة ونردد ذكر الله حتى ظننت ان الجدران تهتز معنا من جلال الصوت وقوة ترديده بين الناس

لا انكر انى كنت احنق من الزحام ومن الناس وكثرة ثرثرتهم وحديثهم فى اشياء لا تكون جديرة بالمكان

لا انكر انى ضقت بالناس اللى تتمسح فى سورك المحصن حولك وآتيان باشياء لا اعرف ما جدواها ولا اعرف هل الناس تطلب منك انت ام من الله .........وهل يوجد وسيط بين العبد وربه

يااااااااااااالله

احببت الذهاب اليكى فانى استكين وارتاح واشعر بالحب بين اركانك

اعرف ان المساجد لله جميعا وكلها بيوت الله

لكن قد يكون هنا بالذات تصحبنى الذكريات وايام الطفولة والصبا والشباب

كل مراحل عمرى

آخر مرة ذهبت اليكى باصطحاب اختى فى الله

كانت قمة السعادة

اكرمنا الله فى الذهاب اليكى

استقلينا الوسيله وركبنا وجلسنا نتجاذب اطراف الحديث ثم قلنا نقرأ سورة الكهف

أظهرت مصحفى الذى احب ان كل الناس تقرأ فيه لاكتساب من اعطانى اياه الثواب

كنا نتقاسم المصحف بيننا نقرأ سويا

ننتظظر بعضنا بعضا لللانتهاء من هذة الصفحة لنقرأ صفحة أخرى وصفحة تلو الصفحة

انتهينا ومازال الطريق امامنا

ذكرنا الله وصلينا على رسول الله

كان هناك شخصين يجلسون خلفنايتجاذبون الحديث بلهجة صعيدية

الرجل الاول:تعرف اكتر نعمه للواحد ايه

الرجل الثانى: ايه

الرجل الاول: ان الواحد ميكونش مديون لحد ويموت وهوا مش عليه فلوس لحد

الحمد لله

الرجل الثانى : ايوة اومال ايه ....وذكر الحديث

ثم انتقلو الى حوار آخر

الرجل الاول: يا اخى البت بنتى عايزها تاخد كروسات عشان تتسلح وتبقى بت زينه وكويسه اومال

اومال ايه مش التعليم ده عليه ثواب يعنى الفلوس اللى الواحد بيدفعها ايشى دروس وتعليم ومصاريف واهو العملية ربنا سترها ويانا مش كل ده عليه ثواب من عند ربنا الحمد لله نحمد ربنا

الرجل الثانى: ربنا يباركلك فيهم وبكرة البت تتوظف وتبقى زينه اومال علام البنت مهم جدااااا وبكرة تبقىاستاذة ومفيش كدة وشغل البنت مهم برضو ويساعدها فى تجهيز نفسها

الرجل الاول: الحمد لله انت عارف والله الولد ولدى كان مسافر بره رجع جابلى كام حته قماش وآدانى تمن تفصيلهم قعدت اقوله ليه يا ولدى كدة مصاريف عليك وانت متغرب ... قالى لأ يا بابا ربنا يخليك لينا

يا الله

منتهى البساطة البساطة فى الحوار

ياالله على عبيدك يا الله

المهم استكملنا مسيرتنا

ووجلسنا بين جدرانك نتامل كلام الله

واستمعنا الى الخطبة التى آثرت فينا

وانتقلنا الى الداخل لترديد الذكر

ودخلنا الى زيارتك

آلمنى سلوك الناس وتمسحهم بالحديد المحيط حولك

وتمسحهم بالارض التى نسير عليها

جههههههههههههههههههههههل

انهم لا يعلمون ولا يعرفون

انه لا يوجود وسيط

المهم اننا انتهينا من جولتنا وكنا نتمنى ان لا تنتهى وعدنا من حيث آتينا

اتمنى ان اكون بين جدرانك من جديد

يا نفيسة العلم والعلماء

هل عرفتم من هى

انها

السيدة نفيسة

بص من فوق عشان تحس بالحلاوة....:)

بجد احلى احساس انك تكون واقف فوق اعلى مكان وشايف كل حاجة حواليك

شايف الاهرامات والبرج والقلعة والنيل والبحيرة وكل شئ حلو فيكى يا مصر

..........

كنت من كام يوم بقضى احلى يوم بجد كنت حاسة انى فى حلم حلوووووو جداااااااااااا

كنت مبسوطة اوووووووووووى كنت بجد معنوياتى مرتفعة جداااااااااااا

وكنت حاسة انى فى حاله غريبة كدة

على الرغم انه كان يوم مزحوم

كان عندى شغل اليوم ده و بعدين كان عندى مشوار قضيته كنت فى الفترة دية

بستمتع بكل حاجة

زى ما يكون كنت مسافرة فوق كوكب تانى وبعدين رجعت لكوكب الارض

المهم:)

بعديها رحت فرح واحدة صحبتى كانت من ايام المدرسة كنت فرحانه اووووى لما افتكرتنى وعزمتنى بالرغم ان بقالنا فترة كبيرة مكنش بينا اتصال ومع ذلك اتصلت وعزمتنى وعلى الرغم ان مكنش فيه حد من ايام المدرسة تقريبا غيرى وبعدين معرفش اهلها برضو بس رحت

وكان اجمل فرح رحته عشان مكنتش لوحدى وكمان عشان زى ما نكون عايشين الحياة عادى يعنى

خلصت الفرح وبعدين استنيت اخواتى يعدوا عليا عشان رايحين خطوبة اخويا

وبليل بقى اتعزمنا كلنا على السينما على فيلم كده رضا روحنا اليوم ده الساعة 4 وعشرة الفجر

بجد كان يوم مزحوم بس جمييييييييييييييييل فووووووووووووق الوصف

عايز تحس بالنعمة بص لغيرك....!

عنوان غريب صح

بس دية الحقيقة فعلا

امبارح كان يوم عادى بس متعب شوية

صحيان بدرى زى كل يوم مرواح للمكتب عادى ننزل نروح شركه بره برضو عادى كل شئ عادى بس اللى كان مخلى الواحد مش حاسس باليوم التعب اللى فيه لا اكثر ولا اقل

خلصنا مهمتنا وركبنا راجعين بيتنا بس طبعا مش عادى زى كل مرة

:)

لسبب بسيط كل مرة بنصادف مواقف فى وسائل المواصلات ممكن تخليك فرحان جداااا وممكن تخليك مكتئب وممكن تخليك تقول الحمد

لله فى سرك ممكن كل شئ

لقيت من ضمن الركاب راجل قاعد ورا السواق بيكلم نفسه .......؟؟؟؟؟؟؟؟؟قعدت دققت كتير يمكن مثلا انا اللى بيتهيالى لكن لأ

دققت ليه اكتر لقيته بيحرك أصابعه بطريقة منفعله شوية وبيكلم نفسه زى ما يكون بيوبخها او من جواه مضايق بيكلم نفسه بانفعال زى ما يكون حانق على حاجة حواليه ومش قادر يزعق حاجة كدة يعنى

بس سبحان الله والحمد لله على نعمة العقل

هتسوى ايه لحظة زى دية بيكون فيها الانسان ضعيف حتى نعمة عقله رايحة منه هتسوى ايه اللحظة دية

عشان كدة لازم الواحد يقول الحمد لله على نعمة العقل والمال والحب وكل شئ

الحمد لله

موقف تانى

بعد ما نزلت من المينى باص مش عارفة حسيت انى مضايقة شوية او مخنوقة مش عارفة جاتلى مكالمة تليفون قالتلى خبر حلو ووحش فى نفس الوقت

حسيت مرة واحدة انى وحيدة مش عارفة ليه

قلت احسن حاجة اروح للمكان اللى بحبه يمكن اروق وابقى كويسة وقد كان فعلا

رحت اتمشيت فى مكانى المفضل كالمعتاد

هناك بحس بحلاوة المكان والناس والدنيا وكل شئ

هناك تحس انك فى قلب مصر وانك بتحب كل ذرة فى مصر

كل شئ كل شئ ممكن الانسان يتخيله

وقفت شوية بشاهد منظر النيل والناس اللى فيه

لقيت مركبين بساط اووووى

كانوا جنب بعض وقريبين نوعا ما للشاطئ

واحدة منهم فيها ست كبيرة شوية وبنت شابه تقريبا كانت بتعمل الاكل او بتطهيه حاجة زى كدة

والست الكبيرة لقيتها بتمد ايدها فى النيل بتتمضمض وشوية كملت اركان الوضوء كلها

بجد آآآآآيه فى منتهى الجمال والروعة

ست بسيطة وفقيرة وعلى آدهل وعلى الرغم انها فى قلب النيل ومكان مش ثابت ومفيش اى مظاهر مشجعة اوووى لكن برضو بتراعى ربنا فى صلاته

كملت وضوءها وبعدين وجهت نفسها وهى جالسة وحطت زى شلته قدامها وبدأت فى الصلاه

الله بجد منظر كان محتاج صورة

بجد الناس الطيبة دول البسطا هما دول اللى بحسسوك بحلاوة الحياة ولذتها وبنعمتها

موقف تالت

على الشط الناحية التانية راجل كبير نوعا ما قاعد على السلم بيصطاد فى تأنى

حسيت انه بيدى معنى للصبر

شوية جه راجل تانى جنبه

ومستنين فرج ربنا ان ربنا يكرمهم بسمك يصطادوه

وكله فى النهاية مسلم امره لله

فى النهاية

روحت وانا بجد حسيت بحاجات كتييييير اوووووووى

والحمد لله

بس تقريبا نهاية الرحلة دية مكنتش حلوة

روحت البيت تعبانه جدااااا ورقدت فى السرير وبترعش وبكح جامد ومش عارفة انام بنام قلقانه

بس برضو لازم الواحد يقول الحمد لله

واهو كلها يومين ان شاء الله والواحد يرجع عفريت زى الاول

هاهههههههههههه

:)

عمرك قعدت مرة مع نفسك...؟؟؟؟

احيانا الانسان من وقت للتانى بيحتاج ياخد راحة من كل حاجة حواليه ويقعد شوية فى استكانه وهدوء ويكلم نفسه من جواه ويشوف هوا مين وبيعمل ايه ويا ترى اللى بيعمله كله صح ....طبعا لألألأ اكيد فيه حاجات غلط كتير بنعملها بس للاسف فيه حاجات تقدر تتغلب عليها وفيه حاجات تانية لأ وده بيكون حسب طبيعة الشخصية نفسها

النهاردة بالاخص مش عارفة حاسة ان فيه حاجة غريبة محتاجة فعلا اقعد مع نفسى مع ان كتييييير بقعد وياها واقعد ساعات افتكر حاجات من هنا ومن هناك ويمكن حاجات تخلى الواحد يكتئب بس بتعلم الانسان حاجة

قريب حصلى موقف ممكن يكون حاسة انه غير حاجات كتييييير جوايا وهزنى فعلا يمكن عشان حسيته اووووووى يمكن عشان كان لحد قريب منى اوووووووى فا عشان كدة حاسة انى كأن الموقف ده معايا .....مش عارفة بالظبط

يمكن اكون ملخبطة شوية من جوايا مش عارفة

بس فيه تساؤلات بسالها لنفسى كتييييييييير

الموت طبعا ده حقيقة ولابد الاعتراف بيها

طيب يا ترى بقى استعدينا لده؟

مش ممكن الواحد فى اى لحظة هيموت يا ترى بقى ربنا راضى عنه!

الحكاية مش صلا ه وصيام وبس لألألألألأ بالعكس الموضوع اكبر من ده بكتيييييييير

ليا واحدة صاحبتى فى مقام اختى الكبيرة

دايما تقولى .....هالة انتى بتعملى خير بس للاسف بتضيعه فى لحظة

ازاى؟؟؟؟؟؟

للاسف ليا طبيعة غريبة شوية

انا بحب اضحك ...افرفش بس للاسف ممكن بكون من النوع الساخر يعنى ممكن الواحد يبقى راكب وسيلة مواصلات ومثلا شخص عمل حاجة او مثلا كنا فى محل والراجل عمل مثلا بوشه حاجة بجد تضحك اووووووى

انا مش بقدر امسك نفسى دية حاجة وبعدين الناس بتقولى انتى مش بتسيبى الناس فى حالها ممكن اعلق على كل حاجة بس كنوع من الدعابة مش اكتر يعنى بناخد الموضوع بتهريج

بس اختى بتقولى ده غلط وربنا هيحاسبنا على ده

بحاول فعلا اتغير بس طبيعتى زى ما هيا .....مش عارفة بجد اعمل ايه

وربنا اعلم بيا وبالنوايا بتاعتى ايه

مش عارفة انا حاسة انى بتحصل ليا مواقف بسال نفسى طب يا ترى ربنا عمل كدة ليه

يا ترى انا قصرت فى حاجة وطبعا ده اكيد

طب هحاول ادوام على الحاجة اللى كنت بعملها

مش عارفة انا حاسة انى ساعات بتعب كتيييير من جوايا

يمكن عشان شخصيتى اصلا متعبة

بحب أصحابى جدااااا بس برضو مش بحب اتعب حد معايا احيانا بكون منغلقة على نفسى عشان كدة ممكن فيه ناس تزعل وتضايق منى عشان مش بشركهم ويايا

مع أن واللهى ده عشان من جوايا مش عايزة اضايق حد معايا وفى نفس الوقت احب اشارك الناس هموهم وافراحهم وكل حاجة ........مش بقولكم غريبة ومتعبة

طب يا ترى كدة تفكيرى صح ولا غلط ولا بحبكها اوووى ولا ايه مش عارفة

:(

دايما كمان اقعد افكر كتييييييرفى كل حاجة بتحصل

وفى اصحابى وفى حاجات حصلتلهم وفى كل حاجة

بس اهم حاجة ان لو حادث مش حلو الواحد يحمد ربنا عن اقتناع ده اللى بجد طالباه من ربنا

وان ربنا يهدينى للصح دايما

ويهدى بالى دايما انا وكل الناس يا رب

مش عارفة حاسة انى عكيت شوية

بس اهى فضفضة شوية وخلاص

منتهى الحب

نقول ايه خلاص انا وانت حبيبى مفيش حاجة نقولها

واصلين لدرجة حب محدش فى الدنيا وصلها

انا ليك وعمرى ما اكون يا حبيبى غير ليك

روحى شاغلها

دية الثانية وانت بعيد ازاى قلبى هيستحملها

يا حبيبى اوصف فرحتى بيك ازاى صعب عليا

اكتر يا قلبى ما بحلم بقى ملكى وبقى فى ايديا

انا ليك وعمرى ما اكون يا حبيبى غير ليك

روحى شاغلها

دية الثانية وانت بعيد ازاى قلبى هيستحملها

عمرو دياب

معاك جنيه يا حضرت.....؟؟؟؟؟؟

النهاردة كان يوم عجيب بس لذيذ فى نفس الوقت النهاردة كام فى الشهر يا بشرررر (29)..... الواحد مستنى انفراجة من عند ربنا عشان نقبض بقى وكمان الواحد بيقول فى سره يا رب استاذ يسرى يرجع من السفر عشان يقبضنا انشاله يقبضنا ويرجع المصيف بتاعة تانى بقالى كام يوم من ساعة يوم الخميس كل اللى احتكم عليه 2 جنيه ونص ......هاهههههه طبعا رضا ونحمده الحمد لله واللهى الواحد برضو لما يكون صعلوك بيكون شعور برضو حلو المهم بصراحة كنت هطلب من بابا او ماما فلوس بس كرامتى ونفسى من جوه مسمحش بده طب هنعمل ايه بقى فى دماغ الواحد اللى عايز ضرب ... ولا بلاش المهم قلت مش مشكلة مدام الواحد اول يومين فى المترو ومش هحتاج مصاريف انتقال ولا حاجة واكيد اكييد هنقبض مثلا على يوم الحد

صحيت الصبح بكل نشاط عادى جدااااا رحت الشغل وانا نافشة ريشى وماشية بكل ثقة قلت فى سرى قبل ما انزل يا رب ان شاء ربنا يسترها ويانا ونقبض النهاردة ولا مثلا لو الخطة اتغيرت ونزلنا شركة بره او هنعمل حاجة بره ونركب مواصلات لو اتذنقت ابقى آخد من منى وخلاص بقى.... المهم رحت الشغل انا ومنى اختى وصحبتى فى نفس الوقت .....لقيت منى بتقولى ايه ده مش هنقبش النهاردة ولا ايه بقولها الله اعلم لقيتها بتقولى انا مفيش معايا غير جنيه وربع بس

!!!!!!اييييييييييه بجد يا منى وانا اللى كنت فى بالى بقول هبقى اقول لمنى لو احتجت حاجة

طبعا فطسنا على روحنا من الضحك وانا كمان مش معايا غير جنيه ونص ولا اتنين جنيه جيت طلعتهم لقيتهم 2 ونص صحكنا جامد من تانى على روح الصعلكة اللى احنا فيها وروح الافلاس المرحة دية

شويتين زمايلانا هلو كله عمال يقول ايه يا رب عايزين نقبض النهاردة مش نافع خاااالص تأخير يوم واحد وكمان فيه يا عينى ناس معانا وراها اطفال ومسئوليات

شويتين لقنا زميلنا جه بيقول لزميل تانى

يا شيخ احمد معاك جنيه معلش مكنتش عامل حسابى انى هنزل بره وكدة النهاردة

حاضر يا فلان

طبعا احنا سامعين وعمالين نضحك من الموقف

هوا اينعم شعور مش حلو ان الواحد حاسس ان فيه حاجة مأثره وياه بس احنا ضاربنها صرمه وتحيا حياة الصعلكة والفول والطعمية

هاههههههههههههههههههه

وكمان اللى زاد الطين بله اننا حتى مش قادرين نجيب حتى اكل وجعانين وطبعا لو صرفنا الفلوس اللى ويانا الله اعلم بكرة ايه نظامه بس الحمد لله روحنا وأكلت ويا منى اكله هنا ومحشى بقى وحاجة معتبره

هاهههههههههههههههههههههههههه

بس

بجد شعور لذيذ اوووووى تبقى مثلا ماشى فى مكان فخم اوووووى وعمال تتفرج على حاجات اشكال والوان ومش معاك تجيب حاجة منهم وانت عمال تضحك وتهرج ولا كأن

مش بذمتكم تبقى تحيا حياة الصعلكة

هاههههههههههههههههههههههههههه

وبعدين ربنا بيسترها برضو

ومفيش احسن ان الواحد يقول ايييييييه

قول يا باسط

وكمان فيه حاجة

الواحد مش لازم يعيش حياته كلها على طول كدة واخد احيتاطة ومش ناقصة حاجة

وبيجيب كل اللى نفسه فيه

الحمد لله الواحد مش محاتج حاجة

بس

لازم نتعلم ونجرب كل حاجة وكل شعور

فيه وقت الواحد يبقى معاه بزيادة ويبقى مش ناقصة حاجة

طيب لما يصرف اكيد هيقل اللى وياك ويعيش حياة الصعلكة من تانى

واهو عشان نحس بشعور الناس التانية برضو بيكون شعورها ازاى

وكمان عشان نعمل توازن نفسى جوانا احنا

وحاجات تانية كتييييييير

هوا المفروض كمان ان يكون فيه توازن

يعنى لا نبسطها كل البسط ولا نخليها مزنقة اووى ونضيق على نفسنا

زى ما ربنا قال

والحمد لله مستورة برضو

وكل شئ عال العال

والايشه معدن

هاههههههههههههههههههههه

تحيا حياة الصعلكة والمفلسين

هاهههههههههههههههههههههههههههههه

وبعدين نقووووووول اييييييييييه

نقول يا باسط

:)

أغنياء.....فقراء......ولكن

بسم الله الرحمن الرحيم

للفقراء الذين احصروا فى سبيل الله لا يستطيعون ضربا فى الأرض يحسبهم الجاهل أغنياء من التعفف تعرفهم بسيماهم لايسألون الناس إلحافا وما تنفقوا من خير فإن الله به عليم" صدق الله العظيم

..................

فى نفس الأسبوع الذى قابلنا فيه الطفل سالم واجهنا موقف آخر يبدو غريبا بعض الشئ !كعادتنا استلقينا المترو من محطتى وبدأنا رحلتنا لنصل الى آخر خط حلوان لنبدأ رحله من جديد لنصل الى مدينه 15 مايو لنبدأ العمل هناك

المهم فى الخط القديم جلسنا نتحدث انا واصدقائى تارة نشاهد من الشباك تارة أخرى نقرأ قرآن لنفتتح به يومنا وبالطبع أثناء هذة الرحلة نقابل باعة ومتسولين وهم عدة وما اكثرهم الآن فهناك من تتعاطف معه وهناك من تقرأ فيه فن التمثيل الصحيح المهم عندما اقتربنا من آخر الخط ونزل أغلب الركاب لم يبقى فيه الا القليل رأيت فئة من السيدات الكبار الذين كانوا منهم من تبتع المناديل ومن تتسول وهكذا

واحدة او اثنين منهم كانت تبدأ فى وجهوهم طيبه وصفاء حقا.....جلسوا يستريحون قليللا من الوقوف طوال اليوم والتنقل من العربة تلو العربة المهم بدأ الحوار بينهم

السيدة الاولى: آآآآه الواحد تعب خلاص مش قادر يقف من اللف والدوران ويادوب بنبيع بالكاد الواحد مش لو كان ليه ابن مش كان هو اللى هيجبلى اللقمة ويريحنى من البهدلة دية...وأخذت فى البكاء

السيدة الثانية:معلش متزعليش نفسك هيا الحياة ايه غير لقمة وهدمه والحمد لله ان الواحد بيرجع آخر اليوم بينام على فرشته مرتاح البال ....نحمد ربنا محدش عارف لو ليكى ابن كان هيبقى ايه الحال الله اعلم مش يمكن كان يطلع وحش وانتى برضو اللى تصرفى عليه

السيدة الثالثة:وقد رددت فى قوة وكانها لا تبالى بدموع السيدة او كلامها ...انتى بتعيطى ليه يا سيتى هما يعنى اللى خلفوا عملوا ايه مهو برضو ده فيه ست ابنها مطلع عنيها متفكريش ان لو كان ليكى ابن كان ياما هنا ياما هناك مهو كان ممكن يطلع وحش ويتعبك زيادة

نطقت تلك الكلمات وتركتهم وانزوت بعيدا واخذت تخرج حصيله اليوم من التسول وسط العربات وقسمت المال الذى معها الجنيهات منفصله وتخفيها فى جواربها الذى تلبسه والاربع فى الارجل الآخرى

يا آلهى أهذه السيدة التى كانت منذ قليل تستجدى عطف الركاب.........اللهم لا حول ولا قوة الا بالله‍‍

يا ربى ما كل هذا التمثيل سبحان الله ‍‍‍‍‍‍‍‍‍........

قالت لى صديقتى أرايتى بعينك هذه هى السيدة اللى كانت تستجدى عطف الركاب انظرى ماذا تفعل ولسخرية القدر أثناء العودة رايتها هى ذاتها تلك السيدة وهى تفعل ما اتقنته كل يوم تستجدى عطف الركاب من جديد وتحكى تلك القصة المتقنه من تأليفها لكى تجمع حصيله لا بأس بها آخر اليوم

حقا سبحان الله......

لله فى خلقه شئون